ankawa

الحوار والراي الحر => الحوار الهاديء => الموضوع حرر بواسطة: المهندس الزورائي في 12:43 05/03/2014

العنوان: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: المهندس الزورائي في 12:43 05/03/2014
السلام عليكم .. طبعا الكل يعرف مصايب وبلاوي العراق واللي خلت الملايين يهاجرون منه .. وملايين يحاولون تكملة مشوار الهروب ( وطبعا اني واحد منهم ) . بس مرات اسئل نفسي : زين هو هذا حل ؟ يعني اني وعائلتي راح ننهزم ونعيش بغير دولة وبمكان امن ومستقر.. زين والباقين شلون ؟ اقصد الي باقين بالعراق ومايكدرون يطلعون منه لهذا السبب او ذاك شنو مصيرهم؟ ماعرف ليش دا احس اكو خلل بالموضوع .. يعني فرضا طلعوا 5 ملايين او خلي نكول 10 ملايين .. زين وال20 مليون الباقين شلون بيهم؟ شنو ذنبهم؟ البعض ممن اتناقش وياه يكلي حيل بيهم يستاهلون لان راضين وساكتين ويروحون ينتخبون .. البعض يكول اني معليه المهم اني وعائلتي بخير !بس هذا مو جواب مقنع ! زين شغلة ثانية..  يعني ننسى عدنه وطن اسمه العراق؟ بهذي السهولة؟ نعوف العراق للحرامية والفاسدين؟مهما كانت مميزات امريكا بس هل نكدر نسى العراق نهائيا؟ هل مطلوب منا ان نلغي كل ماضينا بالعراق؟ كل ذكرياتنا؟ كل اصدقائنا واقاربنا؟ ترة شغلة محيرة .. مرات احس احنه دا نسوي هروب الى الامام ! شنو رايكم ؟؟ حششت اني لو عندي حق؟
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: هذا عراقي في 12:51 05/03/2014
كلامك منطقي بس احنة نعتبرة من باب الرزق والانسان لازم يتحرك ويطمح للاحسن  ومننسى التهديد الى تعرضنالة احنى وعوائلنة حتى اذا بقينى مراح نسوي شي لان ماكو مجال تقدم شي فنفكر بالسفر عسى ولعل ان الله يمن علينا ويرزقنا بي عاد  نحاول نفيد اهلنة وناسنة والله المستعان
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: المهندس الزورائي في 12:59 05/03/2014
اخوية الغالي ( هذا عراقي ) كلامك ع العين والراس .. واي واحد يطلع من العراق اكيد معذور .. لكن اذا مثلا توحد الشعب وقرر ينتفض عالطائفية وعالفاسدين وينتخب ناس شرفاء .. وطبعا اكيد احوال البلد راح تتحسن واكو ناس مهاجرين راح يرجعون .. مو احسن من هروب 10% او 20% او حتى 50 % ؟ لان معقول يستمر الحال على ماهو عليه للابد .. لازم اكو نهاية .. لازم يصير تغيير ..
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: slam hawk في 13:28 05/03/2014
كلامك مقنع بس العالم بعد ما تتحمل بعد ضيم وقهر وحزن البينة كافينة وخصوصا الشباب يريدون يستقرون ويعشون بسلام ورفاهية
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: المهندس الزورائي في 13:37 05/03/2014
باشمندس سلام الغالي .. طبعا من حق اي شخص يدور على مكان امن ومستقر .. بس المشكلة شعب تعداده اكثر من 30 مليون ! مستحيل كله يهاجر ! ووطن تاريخه 6000 سنة شلون ننساه بسهولة؟ ولا تنسى الثروة النفطية اللي بي مو حرام نتركها ونطلع نعيش بفتافيت بهذي الدولة او تلك ؟ مو حرام نترك الحرامية يسرقون براحتهم ؟ بصراحة اني حتى لو الله كتبلي الاستقرار بامريكا يوما ما فماراح يرتاح ضميري ولا ارتاح بشكل كامل ..راح ابقى احس اكو غلط بالموضوع ..  تقبل تحياتي وامتناني .
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: حبيبي العراق في 17:07 05/03/2014
اهلا بيك زميل المهنة المهندس الزورائي طبعا بهذا طرحك حطيت ايدك على الجرح وهيجت الألم اخي الفاضل كلنا بداخلنا هذا الشعور وهذا المرار اللي كلم يوم نتجرعة وهو معقولة الوضع سوف يستمر بهذه الطريقة في العراق والى متى والى اين سنصل كلها اسئلة ما اعتقد احد يكدر يجزم ان الها جواب لان البلد يوم بعد يوم نحو الهاوية وتعرف احنا عايشين بالامارات وخلصانين من التفجيرات والاوضاع المزرية في العراق بس يوم واحد مشايفين راح الغصة في صدورنا على اهلنا واقاربنا واحبابنا في العراق ووضع الاقامة اللي معيشنا تحت ضغط نفسي بس الله يعلم بيه .
فعلا سفرنا وخروجنا من العراق هو هروب من الموت والوضع الطائفي المرير صدكني والله على ما اقول شهيد حلمي ان ارجع اعيش بالعراق ولكن شلون ؟ والى متى نبقة متغربين ؟ ونهايتنا الى اين ؟ ما اعرف وماعندي جواب.

