ماذا يحدث في المقابلة الاولى لــ IOM ?

[abujo]

اخواني اتصلو بي قبل ثلاث ايام وحددو لي مقابلة الاولى في IOM اريد اعرف اخوان شنو يصير بهاي المقابلة؟ وشنو الاسئلة اللي يسئلوها؟ وشكيد مدة المقابلة؟ وهل يمكن ان يعملو المقابلة الثانية بنفس اليوم؟ علما اني بالاردن واحنا عائلة اني وزوجتي وابني.... واعذروني يا اعزاء اعرف السؤال يمكن مكرر بس مثل ماتعرفون كل قترة تصير مستجدات بامور المقابلات.

[alnoor-النور]

اخي عزيز // (1) مقابلة هي نسخ كافة اورق ومستمسكات رسمية وغير رسمية التي متوفره عندك مثل جواز سفر شهادة جنسية وجنسية  وعقد زواج شهادات مدرسة  وشهادات خبرة ومهنة  دفترة خدمة عسكرية   كتب تهديد  كتب عمل // ملاحظة هامة ليس بشرط تكون كل هذه اورق عندك يعني عندك قدمه //(2)     اما الاسئلة يسئلوها  = معلومات عامة مثل  دراسة  وتفاصيل دراسة  عملك  وهي مهنة  وتفاصيل مهنة  عنوانك في العراق وفي لاردن ==  اسماء اخوانك وخواتك  == عسكرية  نوع صنف  وموقع خدمة  ورتبة  ==  بعده اخد  قياس وزن  وصور شخصية   وبعده  قصة خروج من العراق وبتفاصيل  واهم شي اقولك في سابق في يو ان  ولان مع iom   === فترة مدة مقابلة  غير محدده  قد ساعة قد  6 ساعات  قد  3 ساعات //  لا اعتقد يعملون مقابلة مر ثانية  وانشاء اللة مع هئية محلفين  هم مخولين بكل شي قبول او رفض وبتوفيق  وشكرا == النو ر ==

[abujo]

اخي العزيز النور المتألق شكرا على ردك السريع ....... عزيزي حسب ماسمعت من الناس اللي هنا بالاردن ان IOM  تجري ثلاث مقبلات والاخيرة اي الثالثة تكون للمحلفين. افتهمت من جوابك انه بس مقابلتين بـ IOM. شكرا لدعواتك اخي الكريم

[عراقي وكرادي]

السلام عليكم
اخويه العزيزيعملون ثلاث مقابلات بل اي او ام الثالثه محلفين المقابله اولى وبعده يعطوك موعد مقابله الثاني وبعدها المحلفيين والله يسهل عليك وينور طريقك ومشوف اي مصاعب انشالله ولاتقلق توكل على الله
اخي العزيز اني اخوك بلاردن وقابلت توطين من شهر الخامس 2008 واخذومني ثمان صور والقابلتني امريكيه وكالت ملفك راح يتحول على الوفد الامريكي ولحد الان ماكو شي ممكن اعرف المده الي اتحول ملفك من اليوان الى اي او ام وشكد طولت فتره التوطين والك كل التقدير
اخوك الكرادي

[abujo]

اني قابلت 22/12/2008 توطين في اليو ان اخذو مني ومن كل واحد بعائلتي 4 صور وكالو ملفك راح يتحول للنوطين في الولايات المتحدة . يوم 7/1/2009 خابروني وكالو عندك مقابلة بـ IOM يوم 2/2/2009. وفي 8/1/2009 خابروني اليو ان وكالو ملفك تحول للبلد التوطين امريكا وهم راح يكون قرار الرفض او القبول يمهم. بس اخي انت شغلتك غريبة! ليش مراجعت IOM و UN علمود تسأل عن سبب التأخير. جان اكو عائلة ملفها طول مدة تحولا من اليو ان الى اي او ام 9 اشهر وهسة هم في امريكا.

[عراقي وكرادي]

السلام عليكم
شكرا على اجابتك الي والله يسهل عليك
اخويه العزيز والله مساكت على طول اخابر اليوان وال اي او ام يوان يكولون ملفك بلتوطين بدراسه من شهر الخامس لحد الان حتى علم الذره هم اخذ ولسه ماكو شي شسوي ماعرف والله يسهل على الجميع انشالله ماعدنه غير الصبر
اخوكم الكرادي

[alnoor-النور]

اخي abujo  /  مو شرط تكون  عدد مقابلات 2 او 3 او 4  = قد يقتنعون بقصتك من اول مقابلة  وبعده تحويله الي هئية محلفين   واذا كانو غير مقتنعين او شك في معلومه هذه حالة يتطلب فية مقابلات اضافية  او تاكد من حاله معينة لتاكد منه وهذا امر عادي لاداعي لخوف او قلق ===================== النو ر ======