ankawa
المنتدى الثقافي => زاوية الشعر الشعبي => الموضوع حرر بواسطة: Furat yosip في 13:35 25/06/2017
-
شو ضم راسه
فرات يوسپ
وينة الشكك بأشوريتي
وينه القابض سعرة البيتي
وينة اليستنسخ هويتي
شو ضم راسه ...
...
وينه الي صيح هدوني
اني الثابت هم تدروني
باقي هنا ما أغير لوني
شو ضم راسه ...
....
وينه ومسويلي الإذاعة
متباهي ورافع سماعة
مشگوگ وما يمشي شراعة
شو ضم راسه ....
...
وينه الخابصهه وبس اني
يتفلسف يلوي الاواني
مزاعلني بس ماينساني
شو ضم راسه ...
....
وينه الهوس للوطنية
هوساتك هاي المنسية
مكشوفة لوفاتك هية
شو ضم راسه ....
.....
وينه المتورط بحچاية
مخبوط وما يشرب ماية
وينك يالماتدري هواية
شو ضم راسه ...
....
وينه الي لاولي ذراعي
والمفروض يرجع گاعي
شنو فشلت كل المساعي
شو ضم راسه ....
....
وينه الگاضيهه بتحليلي
ويكتب عبالة يهد حيلي
ويشرح للعالم تضليلي
شو ضم راسه ...
...
وينك يابو الانسانية
علّمنه لو تاهت هية
وينه أستاذ الحرية
شو ضم راسه ...