اخوك حبيبي العراق
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: المهندس الزورائي في 17:19 05/03/2014
الغالي (  حبيبي العراق ) .. اني هم مثلك عايش بالامارات .. والله العظيم كلما اشتغل بمشروع ( اني مهندس استشاري ) وبكد ما اكول يستاهلون اهل الامارات وبالعافية عليهم بس هم اتحسر واكول ليش هيح بلدي بالضيم؟ الى متى تبقى ميزانية العراق الانفجارية بجيوب الحرامية؟ وليش الشعب ساكت ؟ وليش يروح ينتخب على اساس طائفي؟ وليش اكو ناس يساعدون الارهابيين بدل ما يطردوهم ؟ وليش اكو ناس يغتالون الطبيب والمهندس علمود 5 اوراق؟ وليش وليش وليش .. ابقى افكر الى ان ادوخ وانام ! بس السؤال الاهم .. حسب ما سمعت بعد 3-4 سنوات ميزانية العراق راح تتضاعف لان انتاج النفط راح يتضاعف .. طيب مو هذا حصتك وحصتي وحصة الناس اللي تحسب الايام حتى تطلع ببلد غيرب بعاداته وتقاليده ويعتمدون على مساعدات المنظمات الخيرية ! الله اكبر .. خيرات هذا البلد الغني كلها واحنه ندور لجوء ومساعدات ؟ طيب الى متى ؟!
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: حبيبي العراق في 17:58 05/03/2014
اهلا بيك اخي العزيز اني نفس الشي اشتغل مهندس بس مقاولات واشوف المباني اللي نشتغلها اتحسر على العراق لان بالعراق مشاريع تافهة وفاشلة وكلفتها اضعاف مشاريع الامارات والله اشتغل وعيني على السماء واكول حسبي الله على الحرامية اللي بالعراق يعني معقولة ماكو ولد اوادم  معقولة ماكو  شخص حليبة طاهر معقولة ماكو ناس عدها ذمة وضمير (حاشى الناس الزينين والطيبين ) وتلزم البلد وتعمر مثل  الاماراتين . وليش هي هسة الميزانية قليلة اخوية البلد بيه حرامية كثير وناس جاية مخصوص حتى تفرهد وتبوك مو جايين حتى يعمرون ويبنون ويرتقون بالبلد للاعلى.
وحتى لو تضاعف الميزانية عشر اضعاف  الحرامي ابدا ميشبع وبعدين راح تشوف وجوه حرامية جديدة.
للاسف هذا واقع العراق والعراقيين واكرر  احترامي للطيبين والاصلاء ولكن مابيدهم شي.
اما بالنسبة لمصيرنا حنبقه نفتر بالدول الى ان ربك يفرجها .

