ankawa

المنتدى الثقافي => زاوية الشعر الشعبي => الموضوع حرر بواسطة: ميسون نعيم الرومي في 21:20 29/02/2016

العنوان: فجروا ولد الملحه اليوم
أرسل بواسطة: ميسون نعيم الرومي في 21:20 29/02/2016
فجروا ولد الملحه اليوم
ميسون نعيم الرومي
اعـْـلـَـه المامـش مامـِـش عـَـلـْمـونـَه
بــيـنـَه اوهالـبـَـيـْـسـَـوا* .. عـَـذْبـونـَه
 
فـَجـْرَوا ولـد الـمـَـلـْحـَه الـيـوم
مـانـِـسـْـكـت مـامـِـش كـل نـوم
احـكـومـَة إرهـاب .. اومـَـتـدوم
هـَـدَّوا عَ (الـثـَـوْرَه)* اوكـتـلـونـَه
يـاجـبـْـن الـبـيـهـم حـاطـونـَـه
اعـْـلـَـه المامـش مامـِـش عـَـلـْمـونـَه
***
نـِـكـْـنـس .. نـكـْـنـس بـالـفـِـسّـاد
نـوّاب اومـِتـْـرَمـْـدَه ارمـاد
مـنـْكـم وانــظـّـف بـَـغـداد
اعـبـادي اوحـزبـَه الهـُمـَّـه اسـبـونـَه
لـَـمـْـلـوم الـتـَـمـوا هـالجـونـَه
اعـْـلـَـه المامـش مامـِـش عـَـلـْمـونـَه
***
مـا نـسْـكـِت اوالـحـَـق لـلـدَم
ثـَـوْرَة فـقـْـرَه .. خـال اوعـَم
مـَـنـْطـَمـْطم  أبـداً مانـضم
نـفـْضح كـل ذَولـَه الـخانـونـَه
بـاگـَـوا ثـَـرْوَتـْـنـَه اوبـاعـونـَه
اعـْـلـَـه المامـش مامـِـش عـَـلـْمـونـَه
***
*اعـبـادي اتـْـنـَظـّر مـالـَك راي
امـْسـَـجـّـل بـالع تـحجي اهـواي
لـِـمّ اهـدومـَـك يـالله اوبـاي
مـانـِتـرَجـَّه اومـنـكـم عـونـَه
جـوگـَة سـرّاق الـمـَـلـْعـونـَه
اعـْـلـَـه المامـش مامـِـش عـَـلـْمـونـَه
***
يـوم اگـرَيـّـب بـالخـَضراء
مـكـنـاسـَـه اوتـكـنـس بـالـداء
اوجـوه الحـكـمـَـت خـو صَفـْراء
اولايـتـْـنـَه اوبـيـكـم مـَحـْـزونـَه
لـيـويـن اوبـَـعـْد اتـوَدونـَه
بــيـنـَه اوهالـبـَـيـْـسـَـوا .. عـَـذْبـونـَه
اعـْـلـَـه المامـش مامـِـش عـَـلـْمـونـَه
----------------------------------------------
بـَـيـْـسـَـوا:- استفرَدوا *
*مدينة الثورة :- مدينة الصدر حالياً
(وكان مصدر في الشرطة العراقية، قد أفاد صباح الأحد 28 فبراير/شباط بأن حصيلة التفجيرين الانتحاريين داخل سوق مريدي شرق بغداد ارتفعت إلى 28 قتيلا و62 جريحا)
*اعـبـادي:- رئيس وزراء العراق
---------------------------------------
28 / شباط / 2016
ســـــــــــتوكهولم