عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - اريد وطن

صفحات: [1]
1
اخونا ابو احمد الف الف الحمد لله على سلامه فريد ويارب يرجع دمه عال العال انشاء الله وعليك بالكبد وكله كبده هوايه وعصير برتقال


ربنا يرجعا الى البيت سالم ويحفظه من كل شر وتشوفه عريس بعون الله


اخوك من مسساكا اريد وطن

2
اخونا  man4848

اخونا بالنسبه للاجازه جي 2 او جي

هنا في اونتاريو عدنه النظام كلاتي
جي 1  هو امتحان نظري وفحص نظر وهذه الرخصه ممكن تسوق مع شخص لازم عنده اجازه جي ومدتها خمس سنوات ويكون جالس يمك وطبعن لازم متطلع على هاي وي وبيها تفاصيل بعدها مرور سنه او 8 اشهر اذا تاخذ دوره في مدرسه اللك حق تقدم على ال جي 2 وهو امتحان العملي ( الهدف هنا من جي 1 لكي الك الحق تسوق مع مدرب )

طبعن اذا عندك رخصه اجنبيه عراقيه او اي رخصه نافذه يحق اللك تدخل مباشر على جي او جي 2 بدون انتظار واهم شي بالنسبه للرخص الاخرى الاجنبيه تترجم في كندا ويكون الاسم بيها مطابق الى نفس اسمك في اوراق الكنديه

بعدها تسوي امتحان نضري وتاخذ رخصه جي 2 وهنا تكدر تسوق وتشتري سياره وبعدها بسنه تسوي امتحان مثل الجي 2 بس مع تطلع على الهاي وي ويصير عندك جي وهاي القصه كلها

اخويه تكولي شنو هاي التطواله الهدف منها وهذا كل الكنديين يكولو هو عمليه سحب فلوس من الناس لاغير والااكثر
وبالمناسبه هنا عدهم السياقه منظمه ومرتبه جدا والكل يتبع النظام وخوبين السرعه فشي يشك البطن شارع عرض اربع سيارات اقصه سرعه تمشي 60-70 خوبين الهاي وي تمشي اكثر شي 120 وبالمناسبه غرامه تجاوز السرعه على الهاي وي هجمان بيوت رسمي يعني على الهاي وي اذا ماشي 150 غرامتها 10000 اي عشر الف دولار ومو بس هيج تزيد عليك النقاط وتامينك يطفر من 200 دولار شهري الى الف دولار شهري ولمده 2 سنه وصدكوني مو مبالغه اعرف شخص صديق انلزم على الهاي وي ماشي هيج باع السياره ورجع على المواصلات لانها بعد ميكدر ال بعد 2 سنه يمن تروح النقاط

عمي عدهم نظام بس الجميل مطبق على الكل وهذا هو الخلاهم من العالم ال 3 اسف الحظاري والمتطور

اريد وطن من اراضي مسساكا

3
ابو احمد شلونك

اخويه للعلم بالنسبه للتامين عدنا في اونتاريو هجمان بيوت يعني فوك ال 20 شركه مخابر ومتحصل على سعر اقل شي وافضل شي هو 200 دولار طبعن لازم عندك جي مو جي 2

يعني سعر التامين عدنا يبلش من 250 وانته صاعد وممكن يوصل الى 300 دولار شهري هذا بس تامين ولهذا السبب كل ماريد افكر شراء سياره اسال على التامين انسه الموضوع كله وبالمناسبه السعر هنا ومن خبره واحد عنده درايه بهذا الموضوع

السيارات القليله في الشارع تامينها اقل ليش لانه مسجله عد شركات التامين اقل حوادث تعمل يعني مثل دوج كرفان موجود 100 سياره بالشارع 40 سياره من هاي مسويه حوادث يعني هاي السياره هوايه حوادث نجي على سياره اخرى اي نوع ممتوفره هوايه يعني 50 سياره منها 5 سيارت مسويه حوادث يعني اقل خطوره يعتبروها وعللى هذا المنوال يعني سياره 4x4
اقل تامين لانها تعتبر امن وطبعن الفرق مو هوايه فد 40 الى 50 دولار يعني هنا قبل متشتريها السياره لازم تلزم التلفون وتخابر شركات التامين وتطيهم العنوان وتفاصيل السياره وبعدين تشتري

يعني دوخه راس وتحط بالك ب 400 الى 600 بالشهر مصرف السياره اقل شي تامين وبانزين

اخوكم اريد وطن

4
الف الحمد لله على سلامتك اخونا ابو عبدالله كاندي مان ويارب تستقر وترتاح  واهلا بيك في كندا وتعيش كندا



اريد وطن

5
اخونا ماون الف الحمد لله على سلامتك عمي ان شاء الله نسمع اخبار يوم الي اشتريت بيت وتتحول عليه ويارب الى جميع اخوانا الطيبين

عمي اني متشوق اسمع تفاصيل رحله واكيد بيها اخونا المضياف ابو احمد الورده وفعلن يستحق يكون سفيرنا في كندا وبحق اقولها لو سفارتنا تسوي مثل ميسوي اخونا الفريدو وكثير من اخوانا صدق جنه كنه بخير بس نكول يارب يكثر من امثال اخونا ابو احمد ويحفضله اولاده يارب


اخوكم اريد وطن

6
اللهم صلي على محمد وال بيت محمد

حصوه بعين اللي ميصلي على النبي عند روئيه صوره هاجر


ويارب ويارب تنزل صور عرسها على المنتدى  ونكول يارب بقدومها يقدم الخير على اهلها وعراقنا واهل العراق كافه ويارب نشوف الجيل القادم جيل رفعه راس متحدين محبيين لبعضهم ويجعل هاجر عروس كندا والعراق ويحفظها من كل شر


عمي اني جايلك مشايه الى كالكري عندي عمار وهو تقريبا كندي جاين مشايه على هاجر واذا تكول لا محجوزه تره تصير مشاكل بين اهل تورنتو وكالكري اعلنها حرب يعني نقطع المي عليكم ونسويها حرب على هاجر ترى بعدين تصير هجره من كالكري الى تورنتو ومشاكل وبعدين نفتح باب هجره الى العراق وتعرف مقابلات وفحص طبي وانتظار بس الناس تريد توصل للعراق

فعمي بدون هاي المشاكل وبهذله العالم اطينا هاجر احسن وابني هسه يدس مسج الى هاجر يمسجلها فرجاء لاتتدخل

اخوك اريد وطن ابو عمار من كندا

7
الف الف مليون مبروك اخونا الفريدو وتتربه بعزك ويجعل قدومها قدوم الخير كله للك ولافراد العائله

