-
صباح الورد
طبعا حبيت ان اطرح فكرة جديدة واتمنى تعجبكم حتى نعمل شوية تغير ونخرج عن المالوف اللي تعودنه عليه نكتب موضوع ونرد ....فكرتي مو موضوع اكتبه او اطرحها ويجي الجميع يشاركني بالنقاش او يشاركوني...موضوعي هذا هو عبارة عن برنامج( ادم وحواء ..من سيقنع من؟؟؟) كل اسبوع نستضيف فيه شخصين احدهما يمثل (ادم) والاخر يمثل (حواء) يعني نستضيف عضو وعضوة....يتناقشون بيناتهم ويوجه كل منهما سؤال للاخر....ويشاركون بقية الاعضاء ويكونون مثل (الجمهور)....يسئلون الضيفين..
مراح اطرح شروط لهذا البرنامج...سوى شرط مهم ورئيسي هو استضافة الضيفين راح تكون لمدة اسبوع واذا حب الجمهور يعني (الاعضاء) يبقون الضيوف اسبوع اخر يبقون.....وميحتاج اوصيكم اتمنى من نقاشاتكم الجميلة اللي تعودناها منكم دائما تكون بعيدة عن السياسة........
انتظر ارائكم وتعليقاتكم حول الموضوع حتى نبتدي ونشوف العركات اللي راح تصير بين ادم وحواء....ههههههههههههههههه بس اتمنى تخلوها ورى مايخلص البرنامج لان احنه على الهواء مباشرة من يخلص اتعاركوا...
هسة اني راح اختار اول عضوين راح يتكافشون خخخخخ اقصد راح يتناقشون وهم الاعضغاء البقية الهم الحق ان يسالوهم اوك
وبعد اسبوع راح الاعضاء يختار عضو جديد وعضوة جدية
اوك اول عضو وعضوة لهذا الاسبوع هية (تمارة ) ( وفادي التلسقوفي )
اوك شباب يلا نريد همتكم تعالو شاركو بس مو تجيبون وياكم اسلحة ها ترى ممنوع خخخخخخخخ
تحياتي لكم
مقدم برنامج ادم وحواء..من سيقنع من؟؟؟
ستيفووو
-
والة موضوع و فكرة كلش حلوة عاش راسك على هيج فكرة لول
زين هسة على يا موضوع راح يتنافشون lol .. على كولتك لول .....
-
خوش فكرة ستيفووو واني احيي بالبداية ضيوفك الاعزاء
مرحبا تمارة شلونك يا وردة انشاء الله مرتالحة
شلونك يا فادي انشاء الله بخير
اذا يسمحلي مذيعنا القدير السيد ستيفووو احب ابدي الحوار بهذا الموضوع واريد رايكم ثنينكم بيه
ماهي نظرتكم او رائيكم بتفاخر الفتاة او الشاب حين ينهي علاقة سابقة وكل من يساله يقول انا انهيت العلاقة لان فلان كذا وكذا
سؤالي
ما سبب ردة الفعل هذه؟؟ وهل من الممكن ان يجرح الحبيب محبوبه السابق؟؟وهل من الممكن ان تحب يوما شخص سبق وتفاخر بكسر وفطر قلوب الاخرين ؟؟؟
ومن برايك اكثر تفاخرا بجرح القلوب وانهاء العلاقات الشباب ام الفتيات ؟؟؟
الكلام لكم الان ...
واشكر سعة صدركم
-
الي طلب هام من جميع الاخوة والاخوات
بما انو الموضوع سوف يكون طويل وساخن
يرجى عدم استخدام كلمات صعبة من اللهجة العراقية الجميلة جدا
مراعات للقراء الاخرين...لكي نتابع التفاصيل بكل دقة
او على الاقل اذا كان ولابد يرجى ذكر المعنى بين قوسين
وللجميع الشكر
وخاصة لمزيعنا المتميز ستيفن (قرداحي)
-
عاشت ايدك وردة موضوع بمنتهى الروعة وفي البداية القي التحية على ضيوفك الاعزاء فادي وتمارة انشاءالله تكونون بخير
احب اطرح اسئلتي على ضيوفك الكرام هل تعتقدون انو غيرة بين اثنين بحيث توصل درجة الغيرة الى الضرب والاساءة هل هي فعلا ناتجة عن الحب ؟ اليست الغيرة الي تتعدى حدودها معناها قلة الثقة بين الطرفين؟
تحياتي للمذيع القديم والكريم ستيفو
-
اولا احب اشكر ستيفن لاختياري واحب اشكر كل الاعضاء الي شاركوا بالموضوع واكول صباح الخير الي يما الصبح و مساء الخير الي يما المساء
// قبل الاجابه على هذه التساؤلات علينا اولا ان نعرف معنى الـــــــــــحب او نوع العلاقه التي تربط الفتى بالفتاة ؟...
الحب هو اسمى شئ في الوجود وهو يربط القلوب ويلهب العواطف قبل ان تدركه العقول .. وهو ايضا يدخل القلوب دون استئذان .. لانه مجموعه عواطف انسانيه ساميه يتمنى كل انسان ان يعيشها
**وهنالك حب ناضج يستخدم العـــــــــــــقل الى جانب العــــــــــاطفه وفيه يعيش الفتى وفتاته معنى الحياة ونكران الذات والتضحيه من اجل الاخر وهذا النوع من الحب لايخذل الانسان ابدااا وتكون روابطه قويه ولايمكن محوها بسهوله .
