الترفل دوكيومنت محتاجين مساعدتكم رجاء (خاصة الاخت أنجي)

[AlTaee29]

الى أحلى منتدى ....السلام عليكم,
أني اخوكم عراقي محصل على الكرين كارد ورجعت لبغداد بسبب شغل لمدة 3 اشهر سؤالي الي اتمنى ان تجاوبوني علية هل أستطيع التقديم على الترفل دوكومينت من بغداد؟؟ وهل أستطيع عمل الاجراءات في السفارة الامريكية في بغداد؟؟وكم تستغرق وقت؟؟والي عندة معلومات اكثر عن وثيقة الترافل دوكيومنت خلي لايبخل علينة .............وشكرا أخوكم الطائي

[cooliraqi80]

اخويا ممكن بعد اتوضح اكثر يعني انت طالع لجوء؟؟؟ او هجرة

اني الي اعرفه بالحالات الاضطرارية(اقصد اللجوء) ايصير تقدم على الترافيل دوكيومينت وماتنتظر وتطلب استلامه بدولة اخره بيها سفارة؟؟


بس بالنسبة لموضوعك انت ماتحتاجها اصلا لان محصل على الكرين كارد وتكدر ترجع بيه على اميركا

بس عجبا الرجوع للعراق ياثر لو لا على دخولك مااعرف؟؟؟

[mohammed2009]

السلام عليكم

اهلا وسهلا بيك اخي الكريم في هذا المنتدى ...

اخي انته مسافر عن طريق اي برنامج SIV او IOM ??

اذا كنت مسافر الى امريكا عن طريق IOM فكيف خرجت من امريكا بدون ترافل دوكيمنت ؟؟؟
لانك ضروري تحتاج ترفل دوكيونت للسفر خارج الولايات المتحده !!!

واذا كنت مسافر عن طريق SIV فيحق لك السفر والتجوال الى اي مكان وحتى الرجوع للولايات المتحده على جوازك العراقي بشرط ان لاتتجاوز مدة بقائك خارج الولايات المتحده 5 شهور و 29 يوم لان بعدها سوف يسقط عنك الكرين كارد ....

شكرا

محـــ2009ـــمد

[mohammed2009]

اخي العزيز AlTaee29

ارجوا الاجابه على اسئلتنا لكي نتمكن من مساعدتك وان تعم الفائده للجميع

الاخت انجي والاخوه الكرام الي عنده معلومات بخصوص موضوع الترفل دوكيومنت ياريت ايوضحنا

شكرا

محـــ2009ــــمد

[angie-dawood]

اخي العزيز altass29 تحية طيبة

اخي العزيز سالت المحامي مال هجرة عن موضوعك كال ميصير تقدم من بغداد لانه القانون اتغير هسى لازم تكون بامريكا حتى يسون الك طبع اصابع نهائيا ميصير تقدم من بغداد هذا كل الي كال عليه

[tiger-ALtlkefy]

الاخ الطائي مشوف سؤالك غريب
شلون سافرت من امريكا لبغداد وهسه تسال على travel document

اما عن صدور travel document فهو ما يصدر ولا يجدد من السفارة  فقط من دائرة الهجرة بامريكا

اتمنى ان تكتب معلومات اكثر حتى نكدر نخدمك

تحياتي
تايكر

[AlTaee29]

شكرا لكل الخوة الاعزاء اللي جاوبني ومساعدتهم بهاذا الموضوع
اني على برنامج SIV
الخاصب المترجمين وعندي كرين كارد و بالنسبه للاخ اللي يكول سؤالك غريب شنو وجه الغرابه اني رجعت للعراق بعقد عمل وما اصور ان اي واحد عندة كرين كارد يكدر يرجع الى العراق بدون اي مشاكل ولا يخبر كل جهة في امريكا مجرد تحجز وترجع على ان لاتبقى في العراق اكثر من 6 شهور شنو الغريب بهاذا الموضوع ب العكس كلش واضحة واعتقد كل واحد مقيم ب امريكا يعرف هاذا وهاي مو اول مره اروح للعراق وارجع الى امريكا هاي المره الثانية بس يبقى السؤال هو اني ارجع الى نيويورك الشهر القادم وين اقدم اوراقي للحصول على الترفل دوكيمنت اقدم الى الهوم لاند لو وين وشكد اطول لحي استلام الترفل دوكيمنت
مع جزيل الشكر والاحترام للاخوان والاخوات اللى جاوبوني واللي راح يجاوبون مع الف شكرللاخوان ب المنتدى جميعا