الف الف حمد لله على سلامه


اخوك اريد وطن

8
أشكرك أخوية أريد وطن والله يبارك فيك يا طيب وأحب أطمئنك لم نسافر الى العراق العظيم ولا مرة وأعتقد هاي خوش فقرة الي حضرتك نبهتني عليها وبالنسبة للفورمات مو مشكلة نستشيركم أذا توقفنا عند فقرة معينة وانتوا ما تقصرون وياية ورحمه الله والديك أخوية العزيز  . تقبل تحياتي

اخويه العزيز احنى بالخدمه واي شي اني حاضر وبالخدمه بس خويه عليك بالصبر وثم الصبر نحن العراقيين هذا مصيرنا يعني حط بالك كندا يراد بيها الصبر من التقديم لغايه يوم وصوللك وحتى في حياتك هنا بعض الاجراءات بحاجه الى انتظار وصبر تكول يدربونا على الصبر من البدايه وربنا يوفقق وتحقيق الاماني

ابن المنتدى اريد وطن

9
اخويه مازن الف الف مبروك اعرف هذه الايام مزعجه لغايه السفر بس الف الحمد لله عرفت موعد سفرك وان شاء الله توصل بالف سلامه وبخير وتبدي حياه جديده
بس خوي خلب بالك  انته يوم التركب الطياره من عمان وتسافر تكون مقدم على حياه جديده ومستقبل جديد اهم شي دائما خلي لنفسك امل ومن ساعه وصولك بس تهبط معنوياتك تضوج او اي تفكير سلبي لاسامح الله تذكر ايام السابقه والانتظار وخويه شتحتاج اني حاضر

اخويه مؤيد العبيدي الف الف مبروك وخويه خلب بالك اذا الله قاسمها اللك كندا توصل توصل وخويه نصيحه من اخ الى اخوه كندا يرادلها صبر وصبر وبعد صبر بس بس تقابل ويطوك تعبئه الفورمات والاصح بس يتحول ملفك الى كندا السفاره يعني قبلو ملفك يعني نكول قبلوك 70% والباقي يبقى على المقابله واذا اخطاء تعبئه الفورمات او تكون مسافر للعراق هنا ممكن ياخر او يرفض الملف وخاصه وحط جواها خط احمر سفرك للعراق 100% يلغون الملف وكان شخص معي في كوستي من مصر الرجال هو وزوجته فيزولهم ووالده كانت رايحه للعراق قبل شهر من المقابله رفضو يفيزولها ورفضو ملفها

فخويه هيه شغلت كندا يراد صبر وصبر مو طبيعي وخويه حاول من هسه اذا عندك امكانيه او وقت ادخل دورات للغه انكليزيه ودورات تعلم كمبيوتر والله اخويه بصراحه اني ندمان جدا اخون نصحوني قبل اتلسفر ادخل دورات ومسمعت كلام واني هسه ندمان جدا ليش
اذا عنك اساس للغه مع ممارسه شويه بالدورات يصير عنك ريفرش شويه وعند الوصول هنا تكون شويه اسهل عليك


ونصيحه الى الاخوان اللي خلي نكول باقيلهم وقت هوايه وعدهم شهادات خلي ياخذون توفل ويجهزون نفسهم عليه من هسه احسن صحيح بكندا الدورات رخيصه ممكن ب 30 دولار شهرين ونصف بس وراك  مواصلات وروح وتعال وتعب وعدها الواحد الاحباطات التصير البي كل هذا وكت ينحسب عليك والحياه هنا بكندا سريعه سريعه جدا مو مثل دولنا العربيه يعني هنا كلها تركض والله يشهد عليه الي ماعنده شغل بكندا هو تلكا ماعنده وقت ومشغول

لان الحياه هنا تختلف من فواتير وتلاحق العروض ولازم تركض وياهم لكي تدخل في دوره حياتهم وتتئقلم على طريقه حياتهم اكيد الشغلات الزينه

اعرف طولت عليكم بس اخوان نصيحتي العنده وكت وامكانيه ماليه خلي من هسه يدخل دورات يدخل على الانترنت ويتعلم انكليزي يستمع او يشاهد افلام ممترجمه ويتعلم على اللهجه واني بلغت


اخوكم اريد وطن -- تحياتي وسلامي الى جميع رفاق عنكاوه وبالاخص جماعه كنكا

10
اخونا ابو على اهلا وسهلا بيك يمنه بكندا بس عمي دربالك ترى الحديقه عدنا حلو صحيح بس الجو بارد عمي شجابك الناس تجي ايام الصيف مو هسه وكت البرد يعني اليوم عدنا الجو جماعه مسسياغا - اوناريو الجو باليل 4-5 درجه مئويه وبعده يكولك الجو صيف

عمي ابو علي بس رحمه على والديك وياك الصوبه ومنقله وبطانيه وتعال نسهر بالحديقه والله كريم


اخوكم اريد وطن من كندا

11
اخونا الفريدو ومازن

لا لاتخافون موضوع غرق السفينه مو واحد عراقي الحمد لله تاكد هذا اليوم بس ابو احمد يكولون اكو واحد بعمان اسمه جان سابقا اربد اتصور عنده الحقيقه فدربالك عمي وسمعت يريدون خلال الايام الجايه يسافر ويحجزون الطياره علمود يحل هذا اللغز

اخويه ىابو احمد يابرد عمي هذا عندك بس اكولك الجمعه عدنا ب تورنتو  ومسساغا جانت درجه الحراره 30 يعني يبو خطيه مصاليخ يمشون من الحر والواحد بيده بطل المي ويمشي من الحر طبعا بالنسبه النا تعرف هذا فشي عادي منموع بس المفارقه اليوم  السبت من الصبح درجه الحراره مابين 15 صباحا مساء 9 درجه مئويه طبعن شوف الفرق

يعني امس قميص صيفي واليوم لابسين قمصله طبعن امس رغم درجه الحراره عاليه بس الرياح شديده جدا وفي هاملتون الاشجار تكسره وبعضها كام من الجذر من سرعه الرياح العاليه

وابو احمد تريد ادزلك كستانه عنده هنا هوايه بس رحمه على والديك دزلي الصوبه كلها مو بس الفتيله خويه داز داز
بالمناسبه اليوم سئالت على باص يسمو كو باص الى كالكري من تورنتو  ياخذ وقت يومين مع استراحات متقطعه ليست طويله والتكلفه حدود 450 دولار طبعن ون وي
والى فان كوفر القطار من تورنتو الى فان كوفر  وبدون توقف مده 3 ايام طبعن قطار سريع يتوقف مره وحده ماعرف اسم المنطقه وهاي التوقف للتزود وقود ومواد غذائيه والتكلفه خويه حدود 600-800 طبعن اذا تحجز فورا بس اذا قبل اسبوع اون لاين نصف السعر وبالطياره من تورنتو الى فان كوفر 7 ساعات طيران وشوف خويه المسافات علمود نعرف شلون اختلاف بالحراره بين مقاطعه واخرى

