مشّحتا سهذَي دأثري
تاقطلا دقاشا وشماشا
ميثا يما طالوخن
پريسّه دحَشا بأثروخّن
هاوَر تاجوَنقوثوخّن
وخايوخون ويوماثوخون
جريحا صَدري بْحَشوخون
ومفّتفْتّة بگو قطلوخون
أيني سمايا طالوخون
كيبا وكباخن القوروخون
وَردّه كخاهي بدمّوخون
وبيبونّه بگو پَغروخون
يومي كوما دزلّوخون
وقويري آنا بدوكوخون
كوپريلّه هاداخ جوَنقّه ......دقيذّي مَخواثد رَقّه
يايمّي.....
كصَرخن وليباخ شمْأتّي
رَحوقتا ولاگمَطْياتي
زوريون وكمدَلَتّي
ورابيوّن وكمخازياتّي
بدَرگوشتّي كمشأشاتّي
هول كچيمي أيني وكشوقاتّي
وبسَندوقي كمنَشقاتّي
قطيلا وليباخ مَقيماتّي
ومن قَرثي كمكاسياتّي
وبگو بَدلتّي كمكّرخَتّي
مني گياقذ مَخ يما .......وگناپل كبّابد كومّا
يابرونــــي:
جولّه كومّه يابروني
خّطلّي تاشنّي وزونّي
وكوسي شريلي ياخوني
ومباثروخ مبُربّزلّه هوني
كمشوقتلي تاگياني
طورَه ودّردّه الروشاني
بداند مپلّوخ يايمي
شرّيلْه ساما بگو دمّي
منّي كبَشلّي ميواثيح.....مّخ خَنواثيح وخَثواثيح
يايمي:
هالاخ القوري يايمّي
ولاكيبن دراحقات أمّي
ودقَپلاتي ودناشّن هَمّي
ودمومصاتّي ودائّر دمّي
ومكَلكّل بقالا عَززتي
وريخا مبَربْز الجُّثْتّي
وتخورون خَنواثي شّمي
ومساقلون بيوماثي وخلمي
.....................................................
كول كيپه داثري بخّيلاي
وكول رابّه وزورّه نعيلاي
مكود آنا مپيلا شميلاي
وأوپرا الريشاي مدّوريلاي
وصَلماي والبوركاثاي مخيلاي
وقالا دنَقّوشّه عليلاي
نهــــــاد حنــــــانـــي
هــــولاندا
05-06-2007
الكاتب
