51
ܝܐ ܐܠܗܝ ܗܝܪܝ ܠܝܬܠܝ ܗܝܟ ܗܝܪܢܐ
ܠܐܝܘܢ ܐܝܟ ܦܫܠܝ ܚܫܝܒܐ ܚܟܝܡ ܒܝܕܥܬܐ ܘܝܘܠܦܢܐ
ܒܗܝ ܙܒܘܢܘܬܐ ܪܥܫܠܝ ܠܠܝܦܐ ܣܢܝܩܐ ܐܢܐ
ܒܫܟܪܐ ܝܘܢ ܠܐܠܗܝ ܕܗܝܒܠܗ ܠܚܡܝ ܕܣܘܢܩܢܐ
ܟܠ ܚܕ ܒܪܢܫܐ ܕܡܢܬܐ ܫܩܠܐ ܫܘܒܗܪܐ ܒܗܘܢܗ
ܡܢܬܝܬܐ ܕܡܢ ܐܠܗܐ ܟܐ ܚܫܒܠܐ ܒܕܪܥܢܢܗ
ܠܐ ܝܠܝܗܝ ܚܝܐ ܒܣܝܡܐ ܕܟܐ ܚܝܐ ܐܢܫܐ ܒܓܢܗ
ܚܝܘܟ ܩܐ ܡܘܕܝ ܝܠܝܗܝ ܠܒܘܟ ܡܪܥܝܐ ܒܟܠ ܥܕܢܐ
ܠܝܘܬ ܩܐ ܗܕܟܐ ܒܪܝܐ ܒܟܪܒܐ ܡܥܒܪܐ ܠܝܘܡܢܐ
ܠܙܡ ܗܘܬ ܓܢܒܪܐ ܒܚܐܪܘܬܐ ܒܟܠ ܥܕܢܐ
ܒܓܘܪܥܬ ܥܒܘܘܕ ܓܢܘܟ ܐܙܕ ܘܗܘܢܐ ܒܝܕܥܐ ܠܣܢܝܢܐ
ܘܐܢܫܐ ܕܚܫܒܬ ܝܒܥܝܐ ܐܠܘܟ ܡܨܚܨܝ ܒܛܫܘܐ ܡܚܙܡܢܐ
ܪܒܐ ܚܕܝܐ ܝܘܢ ܘܦܨܝܚܐ ܕܡܢܘܟ ܦܝܫܐܝܘܢ ܪܚܝܩܐ
ܘܢ ܣܦܪܢ ܥܠ ܗܝܪܬܘܟ ܕܒܠܟܝ ܠܚܡܝ ܝܠܗ ܦܪܝܩܐ
ܠܐ ܪܥܫ ܥܠ ܗܝܪܬܐ ܗܘ ܐܢܫܐ ܕܠܐ ܝܠܗ ܣܢܝܩܐ
ܠܐ ܐܚܟܝ ܣܢܝܩܘܢ ܐܢܐ ܐܦ ܬܠܩܐ ܦܝܫܘܢ ܬܠܝܩܐ
ܢܦܝܠܐ ܝܘܢ ܠܓܘ ܚܕܐ ܝܡܐ ܒܢܘܪܐ ܦܝܫܐ ܝܘܢ ܚܪܝܟܐ
ܠܦܐ ܕܝܡܐ ܚܝܠܢܐ ܟܬܘܢ ܩܬܝ ܡܢܝܘ ܚܐ
ܥܝܢܝ ܪܚܩܐ ܟܐ ܚܙܝܗܝ ܠܓܘ ܒܪܙܐ ܠܝܬܢ ܐܘܪܚܐ
ܗܝܒܝ ܘܣܒܪܝ ܥܠ ܡܪܝܐ ܘܗܝܪܢܝ ܚܕ ܡܫܝܚܐ
ܒܠܟܝ ܐܬܐ ܚܕ ܠܦܐ ܡܐ ܩܒܠܝ ܦܠܛܢ ܠܒܪܙܐ
ܐܢ ܚܕܝܐ ܡܢ ܚܕܐ ܠܦܐ ܘܝܢ ܦܫܝܡܐ ܥܠ ܚܕ ܡܪܙܐ
ܘܐܢ ܚܝܢ ܗܕܟܐ ܗܘܝܗܝ ܠܡܪܝܐ ܩܬܢ ܡܘܪܝܙܐ
ܙܪܟܐ ܕܠܒܗܝ ܕܙܒܢܢ ܡܟܘܣܝܐ ܒܥܝܒܐ ܚܫܟܢܐ
ܨܘܬܐ ܛܒܐ ܬܠܝܩܐ ܠܝܬ ܒܪܢܫܐ ܩܐ ܡܬܢܐ
ܠܙܡ ܥܒܪܝ ܠܟܘܠܝܚܬܗܝ ܟܠܝܗܝܢ ܡܦܪܡܝܢܐ
ܗܠ ܕܡܛܝܗܝ ܩܘܠܐ ܕܡܪܢ ܟܐܦܐ ܦܝܫܝ ܡܨܘܬܢܐ
ܗܪ ܦܬܚܠܗ ܦܘܡܗ ܕܟܐܦܐ ܟܠ ܐܢܫܐ ܒܦܐܫ ܠܝܦܐ
ܫܪܝܪܘܬܐ ܒܬ ܚܠܒܐ ܘܡܪܐ ܕܒܟܝܠܘܬܐ ܢܟܝܦܐ
ܫܘܒܗܪܐ ܘܕܘܓܠܐ ܒܛܠ ܡܪܝܗܝܢ ܪܫܗ ܟܝܦܐ
ܒܪܢܫܐ ܕܗܘܐ ܦܟܝܠܐ ܠܚܡܐ ܕܚܛܝܬܐ ܝܠܗ ܐܟܝܠܐ