اريد وطن -

12
اخونا مازن لاتخاف ولا تحط بالك

قابل من شنو تخاف بي تهديد وانفجارات وقتل خويه هنا اخبارهم وتوختهم  الجو  واخبار الجو  والعمل وشكد يدفعون وشوف البطر هسى
صارلهم يوميين بالجرايد والاخبار دايخين ويتناقشون على خبر تيتانك ( باخره تيتانك الغرقت ) شنو سبب الغرق واكتشفوا او احدهم طلق سر الغرق شوف شلون دايخينن

والاخبار الثانيه الدوخ قبل يوميين لكو بالشارع دم واعظام  ومنظر مقزز  طبعن مطوق المكان وسيارات شرطه ومحققين يريدون يعرفون هاي البزونه شلونه ظربتها السياره ها عبالك ادمي ظاربته سياره لاخويه  هاي البزونه

خويه بس بشرفك مثل مكتلك وتذكر كلامي اول فتره تصل بيها حاول لاتكئب نفسك واخذ اي شي بيجابيه واي شي يصير وياك خط عادي اعتبره تجربه جديده وخلي بالك ترى احنى موجودين اي شي تريد تساءال اني حاضر  ولاتتردد

واتوقع سفرك 100% بالميه بي 20-10 -2010 وكول يارب

اريد وطن وعمي احلى وطن لاتزعل

13
اختنى العزيزه

انا من سكان مسساغا صارلي واصل تقريبا 5 اشهر عن طريق اليوان من عمان

اختي مسساغا جميله وبيها جاليه عربيه كبيره وهي حديثه سكانها تقريبا 750 الف نسمه تبعد عن تورنتو تقريبا نصف ساعه على طريق الهاي واي

بس اختي مسساغا غاليه شويه يعني سكن شقه غرفتيين نوم من  1000 الى 1600 حسب قر بها وبعده عن سنتر المدينه وحداثت البناء طبعن وقت وصولج ممتاز موسم ازمه السكن تخلص في هذه الفتره بس السعر ثابت ممكن تلقين اقل شويه او اكثر بس اختي اني قبل شهر يين تقريبا شبه دلال صرت اي جماعه توصل الى كوستي ومعارف من المنتدى بحثت على هوايه شقق مع اصدقاء وكان من التجربه هاي الاسعار

اختي بالنسبه عمل زوجك ممتاز بس يراد ترخيص ودورات وساعه العمل حسب علمي ومن السمع تقريبا 20-30 دولار بالساعه

اختي البدايه في كندا بشكل عام صعبه مو سهله يعني اول سنه سنتين يراد تحمل وصبر وتنازل على هوايه امور مثل عمل اقل اجور ودراسه وقبول اي عمل يعرض بس الواحد يجلب بس ان شاء الله المستقبل زاهر وجيد يعني تعب اول 2-3 سنوات الاولى وبعدها الوضع ممتاز

اختي اهم شي اللغه يجب اجادتها بشكل جيد طبعن اكو هنا مراكز بعضها مجاني لتعلم اللغه

اختي هملتون رخيصه من ناحيه السكن طبعن المواصلات الباص 3دولار او 2.5 تشتري مجموعه بطاقات التامين على السياره في مسساغا غالي جدا بينمى في هماتون ارخص يعني مسساغا تقريبا 220 دولار بالشهر اما هملتون تصل الى 160 دولار بالشهر طبعن التامين اجباري

اختي اي شي يجي بالج من سوال او اي مساعده اني حاضر واي استفسار اني حاضر


اخوكم اريد وطن

14
ابو احمد بشرنا شلون الدراسه زين الكوبيه شنو اخبارها وكلي شو متبين بالمنتدى لازم كاعد تدرس من ورانا

عمي ادرس ترى المصيبه بعد سنتيين جهالنا يضحكون علينه ويصلحونه  بالحجي فعمي مو تكول اني كتلك خلي نكعد ندرس احسن شنو سفرات ونسه وضحك عمي ادرس

بالمناسبه هذه السفرات تعتبر جانب تعليمي وليس فقط تسليه في السفر ممكن تتعلم بعض المفردات وهي عمليه مدروسه يتم الرحله مع صفوف اخرى مستوى اعلى او اقل ويحدث اختلاط

التعليم هنا بي تخطيط وعلم

سلامي ابو احمد الى جميع افراد العائله اخوك اريد وطن سابقا وحاليا وطني كندا

15
اخت دودو الف حمد لله على سلامتج بشرينا شلون شفتي كندا اتصور انتي بتورنتو وشتحتاجين اني حاضر

اني ساكن في مسساغا

اخوج اريد وطن

16
اخويه قواعد الكفيل هو يعتبر معنوي

يعني بحاله قبول الملف لايوثر الكفيل يعتبر معنوي للتوجيه فقط ليس اكثر واعرف هوايه ناس ماعدهم كفيل عادي قبلوهم المهم تكون موضوعك مقبول وانساني بالنسبه للكنديين


وكول يارب

اريد وطن

17
اخونا الكاظمي

ترى عيب شنو كوبيه وتسوي براشيم شنو هاي مو عيب ممكن رقم معاملتك احولك يمي الى تورنتو مسساغا عمي تعال يمي وخلي الرجال يقرا احسن

اني بحاجه الى كوبيا والبراشيم هذا ابو احمد لاتخاف علي يوميه باليل يدرس ودربالك كاعد يدرس من ورانى اليل كله لازم عنكاوه وعندك الحساب

سلامي الى ابو احمد خويه لاتسمع كلام اخونى ادرس ومعليك واخذ الصبح لفات والقلم ولاتنسى المساحه

اخوان اني هسى مسوي عمليه ( ناسور ) بس اطيب انزل موضوع على المدرسه مع التفصيل بس بدون كوبيه ورفعه علم ونشيد ويحيه القائد بس يوم الخميس اكو طلقات تحيه العلم مو هيج ابو احمد لو غير عدكم

18
اخونا الفريدو اول شي واهم شلونك وان شاء الله بخير

عمي شنو بعد مشاب رجعنى للكتاب بس بشرني تاخذ لفات وياك والعصير  ولاتنسى القلم والدفتر واذا تريد احل الواجب وياك اني حاضر  صدك تريد مدرس خصوصي هذا تلفونه 0000000012


ترى كاعد اشاقه وياك والمدارس هنى جدا جميله وتفيد للحيات اليوميه بس اذا حاب تقويه لغه اكثر مع قواعد ودراسه لغه لاكمال دراسات واخذ توفل افضل شي ال اي اس ال

