22
مساء الخير اختي العزيزة ..اوافق اخي الغالي .....MohammedR..وهو كفى وووفى ..ولكن بعض المعلومات مقتبسة من المنتدي وهي
candyman....جاوب عن الموضوع رد: معلومات مفيده لمنتظري السفر الى كندا
« رد #795 في: 07:44 19/03/2011 »
رد مع الاقتباس
وعليكم السلام ورحمة الله وبركاته
شلونهم الحلوين ان شاء الله الكل بخير وسلامة ممتعض ممتعض ممتعض
امين الله يسمع منج اختي شموخ ونسمع الاخبار الحلوة
اختي ام حمزة ممكن اجاوبج بعد أذن اخوية زيزون ...الوزن المسموح للشخص الواحد 46كيلو على ان تكون موزعة على حقيبتين 2 كل حقيبة 23 كيلو ويحق للراكب ان يحمل معه ايضا 5 (وكيلو هاندباك ) وهاي ما يدققون بوزنها يعني اللي سافرنا كلنا حقيبة الهاندباك 9 كيلو ونازل
العراقية للموت جاوبت ....
رد: ماهي مستلزمات السفر ؟ اذا كنت متزوج ولديه اطفال؟
« رد #2 في: 08:36 16/07/2009 »
رد مع الاقتباس
اخي الذهب تكدر تاخذ شكد متريد اني سألت بل اي او ام
وفلوس الك حق تاخذ وياك 10 الاف دولار بس
عبسي مبدع قسم الهجرو جاوب.......
اخي فادي اقرة الفولتية اللي مكتوبة على الجهاز اذا شفتها تبدي من 110 اخذها اذا شفتها بس 220 عوفها لان تحتاج محولة وتعذبك اضافة الى محول البلك لان مثل ما تعرف البلكات باميركا تختلف
BaghdadGhost.......جاوب
الهندام ....
صديقي نصحني بعدم احضار ملابس كثيرة معي ,, لانها متوفرة و باسعار ارخص و نوعيه افضل ..... مع ذلك قررت بان اخذ معي كم تيشيرت (لان خفاف بالوزن) على جينز عدد 2 ,,, بلوزه واحدة لان فلدلفيا لحد الان بارد الجو مالتهم ,,,, قميص عدد 2 ,,,, احذيه عدد 2 (مكرم القاري) ,,,, ملابس داخليه اكيد مطروحه بالموضوع ,,,, و جوارب كم زوج ,,,,,
بالنسبة للتجهيزات الرياضية ,,,,, مقرر ان شاء الله ما اخذ معي اي تراكسودات ,,,, فقط زوجين من تجهيزات الجم (حذاء رياضة, شورت , فانيلة رياضية) ....
3. الاجهزة الالكترونيه ....
بالنسبة للابتوب ,,,, البعض منكم يعرف الحيرة الي اني بيهه حاليا لان لابتوبي عاطل و يكلف التصليح 400 دولار و اني حاليا استخدم لابتوب اخوية الصغير (بعد التوسل و القشمريات) ...... الحيرة هي هل اصلح اللبتوب مالتي و اخذه ,,, ام اشتري غيره جديد من شارع الصناعه ,,,, ام انتظر من اوصل و استقر ياله ذاك الوكت اشتري مناك ؟ طبعا الخيار الاخير جدا صعب ,, لان مراح اكدر اكون على تواصل مستمر مع اهلي بالبيت و اهلي بعنكاوا ....... بس على كل اني كنت مقرر اخذ اللابتوب مالتي قبل مينتحر (الله يرحمه)
omaha جاوبت
العزيز
بالنسبة للجواب على هذه الاسئلة
3.علمود موضوع الذهب احنا سمعنا هواية امور بس نكدر نطلع ذهب ويانة لو شلون؟ نكدر نحط شوية بالجنط الكبيرة و شوية بالهاند باك لو ما يصير؟
الذهب مسموح بيه لكن المشكلة اهنا باميركا مابيه فائدة يعني ذهبهم كله 12 و جوا والكل يلبس فضة الماس والذهب قليل باستخدامهم
يعني ماكو اميركان لابسين ذهب مثلنا واذا شفت وحدة لابس ذهب كول هاي من الشرق الاوسط او الهند وحتى لو تريد اتبيعه مراح تستفاد حوله فلوس وجيب القطع الي بيها ذكريات فقط هاي نصيحتي لانه اني هيجي سويت
4. نكدر نطلع ويانة غراض مطبخ ..يعني مثل ملاعق و شوكك..و هيج امور لان سمعنا هاي الامور كلش غالية بامريكا؟
اكيد حسب الشي الي اني سويتة تكدر اطلع ملاعق واشواك بس لاتجيب سكاكين ولاشي حاد واني انظربت بوري لانه موديت ويايا جدرية اطبخ بيها تمن الموديلات اهنا تختلف اهواية اقصد نوعية المعدن
اخذ وياك جدرية و طاوة ومراح تندم واكيد غالية اهنا
شي ثاني اعتقد انه ميفيد احد يشتري سيديات مال برامج للحاسوب(الا اذا اخذ لاب توب وياه قبل ميجي) لانه مراح تكدر اتنصبها بالحاسوب اللي تشتريه من اميركا لانه مراح يقبل يتنصب وهذا اللي صار ويا حاسبتنا فأضطرينا نشتري البرامج منا
اتمنى انه راح اتساعدك هاي الاجوبة
اختك اوماها
sasyجاوبت
اخواني ممكن نبدل شي مكان شي حسب الاولوية.
اخواني اكو شغله مهم لصحاب العوائل والناس الي رح يروحون عن طريق iom اخذوا اكل وياكم لان رح تموتون من الجوع حسب ما هوايه ناس راحوا وكالوا الاكل قليل اختي من الناس تكول متنه من الجوع وجهالي ماتوا جوع اكل الطياره مطيب ومماخذين شي ويانه يعني اخذ بسكت نساتل بالهاند باك Handbag يعني هيجي مسآئل لان اكيد يقللون الاكل علمود سعر التذكره. اما الي يروح على حسابه فهو مخصوم من ضمن التكت.
هاي كل المعلومات الي اكدر افيدك بيها وقرات عنها من فترة واني اعتبرها مهمة قبل السفر ..اتنمى اكون افدتك ولو شوي
تحياتي لك اختي