ankawa
المنتدى الثقافي => زاوية الشعر الشعبي => الموضوع حرر بواسطة: Furat yosip في 04:14 31/01/2017
-
ابن اولايتي
فرات يوسپ
ابن ام عصّابة من تصعد عنده الغيره
ايخلي البارود ايهلهل معرس ويدگ بحيله
چا ماتدرون هذا چان يصيد اسود
هنوبة جريدي لا او مگطوع ذيله
عيب ايخاف ..... هذا الحچي ماينگال
ايفوت بعين المنايه ولا إيميل ميله
مسامر الونّات اوعايش ويه الاهات
او رابي ويه الاحزان ماشايف مثيله
اتهابه الطلايب من ايذود عن الجار
وبقاموسه ماتلگه چلمه مستحيلة
ماشفت مثلك بالغربة لاوالله
اشوري طبعك وها الحمل گادر تشيله