اخوك اريد وطن

19
الف مبروك اختي دودو  ويارب السفر القريب  ان شاء الله سفرج بشهر السادس بس انتي وين جايه اي ولايه


واختي بالنسبه للجنط محد ميسئال على الحجم المهم الوزن وبالنسبه للوزن اختي انسحج نصيحه واكو جماعه نصحتهم بيها وسوها ومشو عادي  طبعن هذا الحجي بالدوره لاتكولي الى عبير وسليميلي عليها كليلها جماعه مقابله بشهر الثاني ال 3 عوائل ناسين يدسون اسمنا الى سفاره ابو الطفل الصغير

واختي الكريمه تعليمات الدوره اسمعيها بس مو كلها طبقيها يعني مثل وشغله جدا مهمه يحجون عليها بالدوره نسوي الترجمه الاوراق من رخص قياده او هويات وتصديق من السفاره الكنديه بعمان كله خريط
اني كلفتني ترجمه عقد زواج واوراق كومه كلفت 200 دينار اردني بس اجيت الكندا تحديدا تورنتو - مسكاكا  لا لا لا يعني ميعترفون باي ترجمه خارج كندا وميثقون بيها وهذا الحجي صار معي عندا اخذ رخصه قياده ومصدقه من الخارجيه الاردنيه والسفاره الكنديه بعمان في دائره الترخيص بكندا ابلغونب اترجم في كندا واعيد ارسالها الى السفاره للتصديق عليها


بالنسبه للجنط والوزن اخذي جنط معقول الحجم وعبي بيها يوم السفر عند وصولج للمطار ابلغي الحمالين بس تعبروه الي ونخلص اكرمكم اكراميه زينه يعني ورقي وحياتج اختي اني اقل وزن عندي جان 24 - 28 وعبر كلشي بس معرفت بالفلم ال بعد تعب شديد وفتحو الجنط وفرغ من الجنط الخ وبالاغير اجا علي حمال ابن حلال كلي لاتفتح ولاتعب نفسك بس اكرمني واني اخلصها طبعن ابو الطيران لفتتهانزه طلب مني على الوزن 900 دولار وبعدين نزل الى 400 واني رفضت وكتله ارجع جنطه بعد التعب اجا  حمال وكلي مثل ماكلت ومشت


واكو  جماعه سافرو بالرابع  وكتلهم على هاي الطريقه وكلشي مشا عادي بدون التعب



اخوج اريد وطن من كندا مسكاكا


20
اخوي عمار  لاتقلق ان شاء الله سفرك قريب ولاتهتم كلها ايام وتسافر بعون الله

ترى اني صار وياي نفس الشيء عادي يعني لاتخاف هذا التاخير اني صار وياي وبعدها 5-6 عدو تحديد موعد السفر  خليك ريلاكس ولا تهمتم كلها ايام وتوصل وتصير ذكريات وسولف وتدخل تفكير بشغلات ثانيه شلون  تعادل  وشلون تسوي  رخصه قياده  لاتقلق كلها ايم ونستقبلك ونزفك بالاهلاهل



اخوك اريد وطن سابقا

21
اخونا الفريدو  شلونك  انشاء الله بخير

طبعن  كاعد اقرء مواضيعك المفيده وابشرك امس  وصلو الى تورنتو  تقريبا 6 عوائل من  عمان واحد الجماعات الواصلين بلغوني كوستي الي هو مظيف مالت تورنتو مغلق حاليا لعمل تجديدات وصيانه وارسلوهم الى مكان اخر بس ماعرف وضعه هل  ممثل القديم او اسؤء ماعرف

بس اليبشر بخير  حيجددون المكان


اني اسف كماعد اتابع مع متدى بسبب الوضع النفسي جدا تعبان وبصراحه ماعرف ليش  ممكن التفكير بالمستقبل بعد انتهاء  هاي السنه شنسوي وشلون الواحد يدبر اموره محتار


المشكله العراقيين معنى بالمدرسه مع الاسف غير متعاونيين جدا على كل حال بس شويه نفسيتي تتحسن ارجع للمنتدى وان شاء الله بنشاط 

بس خويه خلي دائما نسمع اخبارك ومواضيعك الجميله وبشرفك بوسه  للورود العندك والله يحفظهم من كل مكروه


اخوك اخوك وابن المنتدى  اريد وطن

22
اخوي انشتاين العراقي

رجاء سلملي على عبير وكلها الكلج على موقع عنكاوا واطاج العنوان وتعرف اني بكندا صارلي 11 يوم وصلت الى تورنتو

خويه اني ترجمت لقاحات وعقد الزواج وكومت اوراق جنب السفاره الكنديه الورقه بخمس دنانيير اردني بس السفاره الكنديه على الختم الواحد ياخون 33 دينار بالسفاره

اخويه هم كلتلنا عبير بالمطار يريدوها منك والخ وماكو احد طلبها منعنا ولاسءل عليها ابدا اصل الجواز العراقي في كندا ميعترفون بيه بس يشوفون الفيزه وياخون الاسم منها وبس واكو ورقت لاندنك هي المهمه وبس
يعني الجواز ممعترف بيه يعني يفيدك بس اول ايام لتقديم الى رقم الضمان والصحي والاقامه الدائمه وبعدها ليس لهو اي اهميه

للعلم اخويه عبير بنتد جدا حبابه والديره لوسي كذاللك بس واجبهم المبالغه بعض الشيء
يعني دخان اخذت وياي 18 كروز هذا الحجي بيناتنه لاتكول الى احد او تدكول بالدوره لاحد يفتش ولا احد يفتح جنطتك موجودات بنات 2 عراقيات باالمطار يستقبلوك ويكلون اجراءات ويحطوه على العربانه وتمشون سره واحد وره الاخر وتطلعون ويجيبون تكسي واني بقت جنطيت باالمطار اتاخرت مطلعت من المانيا وجان بيها 6 كروسات دخان يعني الدسم كله بيها واخوك باك هوه كلت اذا لزموها اكل تبن وسئلني بالمطار ابو لوفتهانزه بيها قفل كتله اي كلي اذا رادو الكمارك يفتشوها شلون كتله يكسورن القفل واخويه وحياتك لاحد فاتحه ولا لاعب بيها

يعني الدوره بيها مبالغه اكثر من الازم بس للترجمه بصراحه اني سويتها كلها وصرفت بحدود 200 دينار وللمانه انته واصل جديد الى كندا يعني متندل وين ترجم والمواصلات هنا غاتليه جدا فحاول الشغلات المهمه مثل شهادات والقاح عقد زوج ترجمها
وبالمناسبه اذا عندك رخصه قياده عراقيه روح للسفاره واخذ كتاب تايد بانها نافذه وترجمها وجيبها لانها تمشي هنا
وحاليا السفاره بعمان تطي هيج كتاب