[mohammed2009]

اخي العزيز AlTaee29

بخصوص الترفل دوكيومنت هي تصدر من دائره الهجره والجنسيه الامريكيه USCIS واعتقد حظرتك تعرفها وتعرف ايملاتهم ممكن اتراسلهم علمود تعرف الاستماره المطلوب ان تمليها وترسلها الهم .. وان المده لاصدر هذه الوثيقه اعتقد من 2-3 شهور .. وان مده هذه الوثيقه سنتين للي عنده كرين كارد وسنه واحده للي عنده وابت كارد ...

واكو شغله مادري اذا تعرفها او لا .. انه ممكن تستفاد من وجودك خارج امريكا كيف ؟؟؟
ممكن ان تحسب المده التي قضيتها خارج امريكا وكنك موجود داخل امريكا وذلك لاحتسابها في الاسراع في اصدار الجنسيه الامريكيه .. هاي بيها شرط واحد فقط انه ايكون عندك عقد عمل يثبت وجودك خارج امريكا وهذه الطريقه تتم من خلال دائره الهجره والجنسيه الامريكيه USCIS وكذلك تطلب الوثيقه الخاصه بهذا الموضوع .. وبخصوص الكرين كارد ودوخولك الى امريكا مره ثانيه اذا مكثت خارج امريكا اكثر من سته شهور ممكن لك اصدار وثيقه اسمها Re-Enter من نفس الدائره اعلاه لكي تضمن دخولك للولايات المتحده لفتره اكثر من سته شهور

واتمنالك الموفقيه

اخوك
محـــ2009ـــمد

[tiger-ALtlkefy]

الاخ الطائي
عندما قلت سؤالك غريب ما قصدته انك مسافر للعراق ومتعرف شي عن الترفل دكيموند
هاي اولا ثاني هسه اجيت وتكلي انك مسافر مرتين  وشي عادي زين ممكن سؤال شلون سافرت مرتين للعراق باي جواز او وثيقة
ثالثا اخي العزيز الي  يعمل ويا القوات الامريكية يسافر ويا جيش مو على حسابة او اي جه راح تكون تابعة لجيش وتغضع لقوانين وزارة دفاع اما ان كنت على شركة خاصه فهاي شركة الها مستشارها القانونين ولانك مسافر مرتين للعر اق تكدر تستفسر منهم
اما بقائك 3 اشهر بالعراق فاخي اسف ان اكولك العمل ويا القوات الامريكية يكون بعقد سنوي قابل لتجديد او لا من قبل الطرفين اما ويا شركات فما اظن الشركة تنطي عقد 3 اشهر بس ولا بعد 3 اشهر تنطي اجازة للموظف فحتى ان عملت خارج امريكا الشركة تطبق قانونها امريكا والي هو فقط اسبوعين الاجازة السنويه وما معقوله راح تنطيك ياها بعد 3 اشهر

اما الاخ محمد 2009  ما يحتسب الوقت خارج امريكا الا اذا كنت بعمل يخدم امريكا وهو فقط العمل مع الجهات الحكومية بمهمات رسمية  يعني مو تحصل عقد عمل بفرنسا بشركة خاصه ليس لها علاقة بدوله  وتحسب سنين على مود جنسية ممكن بحاله وحده انه تدفع ظرائب لدولتين اي فرنسا وامريكا بنفس الوقت حتى يكون ممكن عندك حق

تحياتي
تايكر

[عكعك التطوى]

