ankawa
المنتدى الثقافي => نتاجات بالسريانية => الموضوع حرر بواسطة: يوسف نورو في 02:51 02/06/2019
-
.
-
ܫܠܵܡܵܐ ܘܟܸܢ:
ܘܗܵܠܹܝܢ ܡܓܲܒܝܵܬܼܵܐ ܡܼܢ ܡܹܐܡܪܵܐ ܕܡܵܪܝ ܝܥܩܘܿܒܼ ܕܲܣܪܘܿܓܼ ܕܪܲܟܸܒܼ ܐܸܢܹܝܢ ܥܲܠ ܛܘܼܒܼܵܢܵܐ ܡܵܪܝ ܐܲܦܪܸܡ ܪܲܒܵܐ ܠܩܵܪܘܿܝܹܐ ܕܝܼܠܵܟܼ ܡܫܲܟܸܢ ܐ݇ܢܵܐ.
ܣܢܹܐܓܼܪܵܐ ܕܩܘܼܫܬܵܐ ܕܲܗܘܵܐ ܦܘܼܡܵܐ ܠܗܲܝܡܵܢܘܼܬܼܵܐ:
ܘܐܸܬܼܡܲܠܲܠ ܒܹܗ ܫܲܪܒܵܐ ܓܲܠܝܵܐ ܒܩܵܠܵܐ ܪܵܡܵܐ݂܀
ܢܸܒܼܥܵܐ ܚܲܠܝܵܐ ܕܡܲܝܵܐ ܒܪ̈ܝܼܟܹܐ ܐܲܪܕܝܼ ܒܐܲܪܥܲܢ:
ܘܒܹܗ ܐܸܬܼܪܲܒܝܼ ܥܵܒܼܵܐ ܓܲܒܼܝܵܐ ܕܗܲܝܡܵܢܘܼܬܲܢ܀
ܦܝܼܠܵܣܘܿܦܵܐ ܐܲܠܵܗܵܝܵܐ ܒܲܥܒܼܝܼܕܵܬܹܗ:
ܕܟܲܕܼ ܥܵܒܸܕܼ ܗ݇ܘܵܐ ܟܸܢ ܡܲܠܸܦ ܗ݇ܘܵܐ ܠܲܕܫܵܡܲܥ ܠܹܗ܀
ܪܗܝܼܛܪܵܐ ܬܡܝܼܗܵܐ ܕܲܠܝܵܘܢܵܝܹܐ ܙܟܼܵܐ ܒܲܣܘܵܕܹܗ:
ܕܒܲܚܕܵܐ ܡܸܠܬܼܵܐ ܡܨܵܐ ܗ݇ܘܵܐ ܕܢܸܚܒܘܼܫ ܪܲܒܘܼ ܫܲܪܒܝܼܢ܀
ܝܲܡܵܐ ܕܡܹܐܡܪܹܐ ܕܗܵܐ ܪܵܕܹܝܢ ܒܹܗ ܟܠ ܐܵܡܘܿܪܝܼܢ:
ܘܠܵܐ ܓܵܫܘ ܥܘܼܡܩܹܐ ܕܐܲܬܼܪܵܐ ܪܘܝܼܚܵܐ ܕܣܲܓܝܼܐܘܼܬܹܗ܀
ܗܵܢܵܐ ܕܲܗܘܵܐ ܢܝܼܣܵܢ ܕܲܬܼܪܹܝܢ ܒܐܲܪܥܵܐ ܕܝܼܠܲܢ:
ܘܲܒܼܡܲܕܪܵܫܵܘܗܝ ܐܲܝܟܼ ܕܲܒܼܦܸܩܚܹܐ ܪܘܲܙ ܥܹܕܵܬܲܢ܀
ܗܵܢܵܐ ܕܐܲܚܸܬܼ ܢܸܫܹܐ ܠܕܲܪܵܐ ܕܡܲܠܦܵܢܘܼܬܼܵܐ:
ܘܲܒܼܪܲܦܝܵܬܼܵܐ ܢܨܲܚ ܒܲܩܪܵܒܼܵܐ ܕܟܼܠ ܝܘܼܠܦܵܢܝܼܢ܀
ܗܵܢܵܐ ܕܲܗܘܵܐ ܟܠܝܼܠܵܐ ܠܟܼܠܵܗܿ ܐܲܪܡܵܝܘܼܬܼܵܐ:
ܘܒܹܗ ܐܸܬܼܩܲܪܒܲܬ̤ ܬܸܡܛܸܐ ܠܫܘܼܦܪܹܐ ܪܘܼܚܵܢܵܝܹܐ܀
ܗܵܢܵܐ ܕܲܗܘܵܐ ܪܗܝܼܛܪܵܐ ܪܲܒܵܐ ܒܹܝܬܼ ܣܘܼܪܝܵܝܹܐ:
ܘܟܼܠ ܡܲܠܦܵܢܹܐ ܡܸܢܹܗ ܘܲܠܟܼܵܐ ܒܹܗ ܐܸܬܼܝܲܬܲܪ܀
ܘܩܵܘܵܐ ܚܠܝܼܡ.
-
.