اخوك حبيبي العراق
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: Gamma في 08:12 06/03/2014
السلام عليكم
لا يغير الله مافي قوم حتى يغيرو مافي أنفسهم
قاذا بقى الخلل بمعنى السبب في القوم انفسهم وليس من يحكمهم
نحياتي
Gamma :D
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: securityiom في 13:29 06/03/2014
اخوية العزيز ماكو واحد يكره بلدة بس لو ما مظطرين بس انتة مدتلاحظ الناس صايرة وحوش واحد يكتل الثاني وماشفنة اي روح وطنية بقت واصلا الناس لو تريد تغيير تكدر تغير وكلنا شفنة الشعب المصري بس احنة للاسف عقول متخلفة جاهلة والحقد والطائفية تارسة ادمغتنة ولهذا اكلك سافر ولاتفكر بالعراق لان العراق انتهى وصار بيد ناس احنة غربة عالبلد وهمة اهل البلد
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: awssss في 14:01 06/03/2014
والله اخوية المفروض السؤال يتوجه للحكومة لان بسببها الناس تهاجر.الشي الثاني الله عز وجل يقول(الم تكن ارضي واسعة فتهاجرو اليها)يعني .الواحد ينتظر سرا شوكت ايموت لو يعتقل لو بانفجار ويتعوق طول عمرة.
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: zaid80 في 16:12 06/03/2014
هو العراق ما يريدنا العراق بسبب حديثي النعمه يطرد بينا الى خارج حدوده .. العراق هسه ما يريد الانسان الدارس والشريف والتعبان على نفسه هسه البلد ينفع بيه المنافقين والدجالين والحراميه .. اما الانسان الشريف ويريد يعيش بشرف وبأمانه محد يخليه .. هو هسه اكو طبيب بيه خير دا يبقى بالعراق لو عالم لو مثقف كله للخارج يهرب
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: المهندس الزورائي في 12:57 07/03/2014
شكرا اخواني اصحاب الردود .ز فعلا اكو خلل واضح بطريقة تفكير الشعب ! ماعرف شبيهم ليش مدا يشوفشعوب شلون تنتفض واطالب بون باقي الحقوقها وبحياة امنة كريمة .. سبحان الله كانما غشاوة على عقولهم مو بس على عيونهم .. بس اني واله العظيم متامل خير ..عندي احساس الواقع راح يتغير لاني مستحيل رب العالمين يرضى باللي دا يصي بالعراق طيلة 40 سنة من الحروب والدمار .. قبل 2003 نظام سادي مجرم غبي مايعرف غير الحروب والظلم .. وبعد ال2003 مجموعة مكس منك خونة+ فاسدين + مخانيث +كذابين ؟؟ ومع ذلك لا الشعب انتفض على نظام قبل2003 ولا على اللي اجوا بعد2003 .. لا وفوكها يرحون ركض ينتخبوهم !
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: ★★★ AIRBORNE ★★★ في 14:41 07/03/2014
للأسف زميلي ازمة اخلاق العراق ديعيش ومثل مايكولون الفتك او الشك اكبر من الركعة هذا واقع حال وحقيقة لايمكن التغاضي عنها أو نكرانها البلد اصبح فاشل فاشل بمعنى الكلمة ومستقبله التقسيم وكل حزب او عصابة تحكم منطقة وانتم موجودين واني موجود واذكروا كلامي الي يدخل مستشفى يشوف الاهوال والعجب ولا قصص ليلة والف ليلة من معاملة الاطباء والممرضين والاهمال والمهزلة والروتين الى ان يموت المريض والي يدخل مركز شرطة حتى يستنجد بالقانون من اجل ارجاع حقة ينصدم بصدمات مالها اول وتالي من الرشاوي والابتزاز والي يراجع مدرسة او جامعة ايضاً