AlTaee29

اخي الكريم لا اقول ان سؤالك غريب ولكني اقول لك بانه غير واضح فانت تقول انك رجعت للعراق
مرتين وكانت رجعتك الاخيره للعراق بخصوص عمل لمده ثلاث اشهر فقط وانك تنوي الرجوع الى
امريكا فهذا يطرح تسائل وهو ما حاجتك للترفل دكمنت ؟وكما انك لم تذكر العمل مع اي جه كانت
مع الجيش ام عمل خاص بك وهل هناك تعهدات تملئها عند خروجك من امريكا بخصوص قرض
السفر في حاله عدم رجوعك؟

تحياتي

[الذكي]

اخي العزيز كاتب الموضوع مدا افتهم اذا انتة رايح مرتين للعراق وراجع ليش متسوي نفس المرات السابقة شلون مسويت تسوي هسة شنو المتغير ا ني اعرف انه عندك كرين كارد تكدر ترجع للعراق اذا انت من جماعة siv بس شنو دخل الترفل دوكيمنت بالموضوع لعد المرة السابقة اللي رحت بيها شنو سويت وباي وسويلة دخلت امريكا

[Baguncero]

أخي الطائي
تحية طيبة ... أرجو منك الدخول الى هذا الرابط بخصوص سؤالك حيت الموضوع نززلتة أنا في المنتدى وهذه التفاصيل مع التعديلات من قبل الأخوة ذوي الخبرة وكذلك الفورمات اللازمة لجوازك الأمريكي المؤقت الأخضر
رووووووووووح والهوة بظهرك

http://www.ankawa.com/forum/index.php/topic,299442.0.html

أخوك

Baguncero

[AlTaee29]

شكرا للاخوه اللي اهتمو ب الموضوع واللي جاوبوني اني جدا ممنون منهم
حقيقه هوايه استفاديت من اجوبتكم وشكرا مره ثانيه على وقتكم ومحاولتكم مساعدتي
شكرا اخBaguncero
الرابط جان كلش مفيد مشكور يا ورده

[Baguncero]

 تأمرنة أمر أخي الطائي ... هذا من كرمك يا كرايب حاتم الطائي ... تدلل

بالتوفيق وسرعة السفر بالجواز الأمريكي الدائم .. وستجد أنوووووووووووواع التحيات بالمطارات العربية الأصيلة

أخوك

Baguncero

[عكعك التطوى]

AlTaee29

اخويه لكريم لم تجب عن الاسئله التي وجهت اليك لكي نستفيد من تجربتك مع الشكر

[عمار المولى]

السلام عليكم اخواني واخواتي رواد المنتدى  الجميل والراقي
ممكن تلكون حل لمشكلتي العويصة
دخلت امريكا كالاجئ ولكن حصل عندي ظرف طارئ هنا في مصر توفيت والدتي ولم استطع التفكير بشئ سوا الرجوع ولم اخبر احد هناك في امريكا ولم اتحصل على وثيقة الترفل ولا املك كرين فهل استطيع الرجوع ثانية الى امريكا
ولكم الشكر الجزيل

[ســـرى]

الاخ الطائي ما تحتاج لا ترافل دوكيومنت ولا غيرها انت مهاجر وعندك الكريم كارد وما طولت سنة فما فوق برة امريكا ترجع عادي بجوازك العراقي وانت وياك الكرين كارد وتدخل امريكا وماكو اي مشكلة اخي العزيز.

[عمار المولى]

السلام عليكم اخواني واخواتي رواد المنتدى  الجميل والراقي
ممكن تلكون حل لمشكلتي العويصة
دخلت امريكا كالاجئ ولكن حصل عندي ظرف طارئ هنا في مصر توفيت والدتي ولم استطع التفكير بشئ سوا الرجوع ولم اخبر احد هناك في امريكا ولم اتحصل على وثيقة الترفل ولا املك كرين فهل استطيع الرجوع ثانية الى امريكا
ولكم الشكر الجزيل

[angie-dawood]