23
والله كفو الفريدو واصيل والله انته فخر للعراق والعراقيين انته واخونا عبسي من مساعتك وتوجيهاتك الله وبحق محمد والله محمد ينور طريقك ويفتح ابو الرزق امامك يارب

اني تفاصيل

ب شهر 11 او 12 -2008  تم مقابله باليوان للتحويل الملف الى كندا

بشهر 2-2009 اتصال استلام الفورمات وتعبئتها

ب 2-9-2009 مقابله بشميساني السفاره الكنديه مع اعطاء فايل نمبر والفحوصات الطبيه و توقيع القرض

5-9-2009 عملت الفحص الطبي

6--1-2010 اتصال من سوريا وطلب رقم الكفيل وبعده ب 2 ساعه اتصلو بكندا الكفيل

10-1-2010 طلبو تسليم الجوازات الى iom

13-1-2010 تم تسليم الجوازات

الدوره كانت ب 2-3-4 -2-2010
ويوم 4-2-2010 اخر يوم الدوره اتصلو ال iom اثناء الدوره وكالو 7-2-2010 تعال استلم موعد السفر

يوم المشهود ويارب يتم على خير يوم 23-24 -2010 السفر من عمان الى فرانكفورت الساعه 3 فجر عمان وبعد انتضار ترانزيت في مطار فرانكفورت 7 ساعات بعدها طيران الى تورنتو والوصل الى مجهول بس خير انشاء الله والوصل بتوقيت تورنتو 4.30 في مطار تورنتو وتبدء رحله تاسيس مستقبل وامل جديد وحيات بدون قلق وخوف وامان ويارب تكون للكل ويسر امر الجميع

اخوكم وابن المنتدى اريد وطن سابقا وحاليا وطني كندا

24
والله اخونا جنانو
ماعندي خبر اشكد الفتره اتمنى العنده علم بالامر يساعدك

وين اخوانا النشامه

اريد وطن

25
اخونا الفريدو العزيز

حبيبي شويه شويه ليش معصب اعرف الله يساعدك على البرد وكل بدايه صعبه خويه فكر انته يمن اجيت العمان ودوله عربيه الم تلاقي صعوبات بس خويه بالصبر والدعاء كله يهون يمعود هذا الصبر مال مقابلات واليوان ..الخ مرت عليه وخلصته والف حمد لله فحبي لاتعصب ولاتزعل نفسك ويارب قريب تنزل سياره وترتب امورك ان شاء الله
وخويه الفريدو نصيحه من اخوك ترى الكنديين ميجون بالعين الحمره والصياح والعراك ترى بعديين يطنشوك وميديرون بال اللك حاول تهدي حالك واتوكل على الله

اخونا الاسمر اهلا وسهلا بيك ومراحب نورت المنتدى اسف شويه جنت مريض ومداخل على المنتدى والف مبروك على تسليمك الجوازات وان شاء الله السفر القريب


اخويه احمد الغريب يارب يقرب سفرك ويسر امرك

واخويه اربد بالنسبه للرفض لاتحطى بالك انته بمانه سويه فورمات يعني مبدئيا قبلو موضوعك ومقتنعين بيك بقه المقابله لازم ولاحظ لازم تحجي نفس حجي ال يوان ولاتزيد ولاتنقص وكذاللك ورقه الفورم تكون مصوره وقبل يوم من المقابله اقراها زين وسوس ورقه عدم محكوميه والجوازات والجناسي وروح توكل على الله وصدقني اني من فتره المقابلات تقريبا 5 ايام بحدود 20 كيس ولا واحد نرفض بس اكو ناس مطوهم ورقه فحص طبي وبعد شهر اتصلو بيهم وسلموهم ورقه الفحص يعني الكنديين رفظهم قليل بعد الفرومات
بس هذا لايمنع من الرفض لانه شنو القوانيين والنظام والمحتاجيه همه محد ميعرفه يعني على كولت اخونا انشتاين او الفريدو انته هسه وراك اقل شي فد 8 اشهر لاتفكر ولاتهتم للموضوع بس شيريدون منك من تجديد ورقه اليوان واذا اي اوراق سويها ولاتتاخر عليهم وانته مابقالك بس مقابله ويارب ورها الفحوصات وتسافر

اخوكم اريد وطن

26
احونا الفريدو للتصحيح اخاف قصدك 10 متر بس 10 سم قليل يعني ربع مسطره

عمي 10 سم 1م ملم هو الجو بارد بارد يعني لازم صوبه علاء الدين


27
الفففففففففففففففففففف الففففففففففففففففففففففف مبروك اختنى دودي ميشيل والف الف مبروك

والله الخبر مفرح واختي مثل مكلج اخونا انشتاين ترى الجواز مهم ويفيدج انتي حاولي من العراق اذا اكو معرفه او اهل يسولج الجواز وطعبن اصلي من ناس ثقه مو مزور او
عن طيق السفاره العراقيه بعمان يراد اقل شي 5 اشهر ولاتنسي جايه انتخابات والهوسه الله يستر
 اني اذا تذكرين مثل اخونه انشتاين سوينا الفحص والمقابله بشهر 9/2009 واني ب 13/1/2010 سلمت الجواز الى iom  وحسب جماعه يكولون اقل شي السفر بعد 15/2/2010 يعني بعد شهر

مبروك الف الف مبروك اختنى ويارب السفر القريب وتخلصين

اخوج وطني كندا  اريد وطن سابقا ) انتظار اتصال تحديد موعد الدوره واصادار بطاقات السفر

28
في عمان الاردن هذه الاجراءات فيما يخص كندا
اريد وطن

29
اخويه فريدو الحبيب

مشكور مشكور  والله ادري صعب تنصحني وهذا دليل متريد طورطني بارك الله بيك شنسوي هذا الكلب النيجري خربها علينى مادري هسه وكته بس الحمد لله
اني امس اشتريت جنط مقاس 68*86*25  يعني غير اليكولو بالدوره والي سامعه وبصراحه التزم بالوزن حسب اليكولو 23 كيلو وناوي اجيب دخان 4 تكات بس واذا رادوها او يغرموني عليها اكلهم ذبوها بالزباله ويارب ناوي اترك الدخان لانه اتصور ماكدر على مصاريفه ويارب لكل مدخن يتركه من هذا البلاء

اخويه عبسي انته ابشر الصوبه والطليان وكل شي تريده اني حاضر ترى مو مجامله تعرف الوزن عندي صعب بس انته امر الواحد مثلك او مثل اخونا فريدو او كندا ميعرف شلون يجازيكم من فعل الخير

