مرحبا أخ الفريدو والأخ شمعه شلونكم ان شاء الله انتو بخير ،،،
عندي سؤال بخصوص القرض يعني شوكت نبدي بدفع القرض اني اتصور بعد السنه بس قابلت ناس جايين قبلنا كالو قبل السنه تدفعوها يعني من 5 او 7 أشهر نبدي ندفعها اذا ممكن توضحون هاية النقطة وشكد تكون الدفوعات وشكرا لكم
بالنسبه للرابط الذي حضرتك ذكرتيه هو فعلا موجود ولكنه من فتره طويله ( يعني قديم ) ومنشور ايضا في منتدانا ولكن انا اعتقد انه مع ذلك مفيد لأخوانا واخواتنا الراغبين بالاطلاع على المعلومات الوارده فيه .. شكرا لك على نشر الرابط ..
مرحباً أولاً مبروك للأخوة اللي وصلو كندا بخير وسلامة وثانياً شكراً للأخ الفريدو للرد على سؤالي(عن الأدوية)نعم قبل شهر (لأن طول هذه الفترة ما انفتح عندي المنتدى) ثالثاً في 15/11/2011 سلمت الجوازات للسفارة ونحن الان دننتظر موعد طيران أو دورة الطيران حسب معلوماتكم شكد اتطول حتى يسلمونا الجوازات؟ تحياتي للجميع وأهلاً وسهلاً بالمشاركين الجدد
اخ معلك تنتظر شهر ينطوك موعد سفر وبعدها يخابروك عالدورة التثقيفية وجوازك تستلمه بالمطار هاية اذا معاملتك كفالة خماسية تحياتي لك
اشكرك اخ الفريدو عالمعلومات القيمة ما قصرت وان شاء الله اشتريه لان القنوات الي عدنا بصراحة كلش ممله بس سوريا دراما اتابعها واحنا متعودين عال MBC والمسلسلات المدبلجة
لكن يوجد جهاز حاليا يربط على واير الانترنت اسمه ( زاب zaap ) وهو يجيب قنواة الستلايت وسعره 350$ امريكي ومايعادلها بالدولار الكندي وانا حاليا اشتريته وكاعد اتفرج كل القنوات العربيه والعراقيه مباشر والتحكم عن طريق الريمونت وما اله اي علاقه بالانترنت او الحاسبه بس يربط من الواير لس وتتفرجون على جميع القنوات
اخ الفريدو ممكن تفاصيل اكثر على هذا الجهاز وين يتوفر يعني اذا نشتريه ماكو اشتراك شهريا عالقنوات الفضائية ؟؟ واي قنوات تطلع بالضبط يعني اقصد قنوات MBC وغيرها من القنوات الاساسية هم تطلع؟؟ تحياتي لك
طبعا كل محل اله سعر والمحلات الصغيره اسعارها جدا غاليه بس الي يريد يشتري يروح على دولاراما وهاي محلات معروفه في كل مكان في كندا وطبعا التقسيم الي حجيتي عنه هم موجود بنفس المكان وسعره نفس سعر القطعه الوحده
بالعافيه ع الشسوار يستاهل 59%
اخوك : الفريدو
لالالا اخ الفريدو اني اشتريته عاللابتوب مو علمود السشوار اني اصلا ما جبت وياية سشوار بس اشتريته منا اول ما وصلت وبعدين يلة عرفت اكو منه بدولاراما يله عادي يستاهل اللابتوب 59 دولار
اي اني اول ما وصلت اشتريت للابتوب بس كان بيه عدة رؤوس واشتريته غالي تقريبا 59 دولار لان ما عرفت وين ادور تقسيم وراسا استعجلت و اللابتوب كان ابو المثلث ما رهم عليه هذا التقسيم بس للسشوار اكيد يرهم ومبروك اخت انجل توصلين بالسلامة تحياتي لكم
شكرا عالمعلومات القيمة اخ شمعه السباق دائما بالاجابة وهي صح مقدمة عالامم المتحدة ولكن صار سنين وما متوطنه لاي دولة بأعتبار هي سوريه وما يحقلها اللجوء والان هي تريد تسوي كفالة كنسية او خماسية تحياتي لك
شكرا اللاخ الفريدو على ردك وبالنسبة للكفالة الكنائسية كالو هي نفس الكفالة الخماسية وما تفرق هواية وبالعكس سمعنا هاية اسرع وهواية ناس سافرو وماطولو 7 اشهر اولهم صديقة الي وهم هنا بعمان اشكرك مرة ثانية ، اختك ماريان
بسم الاب والابن والروح القدس الاله الواحد آمين انا هو القيامة ... والحق ... والحياة ... من آمن بي وان مات فسيحيا امنحهم يارب الراحة الابدية والى كل شهدائنا في كنيسة سيدة النجاة
اخوية العزيز اينشتاين شكرا لاهتمامك بس اريد اوضحلك احنا من البداية قدمنا لليو ان سوة مع اهلنا وهما فصلونا من البداية كالو ملفاتكم وحد فصلونا اني واختي كلنالهم احنا عائلة مو لازم سوى ما قبلو كالو مايصير وهسة هما اتصلو بيهم واني بقيت وما اعرف شوكت يربطوه الله كريم وشكرا مرة ثانية الك اختك ماريان
شكرا اخوية انشتاين على اجابتك وللعلم احنا بعمان وملف اهلي فاصليه من ملفي يعني يمكن هذا هو سبب التأخير ما متصلين بينا صار اكثر من شهر ونص وهل ملفي راح يربطو وية اهلي لو لا وشكرا اخي على اجابتك اختك ماريان
اخواني الاعزاء بس اريد اعرف من مقابلة التوطين وقبولنا الى كندا بعد شكد يرجعون يتصلون بينا وهل يكون الاتصال من المفوضية ام من السفارة الكندية وهل صحيح كندا اطول سنة وشكرا
شكرا اخ عكعك على معلوماتك اني هم راجعت مواضيع الاخوة وكلهم مشكورين، وهما بالمقابلة كالولنا اطول من 8 اشهر الى سنة كلنا اي زين اذا هيجي بس ما اطول اكثر بس هم نكول الله كريم ويارب تفرج على الجميع اختكم ماريان
اختي العزيزة بغداد 75 يعني هاية الاربع نقاط شكد اطول كلها بس لا سنين اشو الاخوة ظلموها علينا واحنا هسة بادين يعني هسة مسوين توطين وكالو راح نحول ملفكم للسفارة الكندية وصار اكثر من شهر ماكو شي علما احنا في الاردن وشكرا اخوان الي عندة اي معلومة لا يبخل علينا
مرحبا اخواني واخواتي انا اختي اتزوجت الى كندا والان عدها معاملة الى كندا بس الاجراءات كثير طولت سنة تقريباسؤالي هل يمكن تحويل معاملتها عن طريق اليو ان علما هي عدها ملف باليو ان وهل يمكن ان يعجل بسفرها ؟ ارجو من لديه معلومات عن هذا الموضوع الرد عليها وشكرا