تروح للسفارة الامريكية وتاخذ شهادة الوفاة وتكول الهم سبب مغادرة امريكا بهذة الصورة وطبعا راج يطابقون تاريخ وفاة الوالدة وتاريخ سفرك وانشاءلله راح تكدر ترجع بس سوي مثل ما كتلك وتشرح الهم حالتك ساعة سماع الخبر وانشاءلله يتعاطفون مع قضيتك   

[CARPENTER]

أخي روح على الويب سايت USCIS هناك راح تلكي الجواب
أني هم مثلك SIV و محصل على الكرين كارد بس أني قدمت على الترافل دوكيومنت الي هو ري-أنتري لان راح أبقى مدة أكثر من سنة خارج أميركا لو اقل من سنة مايحتاج لهذا الدوكيومنت

بس أني الي قريتة بالويب سايت أنه تكدر تقدم علية من السفارة بالعراق
لآن هناك هم ياخذون بصمات
لأن أذا تتذكر من أخذنا الفيزة أخذوا البصمات بالسفارة مووو

[Iron_man]

اخواني واخواتي في المنتدى الرائع


ولو بس فد مداخلة على الموضوع (القديم) .. اني حسب علمي الان وحسب ما اسمعه من اصدقائي الاخرين في غير ولايات انه صار تمديد على الفترة الى مدة سنة

يعني اللي يطلع من الولايات مثلا ويرجع الى العراق (وعنده كرين كارد) ... ممكن ان يرجع للولايات حتى لو عبرت السته اشهر ( وحتى اكون دقيق قبل متصير 364 يوم ) ... واني سائل بيها قبل الكيس ووركر هنا في الينوي ....

ما اعرف اريد اشوف رايكم اخواني في باقي الولايات ...


وشكرا لكم


Iron-man

[ســـرى]

اخي عمار لكيت تليفون يخص خدمة دائرة الهجرة المتعلقة بالترافل دوكيومنت جرب تتصل بيهم وشوف

18003755283


بالنسبة للسفارة الامريكية في مصر هذا الموقع التالي بيه ارقام الاتصال والفاكس والعنوان

http://cairo.usembassy.gov/contacts.htm

[ســـرى]

اخي العزيز ايرون مان اي هو سنة فعلا ممكن تبقى برة امريكا (طبعا ما تكمل سنة بالضبط) بس هم لازم تثبت انه انت ماناوي تتخلى عن الكرين كارد مثلا عنوان دائم في الولايات المتحدة وغيرها من الامور.تحياتي.

[Iron_man]

اي اكيد سراوي ... اني الحمد لله مكمل هالامور (العنوان  و و و ) لكن داتطرق للمكتوب في اعلاه ... كلهم كاتبين ستة اشهر واللي يقراها ميدري ... فياريت ايشيرون الها ( المده ) الاخوة الاداريين .. انجي ... تايكر .. اي واحد


ومشكوريين

iron_man

[angie-dawood]

اخوان خلي اكول الكم شغلة صارت قبل اربع او ثلاث اشهر عندنا عضوه هنا اسمها تانية ابوها وامها دخلوا امريكا سحب او لم الشمل او هجرة ما متاكدة بالضبط بس راح اطلب منها تكتب شنو نوع اللجوء او باي طريقة كانت دخولهم المهم بعد مااخذوا الكرين كارت رجعوا للعراق وبعدين اخر فترة راحوا للاردن لانه اولادهم كانوا مقدمين لجوء اعتقد يوان او اي او ام المهم هذا مو موضوعنا الام والاب بقوا خارج امريكا خمس سنوات وهم بس عدهم الكرين كارت من اولادهم اخذوا لجوء وتحدد موعد سفرهم سافروا كلهم نفس اليوم رغم الكرين كارت كان ساقط مدة اربع سنوات عدى السنة او ال 6 اشهر الي مسموح بيها بالمطار كالوا احنا الكرين كارت مالتنا من كذا سنة منتهية صلاحيتة كالولهم دفعوا غرامة اعتقد كانت الف دولار او اقل مامتاكدة الف وشكد
المهم وهما دفعوا الغرامة وانطوهم الكرين كارت مالتهم يمكن انطوهم ورقة للدخول الى امريكا هذا الشي الي صار حبيت اكتبه الكم وانشاءلله اخليها تكتب التفاصيل لانه هي بمشكن قريبة عليه

[ســـرى]

اخي العزيز ايرون مان طبعا سنة هاي موجودة بالقوانين ومحد يكدر ينكرها بس تبقى شكد تأثيرها عليك لمن تقدم الجنسية هنا المشكلة.