اخوكم اريد وطن سابقا وطني كندا حاليا

30
اخي احمد سلطان المفروض التحويل الى الكنديه عن طريق يوان بس مو iom  ال اي او ام وضيفتها بالنسبه الكنديه عمليه حجز فقط بطاقات سفر  والدوره مالها علاقه بالكنديه يعني  في حال iom  مشت معامله مالت امريكا واجاك رفض من قبل المحلف همه اوتوماتيكينه يردون الى يوان ويحولوك الى دوله اخرى

اخويه هسه هذا تكلهم هذا الحجي وترفض امريكا يعني يرجع الملف من اول الى يوان ومن ثم يرسلو الى الكنديه طبعن اذا اقتنع ابو يوان وعدهم مجال يودو الى الكنديه بس توافق موافقه مبديه الكنديه وتعبي فورمات يعني ابشر خيلر بس يراد وقت قريب السنه اتمنى اكون جاوبتك وفدتك

اخويه عمر  انته اي جواز تحمل اذا اس حاول من بغداد تصدرلك واحد عن طريق اقرباء وبفلوس افضل بالنسبه للسفاره الكنديه ماعندي علم بس اذكر في احدى صفحات المنتدى كان واحد مضيع جوازه وسولوا السفر على ورقه صليب الاحمر بس ممتتكد شنو تفاصيل الموضوع

اخواني الاعزاء في المنتدى الي يعرف يفيد اخوانا ليقصر

واخوان عمر و احمد سوي موضوع منفصل واسال بيه كل واحد مايخصه ووضح باالسوبجك سوال من جماعه كندا

اخوكم اريد وطن سابقا حاليا وطني كندا انتظار الدوره وتحديد موعد السفر والتوكل على الله الى كندا- تورنتو

31
مشكورين اخوانا عبسي والفريدو

اخويه عبسي والفريدو بالنسبه للجنط شنو رايكم الواحد لازم يلتزم بالحجم  والقياسات لو لا

وخويه الفريدو بالنسبه للدخان يحاسبون علي لو لا وعندي سوال عربانة الطفل في الترانزيت يطونياها لو لا نستلمها في كندا

وخويه عبسي شلون الجو عندك تريد اجيبلك صوبه علاء الدين وكستانه ترى امر اني حاضر

ومشكور اخويه عبسي ويارب التقي بيك في كندا وتصير فرصه نتعرف

اخوكم وطني كندا  ( اريد وطن سابقا )  انتظار اتصال للدوره وتحديد موعد سفر يارب يكون اخونه انشتاين ويانا ويتصلون بي ويارب لجميع المنتظرين يارب 

32
مشكورين اهلي واحبتي
انشتاين الكندي ويارب يتصلون بيك ونطلع بطياره وحده

اختي دودو  مايكل يارب قريبا جدا تخلصين ونسافرين يارب

عراقية مغتربة اخويه ابو محمد الف شكر

وحبيبي الفريدو بارك الله بيك

تاكيد كلام اخويه الفريدو الموقع ليس له اهميه اني غدا اذا شاء رب العباد اسلم الجواز ةلغايه اليوم ان بروسس يعني ماكو اي تغير بس الواحد يطمن معامله ماشيه ويارب يطمن الجميع وتسافر وتخلص من قلق الانتظار ومعاناته

اخوكم وطني كندا ( اريد وطن سابقا ) ويارب يوم  اكتبلكم جنسيه كنديه ( وعراقيه سابقا) بس ابقى احب بلدي واهل بلدي لاخر يوم بعمري

33
اخواني الاعزاء اخواني واصحابي في في طريق اللجوء الى كندا

اول اخويه الفريدو  لاشكر على واجب واشكرك شكر الجزيل من مشاركاتك وتعاونك وتواصلك معانا

ابشركم ان شاء الله الاربعاء القادم  ب 13/1 /2010 ابلغوني لتسليم الجوازات الى iom   

يارب نسمع اخبار البقيه للتسليم وتحديد موعد سفر

شكر خاص الى الفريدو والاخت كندا والاخ عبسي والاخت اسود وناردين وبالاخص اخ قديم جدا هو انجل العراق الذي كان اول موضوع قريته واستفاديت منه  واخويه انشتاين يارب يكون رفيق دربي وبطياره وحده

اخوكم وطني كندا ( اريد وطن سابقا ) انتضار موعد تحديد السفر والتوكل على الله الى ارض الوطن الجديد


34
فقط للرفع
لاميه المواضيه بيها

اخوكم وطني كندا / اريد وطن سابقا انتظار اجراءات السفر والتوكل على الله بحياة جديده

35
اخويه سمير

انته قابلت بل يوان المحاميه او محامي وكالت نرفع قضيتك للحكومه الكنديه

اذا هيج خلال 2-3 يتلون بيكم لاستلام الفورمات للتعبئه

اخويه ماكو وقت محدد وحسب علمي الكنديه هسه مضغوطه هوايه يعني عدهم حالات وبقصد الدراسه

جماعه كندا بس تعبي الفورمات وراها بي 6 اشهر يتصلون للمقابله وممكن اقل او اكثر شويه في المقابله تحكي بشكل مختصر عن سبب خروجك وطبعن ممكن يكذبوك للستفزاز بس خويه الجماعه يعني استفزاز يعيد عليك السوءال اكثر من مره وانته تجاوب بشكل عادي وهادى وبدون اي عصبيه مهما كان

اخويه بس يقنع الشخص المقابل ويطيك ورقه الفحص الطبي وتويقيع القرض اجور الفحص وبطاقات السفر ماكو رفض يعني مسمعت ناس رفضوهم الا اذا اكو مانع من ناحيه طبيه لاسامح الله يعني امراض معديه ايدز او سفليس او اكو مانع امني دخول الاراضي الكنديه اي اكيد يرفضون ومو بس همه اي دوله

اخويه من تجربه الكنديه يراد اللك صببببببببببببببببببببببببببببببببببببببببببببببببببببببببببببببببببببببببببببببببببببر
هوييييييييييييييييييييييييييييييييييييييييييييييييييييييييييييييييييييييييييييه

يعني مارس حياتك بشكل طبيعي وانساها وتعلم على الصبببببببببببببببببببببببببببببببببببببببببر

يعني اخوك من شهر 9 قابلت وسوست الفحص الطبي وصارلي 3 اشهر وماكو اي اتصال عادي جدا
علما في المقابله كالتلي ممكن 2 اذا طول 3 اشهر وتخلص بس تكون تعرف موعد سفرك فقط خلال 3 اسابع يكون عندك علم موعد الطياره وهاي خلصنا 3 اشهر وماكو شي يعني غير الصبر والانتظار ماكو