يشوف الظلم والاجحاف بحقوقه كامثال خريج جامعة بكالوريوس اول على دفعته يقدم على دراسات عليا ماينقبل لامر احد ابناء اساتذة مقدم وله الافضلية !! والي يمشي بالشارع يشوف حشاكم المزعطة واستهزائهم بارواح المواطنين من خلال سوق السياراات برعونية واستهتار ومايخلي حساب للاخرين ولاعنده ذوق ولا اخلاق ولافن القيادة وهذا مو شخص وشخصين انما النسبة الاكبر والكل يعرف والي عنده معاملة بدائرة حكومية فهذا الله انتقم منه شر انتقام مثل ماانتقم من قوم عاد وثمود يشوف  الويل والى اخره من السيطرات الفاشلة والقيادات الامنية الي ماانزل الله بهم من سلطان الى تجار المواد الغذائية والاغذية الاكسباير الي تتبدل كراتينها وعلبها في جميلة الى الكصاصيب واللحوم الي منعرف منين ديجوبوها لافحص ولارقابة صحية ولاختم الى الخدمات وامانة بغداد والشوارع المحفرة والمناظر المخزية الى الى الى .... الخ يطول الحديث يااخوان والشك جبير جبير جداً البلد بنية تحتية مابي ملتهين واغلب المواطنين توجههم صار طائفي مذهبي حزبي حذف اي شي من باله اسمه وطن ووطنية والحل الي عنده استعداد يحيا حياة الحيوانات بالعافية عليه والي ماعنده استعداد خل يطلع وبالعافية عليه والي يريد يطلع ومابليد حيله فهنا المصيبة والله يكون بعونه وعون امثاله العراق بعد ميرجع الا بحاله وحدة يستورودون جنس بشري من دول اخرى كأن يكون الصين والهند لغرض ادارته من جديد وتصليح ماخربه (ابناء الوطن الشرفاء) ويفتحون مدارس ومعاهد اول شي يدرسوه هو الاخلاق والانسانية ويبدأون بقمة  الهرم العلمي من الطبيب واستاذ الجامعة والمعلم والمحامي والقاضي والمهندس ونزولاً بعدها يسمحولهم يدرسون هالاختصاصات اذا ماثبتوا نجاحهم بمواد الاخلاقية والانسانية ومن خلال تقييمهم من تصرفاتهم واحسبوا اخواني شكد يلة يرادلنا 50 سنه 100 سنة يجوز 2000 سنة بعد مندري راح كلشي من عدنا البلد صار(  لأحفاد )جنود الجيش البريطاني من الهنود والعجم واصحاب العقول المريضة ذوي العقل المتخلف الظلامي دعاة القتل من الي يروجون للمفخخات
سافروا وابدأو حياتكم من جديد حتى لو تتبهذلون فأذا كان مو من أجلكم فامن أجل اطفالكم ومستقبلهم والي يشتاق للعراق وذكرياته خلي يروح للعراق ويشبع حنين وخل يكتبلنا شعوره والملكى الي تلكوه ابناء جلدته بي من المطار للتكسي لجوارين المنطقة ... الخ والله يحفظكم جميعاً ويوفقكم داخل وخارج العراق واتمنى للمنتظرين السفر العاجل والي ميريد يسافر خل يفوض امره للسماء ويرضى بالواقع
تحياتي للجميع مع افضل الامنيات
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: strainger women في 22:37 07/03/2014
اخواني الكرام
الحكمة تقول ويا اروعه من قول " الحكومات هي نتاج لثقافة الشعوب "  الثقافة ليست بالشهادة الجامعية الثقافة هي الثقافة الفكرية التي طمستها الحكومة الغير منتخبة سابقا وقضت عليها وبجدارة الحكومة المنتخبة حاليا .
الك الله باحبيبي ياعراق .
تقبلو احترامي وتقديري .
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: عراقي مغترب في 23:45 07/03/2014
هاى المصايب. راحةتبقى.  مئات السنين.  لكن بحل واحد