[عمار المولى]

اشكر جميع من اهتم بأمر من اصحاب واعضاء ومدراء المنتدى الرائع والله يقدركم على فعل الخير

[Iron_man]

السلام عليكم

شلونكم .. اخواني واخواتي


جبتلكم الخبر اليقين (واغلب الاعضاء يعرفوه ) بس خلي في الاعادة فائدة شلون يكولون ...

بالنسبة للمدة هي سنة وليست سته اشهر

وممكن اتسويها سنتين خارج الولايات ( 24 شهر ) بس لازم اتسوي ما يسمى بـ Re_Entry .. ولازم اتقدم وياها عذر شرعي .. مثلا عندك دراسة او عندك حالة عاجلة لا سامح الله .. وغيرها من الامور ... ( اي شي يؤيد بقاءك خارج الولايات ولمدة طويله )

وفيما يلي نص الخبر ( راح اضع باللون الاحمر الاشياء اللي اريدكم تنتبهولها )

Permanent Resident Services

Returning Resident Visas

Permanent residents who live outside the U.S. for more than 12 months may forfeit their resident status.  Individuals holding USCIS re-entry permits may remain outside of the United States up to 24 months - for details on applying for a permit please visit the USCIS website.  A former permanent resident who has lost his/her status and desires to return to the United States has two options:

Option 1: A U.S. relative (spouse, parent, child or sibling) or U.S. employer may file an immigrant petition on behalf of the individual.  Please see the Immigrant Visa portion of the Embassy’s website for details.

Option 2: The individual may apply for returning resident status.  An application for returning resident status requires evidence of the applicant's continuing, unbroken ties to the United States, evidence that the stay outside the United States was truly beyond the applicant's control and evidence that the intent of the applicant was  always to return to the United States.

To apply for a returning resident status, the applicant must pay the application fee of $400USD per person, complete an application form, and appear at the Embassy for an interview.  The fee is non-refundable.  The applicant must provide evidence of his/her continuing ties to the U.S.   Having U.S. relatives, attending school overseas or stating the intent to return is generally insufficient.  The applicant must also present evidence that the protracted stay abroad was beyond his/her control.  The applicant will be interviewed and supporting documents will be reviewed.  The applicant will be notified one to two weeks after the interview as to whether the application was granted or refused.

If the applicant is judged to qualify for returning resident status, he/she must then complete the entire immigrant visa process (including paying the immigrant visa fees of another $400USD, obtaining a medical exam, submitting all necessary police clearances and civil documents, and appearing for an immigrant visa interview.)  If the applicant is judged not to qualify for returning resident status, he/she may opt to have an American citizen or LPR relative file a new immigrant visa petition on his/her behalf.

Individuals interested in applying for returning resident status should email the Immigrant Visa Unit at BaghdadIV@state.gov to request an appointment and the related paperwork.

Note: Individuals contemplating whether to submit an application for returning resident status should carefully evaluate whether their circumstances meet the criteria outlined above.  The application fee is non-refundable and the evaluation process is quite rigorous.  It is also worthy to consider that approval of returning resident status does not guarantee issuance of a visa

.
[/color]


Permanent residents who depart and remain outside the U.S. for more than 365 contiguous days risk losing their status and may need to undergo the entire petition and immigrant visa process anew if they wish to re-enter the U.S.  If you are a permanent resident and you plan to stay outside the U.S. for a prolonged period of time, you may want to apply for a re-entry permit from USCIS.  This document will extend the time you are permitted to stay outside the U.S.  Please note that permanent residents who fail to file income tax returns while living outside the U.S. or who declare themselves as "non-immigrants" on tax returns may lose their status.


وتقبلوا مروري


Iron_man