ankawa

المنتدى الثقافي => زاوية الشعر الشعبي => الموضوع حرر بواسطة: ميسون نعيم الرومي في 11:05 20/11/2016

العنوان: شعر الدارمي (شعر الفرات الأوسط)- غزل البنات
أرسل بواسطة: ميسون نعيم الرومي في 11:05 20/11/2016


شعر الدارمي (شعر الفرات الأوسط)-
غزل البنات


ميسوم نعيم الرومي
 
غـيـم اوهـِـوَه واسـكـوت .. مـَـلـَّـتـْـهـَـه روحـي
ادخـيـلـچ يــشـَـمـْـس الـكـون .. بـَـس هـلـّـي لـوحـي
***
حـلـْـوَه الـسـويـد اهـواي .. لـومـا الـكـآبـَـه
دَرْب الـشـَـمـس مـلـتـاف .. يـقـرَه عـَـتـابـَـه
***
سـودَه الـسـمـَـه كـل يـوم .. اظـلـَـم شـَـذرْهـَـه
مـشـتـاگـَـه روحـي اتـشـوف .. نـَـجـْـمـَـه اوگـمـَـرْهـَـه
***
بـَـرْد اوجـحـيـل (اشـّـاه) والـدنـيـّـه ظـَـلـْـمـَـه*
جـارَك يـعـايـن لـيـك .. مـايـحـچـي چـلـمـَـه
***
مـَـرَّت ثـَـلاث اعـقـود .. والـعـمـر غـَـرَّب
لـَـحـْـنـَـه ثـبـَـتـْـنـَـه اهـْـنـا .. لاالـوَطـَـن گـَـرَّب
***
هـذا الـشـَـهـَـر تـشـريـن .. شـَـهـر الـكـَـآبـَـه*
حـتـّـى الـشـَـمـس مـَـتـريـد تـگـرَب تـهـابـَـه
***
حـَـر اويـِـمـَـوْع الـجـيـر .. والـعـَـرَگ نـهـران*
جـابـونـَـه مـن اهـنـاك .. والنـَـهـَـر جـَـمـْـدان
***
امـگـابـل أنـَـه الـشـبـّـاچ .. والـدنـّـيـه عـَـتــْـمـَـه
يـاقـَـلـَـم اسـكـِـت بـَـس .. والـشـعـر كِـتــّمـَـه
***
أفـتـَـح أنـَـه الـمـذيـاع .. أسـمـع مـصايـب
أتـبـاوَع الأخـبـار .. بـيـهـَـه عـَـجـايـب
***
(أوبـامـَـه) سـَـوَّه افـنـون .. (واتـرانـبـنـَـه) مـَـجـنـون*
بـَـس الـمـَـرَض والـجـوع .. حـصـَّـتـْـنـَـه تـدرون !
***
ارْمـاد اوصـفـَـت واتـراب .. والـمـوتـَـه أكـوام
اعـراق انـْـهـِـفـَـه وانـداس .. مـاظـَـلـَّـت الـشـام
***
أنـظـُـم شـعـر هـالـيـوم .. واسـمـَـع عـَـتـابـَـه
صـبـروْ عـَـلـَـي يـخـوان .. عـدْنـَـه كـَـآبـَـه
-----------------------------------------------------------------
* اوجـحـيـل (اشـّـاه) :- البرد الشديد
* شـَـهـر الـكـَـآبـَـه :- شهر تشرين الثاني في السويد شهر معتم
 نادرا ما نرى الشمس خلال ايامه الرمادية
*والـعـَـرَگ نـهـران :- اشارة الى حر العراق الشديد
*(أوبـامـَـه) .. (واتـرانـبـنـَـه) :- الذي ناب العراق خلال حكم اوباما
لاأعتقد انه سوف يتغير خلال حكم ترامب
----------------------------------------------------------------
19 / تشرين الثاني / 2016
ســـــــــــــــــــــتوكهولم








العنوان: رد: شعر الدارمي (شعر الفرات الأوسط)- غزل البنات
أرسل بواسطة: النوهدري في 08:36 03/12/2016

ميسون نعيم الرومي ..
شاعرة متألّقة من قلب العراق العظيم !
تمتاز برقّة العواطف ؛ والحب للوطن الغالي ..
نتمنى لها العمر المديد والنجاح المستمر .
العنوان: رد: شعر الدارمي (شعر الفرات الأوسط)- غزل البنات
أرسل بواسطة: ميسون نعيم الرومي في 22:09 09/02/2017
الأستاذالنوهدري  المحترم
تحية طيبة
اسعدني مروركم الكريم
والف شكر على تعقيبكم
النابع من قلب عراقي أصيل
مع كل الود والتقدير
ميسون نعيم الرومي