تغيير جيل كامل. 


لانه حاليا الجيل الجديد متشبع.  بالجيل القديم. وهلومة. جره  ومستمرة على المنوال

والله.  اكو حدث. صار.  بي.  قبل يوم واحد.  اقسم عليكم بالله ما اريد احرض على اى شخص.   وصدقوني انا احب كل الطوائف. 

اب. عندة مشاجرة. مع صديقة.    وهما مختلفين بالطائفة.   الابن يقول لابوه. والله. لو يعطون الجهاد.  اقتل. صديقك.   وهو الابن عمره. 16. سنة.  اسالكم بالله اى جيل. هذا


حسبي الله ونعم الوكيل.


اخوانى نحتاج لتغيير جيل كامل

قنبلة ننوية. وخلاص.   لان. هذا. فايروس.  ماله. علاج.


اسف.  على. ىالكلام.  والله. ما قصدي التحريض. لكن الواقع. يحدث
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: المهندس الزورائي في 10:00 09/03/2014
رغم الالم اللي يعتصرني واني اقرا التعليقات الكارثية والي ما الوم اصحابها لكن اعتقد لازم ما نيأس من رحمة رب العالمين .. لازم نخلي ببالنا انه في يوم من الايام راح تصعد النخبة اللي تستحق ان تقود البلد ,, لان هي كلها يم ربك ( كن فيكون ) بس اتمنى ان يفيق الشعب ولو جزئيا من غيبوبته .. والله العظيم مرات افكر اسوي حزب اسميه ( حزب عودة الوعي والثقافة ) واعلن بي المبادئ اللي افتقدناها ( المواطنة + الصدق + الالتزام الاخلاقي والديني + نبذ اي طائفية تحت اي مسمى +اعلان الحرب على الفاسدين ايا كانوا - طبعا حرب فكرية مو قتل وتهديد -+ اعطاء التربية اولوية قصوى وخاصة في المناطق الشعبية وللاطفال ) .. وما اعرف ليش احس هذا الحزب راح يكتسح كل الاحزاب الحالية اللي الناس ملت من كذبها .. دا احلم مو ؟
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: ★★★ AIRBORNE ★★★ في 14:54 09/03/2014
رغم الالم اللي يعتصرني واني اقرا التعليقات الكارثية والي ما الوم اصحابها لكن اعتقد لازم ما نيأس من رحمة رب العالمين .. لازم نخلي ببالنا انه في يوم من الايام راح تصعد النخبة اللي تستحق ان تقود البلد ,, لان هي كلها يم ربك ( كن فيكون ) بس اتمنى ان يفيق الشعب ولو جزئيا من غيبوبته .. والله العظيم مرات افكر اسوي حزب اسميه ( حزب عودة الوعي والثقافة ) واعلن بي المبادئ اللي افتقدناها ( المواطنة + الصدق + الالتزام الاخلاقي والديني + نبذ اي طائفية تحت اي مسمى +اعلان الحرب على الفاسدين ايا كانوا - طبعا حرب فكرية مو قتل وتهديد -+ اعطاء التربية اولوية قصوى وخاصة في المناطق الشعبية وللاطفال ) .. وما اعرف ليش احس هذا الحزب راح يكتسح كل الاحزاب الحالية اللي الناس ملت من كذبها .. دا احلم مو ؟