حاول تدعم نفسك على اللغه رخصه قياده اردنيه او عراقيه نافذه واذا غيلر نافضه سوي كتاب تايد من السفاره العراقيه
اكو موقع  اسمه kjijij .com ادخل عليه تعرف اسعار اجار الشقق اسعار السيارات عمل وكلشي يجي بالك

اخويه اني تورطت من المقابله وكالتلي يرادلك حد اعلى 3 اشهر ونتصل بيك واعتمتد على كلامها وبلغت عملي وتورطت وتركت العمل حاليا وهاي كاعد انتضر وتعرف العمل بالاردن صعب جدا بس الحمد لله الله يعين

يعني الواحد يبقه يصبر وليستعجل اذا عنده عمل وماشي بحياته لايصفي ويعتمد على كلامهم وبسرعه يصفي ويكول عمي كلها شهرين او 3 ويتصلون هاي كتلك صار وياي وممكن للشهر 1 او 2 او 3 يمن يتصلون يعني و احد يكعد يصرف من مداخراته وينتظر احسن شي الواحد اذا ميتلون بيه لتليم الجوازات وبعدها بسبوع يسلمون بطاقات السفر ميصفي ويبقى عادي وطبعن هذا راءي شخصي

واي شي تريد اني حاضر

وادخل على مسنجر بس مشوفك ليش

اريد وطن

36
اهلا وسهلا بيج اختنى روز ماري

اختي اجاوبج حسب علمي البسيط
1 لااحد يجبرك على العمل انتي وافراد العائله السنه الاولى للغه ويجب ان يتم انهاء اللغه للطرفين الاب والام

2- في ايجاد العمل انتي عليكي بي ايجاد عمل وليس من واجب الحكومه ان تبحث لكي او لزوجك العمل

دور هذه الجمعيات هو توجيك كيف تبحثي عن سكن اين الدوائر ودليج عليها ترسل معكي مترجم للطبيب او دوائر الحكوميه او عند الاجار للترجمه يعني ماكو احد يروح يدورلج على عمل اتصور حتى اللغه بعد وصولج وتاجرين بيت انتي لازم تروحين للمدرسه قريبه عن سكنج وتسجلين بيها

اكوا مواضيع عوده الامل لجماعه كندا ( من اخونا الفريدو حالين هو في كندا منذ 2 اسبوع تقربيا سافر ) موضوع اسمه كندا كندا ( اختنى كندا كاتبته ) وكذاللك ابحثي ان اسم عبسي او ابو الحظ ) كافت مواضيع بالتفصيل تلاكيها

بالنسبه للماعدات مدى الحياه هي من الولفير وهذه تقدم من الحكومه طبعن بعد السنه الاولى اما خلال السنه الاولى توجد جمعيات هي مسوؤله عنج

اختي انتي وين وعن اي طريق مقدمه يوان كفاله وموجوده بعمان سوريا تركيا وين ومقدمه لو بعدج وين وصلتي

هذه اسئلتج ممكن في الدوره يشرحوها الج شرح مفصل وبعد متوصلين يفهموجياها كذاللك وسهله بس المهم خلي يحجون ويانا ويسفرونا والباقي سهل

بالمناسبه لاتخافي على الاطفال همه يخافون عليهم اكثر منج ومني هذا المر لاتخافين منه بس كليلي انتي مقدمه وباي مرحله واصله واني حاضر لاي سوال

اخوج اريد وطن - عمان انتضار الفرج والاتصال من سفاره الصبر المرير من سوريا لاكمال الاجراءات

37
اخويه انشتاين

هذا هدوء قبل العاصفه يعني ان شاء الله قريبن جدا شوف كلها سافرت طبعت هذا املي ويارب

عمي اني بديت معنويات نازل يعني جنت اتوقع شهر 11 يخابرون بس اتصور راحت علينه احنه لغايه اليوم صار على الفحص والمقابله تقريبا 2 شهر ونص اتصور خويه  يحجون ويانا نهايه 12 وسفر يبدي نهايه 1/2010 او 2/2010  جنت متامل ابدي بدايه السنه وتكون 2010 بدايتها هناك بلدنا الام يعني كندا ترى مو العراق

بس خويه اكو جماعه اعرفهم قابلو ويانا وسوه الفحص الطبي ورى 20 يوم وقبل اسبوع يعني الاحد الماضي ب 15/11 اتصلو بيهم ال UN وعادو فحص للشخص واحد بالكيس فقط

ماعرف عندك خبر  احد ويانا بنفس مجموعتنى تقريبا  عددنا جنه 20 كيس اكو احد سافر منهم اني الاعرفه كيس واحد وعلى اتصال بيه بس بعد ماكو شي

الله كريم بس بيدنا الدعاء ويارب نكون بطياره وحده مثل متفائلت عندك كلامي ويا اخونا الفريدو

وانشاء الله اخونه فريدو يارب يسر امره بعد غد طيارته

اخوك اريد وطن

38
واخيرا فرجت الف مبروك وتوصل بالسلامه

اريد وطن

39
اخونا نور عزيز بعد التحيه واهل وسهلا بيك في المنتدى

اخويه حسب علمي بعد تسليم الفورمات ممكن من 2 شهر الى 6 اشهر يتصلون بيك ال un ويطوك موعد مقابله في السفاره الكنديه  طبعا كلامي يخص في عمان

الرجاء اذكر انتى اي بلد  وللتهيل عليك اكلك صار وياي في عمان

1- الاوراق المطلوبه سهله جدا جوازات السفر الاصليه , شهادات الجنسيه للكل , عقد زواج , احوال المدنيه للكل , طبعن الصغير فقط احوال مدنيه , حسن سيره وسلوك من المخابرات الاردنيه يعني بعد شهر او شهرين سويه لانها تحتاج تقريبا 10 ايام طبعا هاي الك وللزوجه فقط الي اي شخص فوق 18 سنه , ودفتر الخدمه العسكريه الاصل ومترجم او هويه خدمه العسكريه  وتروح للمقابله

المقابله سهله جدا يعني تحجي عن 3 مراحل
ماذا عملت يعني نفس كتبته بالفورم  بس اسئلع عن طبيعه عملك وشنوا الشتغلته وليس تفاصيل يعني روس اقلام

بعدين شرح ملخص عن سبب التهديد وخروجك من العراق والقسم الاخير هل تستطيع ترجع حاليا للعراق يعني تشعر مازلت مهدد او لا

