-
(http://img204.imageshack.us/img204/9456/resizeof77mm776nn.jpg)
( ( حزن بحزن ) )
فتحنا عيونا على الدنيا والظلم بين أيده تلگانــا
ما شفنا الفرح يوم لا و لا يوم دگ بابنا وأجانــا
عذاب وهموم وفوگ القهر الزمن حملنا أحزانــا
عرفنا عدد النجوم شگد ما ظلت عيونه سهرانــا
من البچي و النوح ثيابنا بالدم مو بالدمع غرگانــا
ولكُم جوه الجلد من الوريد للوريد فورة حزن جوانــا
لا تتعجبون لو هاج الگـلب و صاح و انفجرت بركانــا
ترى أحنا حتى أطفالنا تصيح للخير و للمحبة عطشانــا
شنتحمـل شنصيـر الروح شاردة و لّلأمل جوعانــا
الله لا ينطي كوّل مَن جرحنا و على هل حال خلانــا
حزن بحزن عيشتنه نحس غربه و أحنا أبلدنا آه يا دنيانــا
اللي يگـول أني خلي يجي و يشوف و يعيش ويانــا
مو بل حجي سالفتنا ولكُم أحنا حتى الموت خاوانــا
______________________________
ليحميكم الرب
شعر / مهند الكانون
27/4/2006ِِ
[/font]
-
اخوية العزيز مهند :::
عاشت ايدك على هاي الكلمات ولو هي تذبح الكلب وتهيج الجروح ... لكن حسيت من كلامك انه بعدك تدور على الامل الي بلكي نلكه وراه فد شعاع نور يطلعنا من هذا النفق المظلم الي نعيش بيه ؟؟ ومثل ما كال ابو قاسم الشابي ( اذا الشعب يوماً اراد الحياة ... فلا بد ان يستجيب القدر ) ... واذا احنا اختارينا الحياة لازم ندوس على كل الصعاب حتى لو خاوانا الموت ؟؟ .. و لو بعدنا نعيش مثل الاغراب بوطننا ..
اتمنالك من كل كلبي التوفيق دائماً وعاشت افكارك وحسك الراقي ... ودمت بألف الف خيـــر †
اخوك / وســـام بهنـــام داؤد الخابــــوري
-
الأخ العزيز راهب الحب
هلهلت جروحي و انت وياي
فرحت وأني الحزين لآنك معاي
أبن ولايتي أنت وتحس أبلواي
هوايا أرتحيت لمن واسيتني
أشكرك من َكلبي هواي هواي
نورت حبيبي راهب الحب صارلك زمان ما سَكيت ورودي البسيطة من ماي ردودك الحلووة
شكراً الك اخويا وأتمنى الخير للجميع ويشع نور الأمل علينا بعون ربنا الشفيع .
ليحميكم الرب
أخوكم / مهند الكانون
-
اخي مهند
أصرخ و ارفع صوتك
خلي أعصابك تضرب سوطك
على الحيط الواقف أطول من طولك
شد الهمة راحل حزنك عن عينك
نحن معاك ننتظر يوم الفرح يابا شد حيلك
تحياتي من العمق
غاده
-
الاخ العزيز مهند
ما اعرف شكول لك بالضبط لان اني وانت والناس الطيبة كلهم يعانون من هاي الامور التي ذكرتها
اتمنى حياة جميلة لكل الناس............
اتمنى الك دوام الابداع والتقدم.....
الاخ (ناظم علي)يحيي
الجميــــــــــــــــــــــــع
-
الأخت العزيزة غادة
ما ظل صبر و الشيب كـثـر
و قل النظر بس الــَكلب
بعدة بعدة مـا أنكسر .
تحياتكِ كانت من العمق واستقرت في أعماق قلبي
أتمنى من الرب الموفقية للجميع وان يزول الحزن عن الجميع .