حياك الله يامنبع الطيب والاصالة انت وطني وشريف وغيور وحـــنــيـــن .. نعم للأسف دتحلم وبالمناسبة الرب ترة ماله علاقة بهالامور نعرف هو خلق الكون وكلشي بيده كن فيكون بس ماعتقد اكو منطق يخلي يدخل بالوضع ويغير مثل ماذكرت حظرتك أقتباس(لان هي كلها يم ربك ( كن فيكون )) سبحانه وتعالى اذا يريد يغير الوضع للافضل ليش مايغيره هسة ويخلص  الناس من القتل والمفخخات والتهجير وفساد الحكام والمسؤولين ويشمر اخلاق شوية على الناس ويسويهم اوادم احنا محتاجين التغيير حالاً وليس اجلاً ماعتقد اكو بلد بالعالم وشعب بالعالم اتعس من حياه العراق والعراقيين فالنهي والامر بيد الشعب لايسرة ولايمنى حسبي الله على الي كان السبب زرعوا الخبث بقلوب الناس وتركوهم بغابة واحد ياكل الثاني
تحياتي لحظرتك  واعتزازي بحبك للوطن الله يبارك بعمرك واصلك الطيب
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: نورس البحر في 09:46 10/03/2014
بسم الله الرحمن الرحيم
الاخ المهندس الزورائي المحترم
ارجوا ان تسمح لي بان اعطي رايي ولو باسطر قليلة عن موضوعك وهو ان سبب كل ما يجري بالعراق هو بسببنا نحن العراقيين الذين لا نستحق ان يعطينا الله بلدا مثل العراق بخيراته وكنوزه ومائه وتربته وما عليه من مقدسات فالبلد مريض باهله ولولا هولاء الاهل (نحن) لكان افضل بلد من بين شعوب الارض تخيل لو شعب مثل اليابان او الصين لديه ما لدينا فماذا سيكون موقعه , نحن لا نغير ما بانفسنا ونطلب من الصدفة والزمن بان يصححا اخطائنا , هل اذا رجعت للوراء قليلا واقرا التاريخ ستجد بان هذا البلد كان يصفق لكل حكامه مهما كانوا عادلين ام فاسدين شرفاء ام عملاء ويقفون مع الظالم ويؤازروا ظلمه ومع الفاسد وشدوا على يديه حتى يضعف هذا الحاكم او ذاك ستجدنا نسحله بالسيارة مقطع الوصال ونظهر كل انواع القبح والكراهية والشر والتي لا يغلبنا فيها شعب من الشعوب , هل تظن ان المجتمعات العراقية الموجودة في بلد المهجر تركت تلك الشرور , اقولها وكلكم على يقين بان افسد تجمعات في بلاد المهجر هي التجمعات التي تحتوي على غالبية عراقية حتى هناك نريد افساد الحياة ,
لا اريد الاطالة فالكلام كثير وعله لا يعجب الانا العليا للذات  الموجودة فينا لكن هذه هي الماساة (نحن هي المأساة ) بكل ما يجري وسيجري
هنا في بلاد الغرب كل الاقليات حتى التي لا دين لها تساعد بني جلدتها الا نحن ننهش بعضنا البعض , نمارس الاخطاء والتجاوزات والكثيير الكثيير
............... من اجل اشباع نفس لا تشبع لا تقتنع لا تخاف الله لا يحركها دين ولا وازع اخلاقي انها النفس المثقلة بالهموم والامراض
فيا اخي اطلب من الله ان يصحح ما في النفوس ولا غير ذلك
تقبل تحياتي
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: Sound of Soul في 10:28 10/03/2014
.
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: المهندس الزورائي في 15:02 10/03/2014
حبيبي AIRBORNE  تسلم وتعيش .. والله كلما اسمع عن اقتصاد العراق وشلون راح تزداد ميزانيته احس بمرارة مو طبيعية ! قبل كم يوم كنت اسمع البي بي سي بالراديو واني بالطريق للشغل .. صدكني من هلكد ما تمرمرت وانقهرت ردت اسوي حادث ..  يكلون ما مختصره ..  العراق بامكانه وخلال 5 سنوات ان يتحول الى دولة واعدة بمشاريع ونهضة لم تشهدها دولة اخرى بالعالم في العصر الحديث .. واحد محلل اقتصادي بريطاني يكول تخيلوا ان عائدات النفط العراقية - وهي مرتفعة حاليا - ممكن ان تتضاف مرتين خلال السنوات القليلة القادمة واذا ما استغلت في تنمية باقي المجالات وليس في دفع رواتب ومساعدات كاش فانها ممكن ان تجعل العراق يتسيد دول الخليج بالرفاهية بضمنها السعودية ! الله عليك شيصير بيك وانت تسمع هالحجي ؟!
الاخ نورس البحر المحترم .. مع كل ما ذكرت حضرتك .. لكن اكيد اكو نخبة واعية مثقفة ملتزمة .. واكيد مع الوقت نسبة الواعين راح تزداد لان ممعقولة يومية انفجار وقهر وضيم وفساد والناس ماتحرك ساكن ! على الاقل ما كول ينتفضون ومظاهرات .. على الاقل ينتخبون بأسس صحيحة .. مو بدوافع طائفية وقومية ..لان جربوها 12 سنة ومفادت شلون يستمرون بيها الى الابد ؟!
الاخت الفاضلة Sound of Soul .. حتى لو مشاركتك بنقطة فهي شرف لي .. تقبلي تحياتي ومودتي
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: عمر النعيمي في 17:40 10/03/2014
كلامك بصراحة نص صح ونص لا مع احترامي الك

بلنسبة الي باقي بل عراق هوة حر والي يسافر هم هوة حر

واذا احنة عفنة بلدنة وطلعنة ف احنة مجبورين نطلع لان حياتنة وحياة الكل بخطر

بس مو معناها اني ابقى بل عراق علمود الباقين طبعاً لا

العراق انقسم قسمين

قسم هاجر وقسم باقي بل عراق

ف كل واحد يختار القسم المناسب

والعراق بلنسبة الية وخصوصاً بغداد ( الدورة )

