عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - hasanhero

صفحات: [1]
1
السلام عليكم اخواني و اخواتي شفت اكثر من شخص يسئل على الهجرة الى كندا عن طريق الاكسبريس انتري ف كلت خلي اكتب عنة موضوع حتى الناس تستفاد اذا تقدم علية اني مقدم على البرنامج و اعرف الخطوات كلها بالتفاصيل و الموضوع سهل وما يحتاج الى محامي ممكن انت تسوي كلشي بنفسك بس اول شنو نعرف شنو الاكسبريس انتري وهو برنامج قامت وزارة الهجرة الكندية بتقديمة بداية سنة 2015 والي يهدف الى استقطاب المهاجرين الي يملكون مؤهلات تؤهلهم للعمل بكندا ب ست اشهر او اقل و ممكن تكون اكثر حسب حالة الملف لكن المعدل الطبيعي هو 6 اشهر في شهر ديسبمبر 2016 اعلنت الحكومة تغييرات على الاكسبريس انتري بحيث صار فرصة لناس اكثر من الهجرة عن طريق البرنامج هذا و ايضا زيادة اعداد المهاجرين عن طريق الاكسبريس انتري الى 75 الف ملف بالسنة الواحدة بعد ما كان 25 الف بالسنوات السابقة و اي احد يريد معلومات اكثر اني مستعد اجاوب على اي سؤال ف اخوان هاي فرصة لكل واحد يكدر يقدم و يملك المؤهلات خلي يستعجل بالتقديم و شغلة اخيرة اخوان لازم تعرفوهة انه هاي هجرة مو لجوء يعني كلشي على حسابك و قد تكون مكلفة حسب تقديري تكلف بحدود ال 5-6 الف دولار امريكي
بالنسبة لخطوات التقديم هي كالتالي:

اولا: معرفة هل انت مؤهل ام لا للتقديم على برنامج ال Express Entry  استعمل الموقع التالي
http://www.cic.gc.ca/ctc-vac/ee-start.asp
على الاقل لازم تملك 67 نقطة من اصل 100 تكدر اتجيكهة من خلال الموقع التالي http://www.cic.gc.ca/english/immigrate/skilled/apply-factors.asp
تحديد عدد النقاط الي حتحصل عليهة بعد ما اتقدم على الاكسبريس انتري من خلال الموقع التالي http://www.cic.gc.ca/english/immigrate/skilled/crs-tool.asp
ثانياً: امتحان ال IELTS General Training  هو المقبول فقط الحد الادني يكون بدرجة 6 في كل باند كلما زادت درجتك كلما تزيد عدد النقاط و تزيد فرصتك بالقبول سعر الامتحان 265$
ثالثاً: تقييم الشهادة الجامعية  (ECA Education Credential Assessment) اكو اكثر من مؤسسة تقوم بهذا الشي بس الاسهل بالنسبة للي شهادتة من العراق هي  https://www.wes.org/ca/   اذا كنت طبيب او صيدلي هذا الموقع مراح يفيدك لازم اتجيك غير مؤسسة تقيم شهادتك تكدر تطلع على باقي المؤسسات من هذا اللنك و تكلف بحدود ال 300$ http://www.cic.gc.ca/english/immigrate/skilled/assessment.asp
رابعاً: فتح حساب على موقع وزارة الهجرة الكندية و تملي بي كل المعلومات المطلوبة من خلال هذا الموقع http://www.cic.gc.ca/english/immigrate/skilled/profile.asp و تبدي تنتظر لحد ما تجيك دعوة للتقديم الي يسموهة ITA Invitation to Apply
خامساً: الوثائق المطلوبة عند تقديم الملف بعد الحصول على ال ITA
شهادة امتحان اللغة الانكليزية ال IELTS و الشهادة الجامعة و تقييم الشهادة الجامعة (ECA Education Credential Assessment) و كشف حساب لاخر ست اشهر و حتى تعرف شكد لازم يكون عندك بحسابك ساعة التقديم تكدر اتجيكة بهذا الموقع http://www.cic.gc.ca/english/immigrate/skilled/funds.asp الارقام كلها بالدولار الكندي و شهادة عدم المحكومية من كل دولة عشت بيها ست اشهر فما فوق حتى لو ما كانت متصلة و شهادة خبرة بكل شركة اشتغلت بيهة و اخيراً الفحص الطبي تكدر تلكى معلومات اكثر بهذا اللنك http://www.cic.gc.ca/english/information/medical/medexams-perm.asp  و للي عايش بالعراق الفحص الطبي يكون بمستشفى ابن البيطار نفس المكان الي يفحصون بي جماعة ال IOM بس لازم تتصل بيهم قبل لا تروح تحجز موعد على هاي الارقام (964) 7827 824 146 او (964) 7729 900- 525, -535, -545 و الفحص يكلف 380 دولار للنفر الواحد
هاي الوثائق كلها لازم اتكون موجودة من تقدم الابلكيشن ولازم تدفع فلوس الابلكيشن الي هي 1040 دولار كندي للشخص البالغ و الطفل 150 دولار كندي

ان شاء الله بالفترة القادمة راح اكتب موضوع منفصل عن برنامج المقاطعات و الي يسمى بال PNP Provincial Nomination Program و الي يساعدك هواية بالتقديم بس لازم بالاول اتحصل ترشيح من احدى الولايات و الي حينطيك 600 نقطة بالاكسبريس انتري بروفايل يعني اذا ضمنت ترشيح ولاية راح تضمن بنسبة كبيرة الوصول الى كندا وبالتوفيق للجميع.


صفحات: [1]