ليحميكم الرب
أخوكم / مهند الكانون
-
الأخ العزيز ناظم علي ناظم
بكلماتك القليلة عرفت َكلبك شلونا
دعيت الفرح للناس و انت مجروح
طيب و حليم و حتى لو جنت حزين
بينت روحك أنها طيبة و حنونا .
أتمنالك الموفقية في حياتك وأعمالك وانشاء الله الفرح يزور كل الناس .
ليحميكم الرب
أخوكم / مهند الكانون
-
شنتحمـل شنصيـر الروح شاردة وللأمل جوعانا
الله لا ينطي كول مَن جرحنا وعلى هل حال خلانا
حزن بحزن عيشتنه نحس غربه وأحنا أبلدنا آه يا دنيانا
عاشت يدك اخويا مهند وعلى هذا الكلمات الصادق بي حق بلدنا
تحياتي سنحاريب يوسف ألتياري
-
الأخ العزيز سنحاريب
شكراً على مروركِ الجميل .. ووجودك أسعدني
نعم يا صديقي بلدنا أدمن السواد والجراح مازالت تنزف
مع كل المحبة والأحترام .
ليحميكم الرب
أخوكم / مهند الكانون
-
ايها البلد الحزين
يا دمعة في عين طفل بريء
يا بغداد الحب والوفاء
مالذي اصابك وجعل من الالم رداء ترتدين
اين البهاء اين النقاء في هواءك العليل
اين زالت ضحكتك
اخبريني لماذا لا تردين ؟؟
عاشت ايدك اخوية مهند على هذه الكلمات الراقية بغداد الحبيبة هي اغلى من عيوننا وما نكتب لا يلبثان يكون دعاء ,رسالة , صلاة الى الله كي يعيدها لنا كما كانت واجمل
-
الأخ والأخت العزيز (ة) غرين آيس
شكراً على مرورك الجميل وشكراً على كلماتك الجميلة
وتحية مني لك على مشاعرك الطيبة في أتجاه كلماتي البسيطة
وأتجاه بلدنا العزيز الغالي .. ويا رب يرجع الخير لأهل الخير
مع كل التقدير والأحترام .
ليحميكم الرب
أخوكم / مهند الكانون
-
الئ الاخ العزيز مهند الكانون
شعر جميل جدا رغم الحزن الذي فيه .وكلم صدق نابع من القلب اتمنئ لك المزيد من الابدع
لا تتعجبون لو هاج الگـلب وصاح وانفجرت بركانا
ترى أحنا حتى أطفالنا تصيح للخير والمحبة عطشانا
فيان
.
-
الأخت العزيزة فيان
شكراً على مشاعركِ الطيبة وعلى طلتكِ الجميلة
هذا هو واقعنا المرير مع الأسف .. لذلك تجدين أكثر الأشعار العراقية
ترتدي ثوبها الأسوَد الحزيـــــــن
مع كل التقدير والأحترام .
ليحميكم الرب
أخوكم/ مهند الكانون
-
الاخ مـهـنـد الـكـانـون
هيجت نار الحزن في داخل صدورنا على احوال العراق واحوال اهلنا هناك وكل العراقيين
صح الحزن غركني بسواد الواني
وصار سـنـيــن الـروح حــز نـا ني
بس الامل ما يوم غاب ونساني
متاني نفتح القلوب وبالاحظان يتلكاني
يشبع الجوعان وتهلهل الحزناني
ويجمعني وطني ويحميني باحظاني
وايد الرب تحميني وتعمي الاشرار
مع تحياتي فريد ايليا الفريتي
-
الأخ العزيز فريد ايليا الفريتي
آسف يا أخي العزيز فهذا هو وقاعنا ولا نستطيع الهروب منه
فالحزن أصبح للعراقيين من الأقراباء وأصبح في كل بيت لهُ صورة
معلقة على الجدران ..
وعندما سألناه ُ الرحيل متى ترحل أيها الحزن عنا
قال لا أستطيع لآني تعودت
عليكم كما تعودتوا عليه ..!!
مع كل المحبة والأحترام .
ليحميكم الرب
أخوكم / مهند الكانون