مستحيل انساها لان طفولتي وعمري قضيتة بيها

بس الماضي عبارة عن ذكرى بحياة كل شخص

وتبقى الذكريات مع الاصدقاء والاقارب والوطن حلوة

واكيد يجي يوم ونرجع ال بلدنا

واذا انت او اني او غيرنا مسافرنة

يعني شنو راح نقدم او ناخر اخي محد بحالنة

واذا ننقتل وننشمر بل شارع هم لو نن فن لو عفوا الكلاب تاكلنة

بلدنا ضاع واستلمو الحرامية واني مااعيش ببلد كلة نفاق وسرقة وقتل ممجبور

مع احترامي للناس الطيبة

والله يحفظ الناس بكل مكان


تقبل مداخلتي اخي ومشكور على الموضوع الحلو
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: wesam abo anas في 23:30 10/03/2014
رغم الالم اللي يعتصرني واني اقرا التعليقات الكارثية والي ما الوم اصحابها لكن اعتقد لازم ما نيأس من رحمة رب العالمين .. لازم نخلي ببالنا انه في يوم من الايام راح تصعد النخبة اللي تستحق ان تقود البلد ,, لان هي كلها يم ربك ( كن فيكون ) بس اتمنى ان يفيق الشعب ولو جزئيا من غيبوبته .. والله العظيم مرات افكر اسوي حزب اسميه ( حزب عودة الوعي والثقافة ) واعلن بي المبادئ اللي افتقدناها ( المواطنة + الصدق + الالتزام الاخلاقي والديني + نبذ اي طائفية تحت اي مسمى +اعلان الحرب على الفاسدين ايا كانوا - طبعا حرب فكرية مو قتل وتهديد -+ اعطاء التربية اولوية قصوى وخاصة في المناطق الشعبية وللاطفال ) .. وما اعرف ليش احس هذا الحزب راح يكتسح كل الاحزاب الحالية اللي الناس ملت من كذبها .. دا احلم مو ؟