بس اخويه خلي بالك مقابله بدون ارتباك وجدا جدا سهله يعني خليك واثق من نفسك ولاتصير عصبي ابدا ابدا يعني ممكن يطلب منك او يلحون بسؤوال معين وجاوب وبعدين تسئال موضوع اخر وجاوب وبعدين يرد يسال نفس السؤوال وعادي وبدون عصبيه جاوب مره اخرى مع ملاحضه مهمه بعد المقابله يعتذرون منك اذا ازعجناك او ضايقناك اكلك لو مو زوجتي يمي لكمت بسته من طريقه اعتذار وتحص والله اخويه انته انسان ويارب سيهله عليك

بعدين انشاء الله اخويه تكلك طبعا حتى لو اكو مترجم بالانكليزي اني مقتنعى وقبلناك ويطوك فايل للفحص الطبي وطوقع على ورقه قرض مال الطياراه

طبعا لغايه كتابتي اني ب 24/10/2009 لايوجد اي اتصال اكتب هذا ماحدث مع وركز هذا بعمان يعني مصر سوريا غير

وحاضر اي سؤوال

اخوك اريد وطن / عمان

40
اخان تمله للموضوع اعلاه

اخت كندا اسف نسيت اضيف اسمج كذاللك موضوع اخت كندا مهم وبيه معلومات زينه اسف اختي جدا واحد مدوخه القلق والتفكير اعتتذر مره اخره من اختي كندا

اقدم اعتذاري الشديد اذا نسيت ذكر اسم شخص معين يس والله هنا كل الاخوان متعاونيين
واسف على الاخطاء الاملائيه او طريقه التعبير اذا متكون واضحه

اخوكم اريد وطن ( اخاخ اخ اخ شوكت الكاه وارتاح يارب للكل )

41
اختي عراقيه مغتربه 
يعني انتي عبيتي فورمات في يو ان فورمات تخص السفاره الكنديه

يعني في ال يو ان بعد تعبئه الفورمات اني شخصيا  عبيت الفورمات بشهر 3/2009 وسلمناها الى يو ان يعني بلغوني قبل الفورمات موافقين مبدائين الى كندا وبعدها ب 6 اشهر اتصلو بينا ال يوان وكانت مقابله ب 2/9/2009  وعملنا فحص طبي وحاليا انا انتضار اتصال من سوريا يبلغوني اسلم جواز الى iom وممكن تتصل السفاره اذا عندهم نقص او اي استفسار لاعلم اختي السفاره الكنديه اجرائتها بطيئه جدا يعني مو مثل امريكا بس كندا اذا عندج اطفال احسن يعني اول سنه اكو راتب شهري اكو تامين صحي مدى الحياه اقامه من اول يوم تاخذيها

رائي الشخصي

اذا انتي مستعده وضروفج زينه ممكن تتحملين طول المده توكلي على الله وعلى كندا ( زين انتي فورمات ال يو ان كلتي عندج احد في كندا علمود رشوحلج كندا لانهم عادتن يفضلون امريكا )

بس اذا مستعجله وضروفج متتحمل امريكا احسن يعني اسرع واختي هيه كلها تكهنات وتقدير يعني صعبه اكلج كولي كندا او امريكا كتدرين يمكن شغلتج اسرع والشخص القابلج مقدر موضوعج انتي بحاجه سرعه يطلعوج فصعبه اطيج فتره

بس اختي تابعي المنتدى ومواضيعه وشوفي جماعه كندا وجماعه امريكا او سويد او المانيا وقارني والله يقدملج البيه الخير انشاء الله

واني حاضر لاي مسعاده او استفسار ( في مايخص كندا اقري مواضيع عبسي ,الفريدو , انجل العراق , اخت اسود 2000. اخت ناردين ,) بهاي المواضيع تقريبا كل شي يخص كندا

وفي مايخص امريكا يوجد هوايه مواضيع

اخوج / اريد وطن / عمان 

42
مشكور عمي انشتاين العراق على هاي المعلومه

شنو اخويه ماكو حس او خبر على شغلتك

اخونا الفريدو بشر اكو شي يمعود تكول للسفير مالتنا ( اخونا عبسي يحجي وياهم بلكت يسرعون ) شغلتك طولت والله يفرجها عليك وعلينا

اخونا في المنتدى عندي راءي اريد اطرحه

ممكن احنى كمجموعه مثل اخونا عبسي او اي شخص بكندا نسويه في استرحام في كندا يعني من المنضمات داخل كندا ونحرك الموضوع يعني مثل عوائل كاعده تنتضر اجراءت طويله وضعها صار صعب مثل اني شخصيا لغايه 15/1/2010 لازم اطلع من عمان لاسباب عديده  يعني مثل نضع ايميل وكل واحد يكتم رقم الكيس واسمه وتى قابل ويرسل هذا على الايميل ويطلب الاستعجال في اجراءات السفر ولمن يصير عدنا عدد مثل نرسل هذا الايميل يعني نطبعه واني مستعد اودي للسفاره كنديه في عمان بلكت الله يستعجلون بالموضوع الفحص والموافقات الامنيه ويصير تبسيط بالجراءات

ماعرف شنو  رايكم بالموضوع هل تويدوني

اخوكم اريد وطن

43
اخواني انششتاين وعراقيه مغتربه

اسمحولي ادخل لموضوعكم

حسب علمي كل المقدمين عن طريق ال يو ان يتم تحويل ملفهم عن طريق محامي او محاميه الى السفاره المرجوا اي الملف يحول عن طريق محامي وهو بمثابت محامي خاص لقضيتك يعني اليقابلون بل يوان اكثرهم محامين حسب علمي لانه بالنسبه الى عند المقابله وقبل تحويل ملفي الى كندا الشخص القابلني عرف نفسه انو محامي وجالس معي يرتب القصه والمعلومات وعمل موجز عن اي مقابلات اخرى لترتيب رفعها الى السفاراه او دول ممكن تقبل قضيتنا ولاحض شي اخواني

في موضوع احد الاخوان في المنتدى لاتذكر اسمه بانه الشخص في اليوان هو كلشي بيده وهم بشكل طبيعي محامين او دارسين اختصاص ب حقوق الانسان وهم من يرفعوا القضيه

اتمنى الى الاخ عراقيه مغتربه يسافر قريبا جدا وياخوان اني شخصيا قلقان جدا من التاخير بس حسب علمي في الاشهر القادمه يعني 11+12 من هاي السنه اتصور جماعه كندا اكو عدد كبير يطلع لانه مثل ماعلم من بعض الاصدقاء العام الماضي في شهر 12 كان في 3 سفرات الى كندا من عمان فقط يعني ابشرو خير ويارب يسهل على اخونا عراقي ومغترب ويكون من الجماعه اليسافرون قريبا جدا يارب

اخوكم اريد وطن / عمان

صفحات: [1]