حياك الله يامنبع الطيب والاصالة انت وطني وشريف وغيور وحـــنــيـــن .. نعم للأسف دتحلم وبالمناسبة الرب ترة ماله علاقة بهالامور نعرف هو خلق الكون وكلشي بيده كن فيكون بس ماعتقد اكو منطق يخلي يدخل بالوضع ويغير مثل ماذكرت حظرتك أقتباس(لان هي كلها يم ربك ( كن فيكون )) سبحانه وتعالى اذا يريد يغير الوضع للافضل ليش مايغيره هسة ويخلص  الناس من القتل والمفخخات والتهجير وفساد الحكام والمسؤولين ويشمر اخلاق شوية على الناس ويسويهم اوادم احنا محتاجين التغيير حالاً وليس اجلاً ماعتقد اكو بلد بالعالم وشعب بالعالم اتعس من حياه العراق والعراقيين فالنهي والامر بيد الشعب لايسرة ولايمنى حسبي الله على الي كان السبب زرعوا الخبث بقلوب الناس وتركوهم بغابة واحد ياكل الثاني
تحياتي لحظرتك  واعتزازي بحبك للوطن الله يبارك بعمرك واصلك الطيب
بسم الله الرحمن الرحيم تحياتي للجميع  وخصوصا الاخ المهندس الاصيل الطيب الزورائي فاني اثني على كلامك  والى الاخAIR BORNE    فعلا ازمة اخلاق   لكن اسمحلي فقط رب العالمين له حكمه وكل شيء بقدر وبوقت سبحانه امره بين الكاف والنون  فالعلم عنده اينما يشاء وفي اي وقت  والسلام عليكم
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: Sonata* في 00:33 11/03/2014
للأسف زميلي ازمة اخلاق العراق ديعيش ومثل مايكولون الفتك او الشك اكبر من الركعة هذا واقع حال وحقيقة لايمكن التغاضي عنها أو نكرانها البلد اصبح فاشل فاشل بمعنى الكلمة ومستقبله التقسيم وكل حزب او عصابة تحكم منطقة وانتم موجودين واني موجود واذكروا كلامي الي يدخل مستشفى يشوف الاهوال والعجب ولا قصص ليلة والف ليلة من معاملة الاطباء والممرضين والاهمال والمهزلة والروتين الى ان يموت المريض والي يدخل مركز شرطة حتى يستنجد بالقانون من اجل ارجاع حقة ينصدم بصدمات مالها اول وتالي من الرشاوي والابتزاز والي يراجع مدرسة او جامعة ايضاً يشوف الظلم والاجحاف بحقوقه كامثال خريج جامعة بكالوريوس اول على دفعته يقدم على دراسات عليا ماينقبل لامر احد ابناء اساتذة مقدم وله الافضلية !! والي يمشي بالشارع يشوف حشاكم المزعطة واستهزائهم بارواح المواطنين من خلال سوق السياراات برعونية واستهتار ومايخلي حساب للاخرين ولاعنده ذوق ولا اخلاق ولافن القيادة وهذا مو شخص وشخصين انما النسبة الاكبر والكل يعرف والي عنده معاملة بدائرة حكومية فهذا الله انتقم منه شر انتقام مثل ماانتقم من قوم عاد وثمود يشوف  الويل والى اخره من السيطرات الفاشلة والقيادات الامنية الي ماانزل الله بهم من سلطان الى تجار المواد الغذائية والاغذية الاكسباير الي تتبدل كراتينها وعلبها في جميلة الى الكصاصيب واللحوم الي منعرف منين ديجوبوها لافحص ولارقابة صحية ولاختم الى الخدمات وامانة بغداد والشوارع المحفرة والمناظر المخزية الى الى الى .... الخ يطول الحديث يااخوان والشك جبير جبير جداً البلد بنية تحتية مابي ملتهين واغلب المواطنين توجههم صار طائفي مذهبي حزبي حذف اي شي من باله اسمه وطن ووطنية والحل الي عنده استعداد يحيا حياة الحيوانات بالعافية عليه والي ماعنده استعداد خل يطلع وبالعافية عليه والي يريد يطلع ومابليد حيله فهنا المصيبة والله يكون بعونه وعون امثاله العراق بعد ميرجع الا بحاله وحدة يستورودون جنس بشري من دول اخرى كأن يكون الصين والهند لغرض ادارته من جديد وتصليح ماخربه (ابناء الوطن الشرفاء) ويفتحون مدارس ومعاهد اول شي يدرسوه هو الاخلاق والانسانية ويبدأون بقمة  الهرم العلمي من الطبيب واستاذ الجامعة والمعلم والمحامي والقاضي والمهندس ونزولاً بعدها يسمحولهم يدرسون هالاختصاصات اذا ماثبتوا نجاحهم بمواد الاخلاقية والانسانية ومن خلال تقييمهم من تصرفاتهم واحسبوا اخواني شكد يلة يرادلنا 50 سنه 100 سنة يجوز 2000 سنة بعد مندري راح كلشي من عدنا البلد صار(  لأحفاد )جنود الجيش البريطاني من الهنود والعجم واصحاب العقول المريضة ذوي العقل المتخلف الظلامي دعاة القتل من الي يروجون للمفخخات
سافروا وابدأو حياتكم من جديد حتى لو تتبهذلون فأذا كان مو من أجلكم فامن أجل اطفالكم ومستقبلهم والي يشتاق للعراق وذكرياته خلي يروح للعراق ويشبع حنين وخل يكتبلنا شعوره والملكى الي تلكوه ابناء جلدته بي من المطار للتكسي لجوارين المنطقة ... الخ والله يحفظكم جميعاً ويوفقكم داخل وخارج العراق واتمنى للمنتظرين السفر العاجل والي ميريد يسافر خل يفوض امره للسماء ويرضى بالواقع
تحياتي للجميع مع افضل الامنيات


++++++100
العنوان: رد: فلان هاجر .. علان حصل لجوء .. ملان سافر وبعد مايرجع ! زين وتالي؟ هو هذا حل؟
أرسل بواسطة: المهندس الزورائي في 09:22 12/03/2014
شكرا لجميع التعليقات .. واحترامب لجميع الاراء .. يبدو ان هناك اجماع على وجود ظاهرة  قلة الوعي والثقافة والالتزام في مجتمعنا مع بالغ الاحترام للطيبين منهم .. اتمنى سماع مقترحاتكم لحل هذا الموضوع .. ما المطلوب عمله حتى نعيد لمجتمعنا اخلاقه ومبادئه ؟ فعلا سؤال محير !