** وهناك حب غير ناضج تنقصه سمات الحب الحقيقي .. وهو عادة محكوم بالعواطف فقط دون الرجوع الى العقل .. لذلك فأنه يفشل بمجرد الاصطدام بأبسط الازمات العاطفيه .
** وهنالك نزوه بين الشباب يسمونه احيانا بالحب وهذا النوع من الحب يعيشه المراهقون وهم عادة ينتقلون من حبيب الى اخر بسبب هذه النزوات المتنقله وعندما يدركهم العقل الصائب يكونون قبل بلغوا من العمر بأنهم قد فهموا معنى الحب الحقيقي وفي هذه المرحله يتبادل المحبون التهم والاقاويل وعندما يترك احدهم الاخر وهذه التجارب تعلمهم معنى الحب الحقيقي .
** ان من يفاخر بانه ترك حبيبته او حبيبه فانه يكون قد اعترف بفشله في بلوغ الحب الحقيقي او الناضج .
** وان من يجرح حبيبه او حبيبته فانه يكون قد فقد معنى الحب الذي عاشه او بمعنى اصح انه لم يعش الحب اصلا لان الحبيب او الحبيبه التي تعيش الحب بمعناه الكامل لايمكن لها او له ان يجرح من احبه ولايمكن ان تصل العلاقه بينهما الى درجه الانتقام والتشهير والا فانهم لم يكونوا اصلا قد احبوا .. او ان نوع حب احدهم للاخر كان بدافع المصلحه
او من اجل غايه معينه ؟..
** لايوجد دراسه تؤكد بان الشباب يتفاخرون بكبر قلوب حبيباتهم اكثر من الفتيات او العكس ولكن يمكن القول بانه فشل احدهم في تجربه حبه قد يحاول ترجمتها الى النجاح امام الاخرين عندما يتفاخر بنفسه ويظهر لهم قصور او نواقص من احبها او انها من غير مستواه ..
** ان الغيره هي النقص الكبير في الثقه .. وان الثقه هي وليده الحب الحقيقي .. اما الغيره المصحوبه بالاساءه او الضرب فهي قمه الكره الذي يتنافى كليا مع مبادئ الحب الساميه .
-
الوو الوو مرحبى شلونك اخ ستيفن طبعا صارلي ساعة دا اخابر بس مدة احصل ...
في البداية احب اشكرك على البرنامج الجميل جدااا واشكرك على استضافتك ل 2 من عمالقة الفن
العريق هههههههههههه.
احب اطرح سؤالي للضيوف الكرام...
بما انهو انتوا من بلد العراق العظيم شنو شعوركم لما تشوفون الي ديصير في العراق من ذبح و قتلى
واختطاف وغيرهة من الامور التي لا نستطيع ان نفصح عنهة (السؤال موجهة للضيفين).
وشكراا لك يا مذيعنة القدير...[/[color=purple][/color]size][[/size[/font]]size=14pt]
-
سوف اجاوب على سؤالك يااخت azezta
ج // طبعا انني اشعر بحزن عميق لما يحدث في بلدي الام( العراق ) وهو بالتأكيد شعور كل العراقيين الشرفاء الاصلاء . ان ما يحدث في العراق هو جريمه كبرى بحق جميع العراقيين دون استثناء ودون تمييز حيث نرى الكل تعرض الى الظلم الشديد وطالت جرائم القتل والخطف كل مكونات الشعب العراقي .. كما تعرضت بيوت ومصالح الكثير من العراقيين الى الاذى من حرق او تفجير
ان مايحدث في العراق هو تصفيه مصالح بين الارهاب الدولي وامريكا وحليفاتها واصبح العراق ساحه خصبه لهذه المعركه واصبح ابناء العراق الابرياء وقودا لهذه المعركه لذلك فأن العراقيين اصبحوا ضحايا الطرفين
وان من يدير دفه الحكم في العراق ليس لهم القدره على ايقاف هذه المعركه الشرسه لانها تدور بين عدوين وخصمين قويين وشديدين الارهاب والتحالف الدولي وما نطلبه هو ان يسرع المجتمع الدولي لايقاف المجازر اليوميه التي يروح ضحيتها عشرات الالاف ونطلب من الرب ان يحمي بلدنا العراق وشعبه الكريم بكل مكوناته .
امين يارب ...
-
يسلمووووووووووو توتو الوردة على المشاركة وشكرا الباقي الاعضاء على مشاركتهم بس فادي التلسقوفي وين اشو ماكو اوك لازم نبعثلا دعوة لووول يلا شباب نريد بعد من مشاركاكتم واسئلتكم
-
وااااااااااو يسلموووووووو حبي ستيفن الورده على الموضوع على اختياري اني اسف الني جان عندي شويه ضروف بل بيت ان شاءلله اتواصل وياكم ان شاءلله ارد على طلباتكم تحياتي لكم
اخوكم فادي
-
مرحبا اني منصورية من العراق اخابر لان البرنامج كلش حلو واهني مقدم البرنامج ستيفو على هل البرنامج الرئع
سؤالي هو منو اكثر واحد يببن عليه الحب ادم لو حواء
ومنو بتاثر اكثر باالفراق ادم لو حواء
وشكرا جزيلا تحياتي للضيوف تمارة و فادي التلسقوفي
-
يسلمو يات ورد على مشاركاتكم
وراح نختار عضوين جدد للهل اسبوع
,وادم وحواء لهل اسبوع همة (nidal 60 ) و (skran )
يلا شباب نريد همتكم
-
عاشت ايدك ستيفو ورده على الفكرة الحلوة
أني اسأل:-شنو الهدف من الحياة وليش ألناس تحب حتى تعيش لو لسبب ثاني؟؟
-
عاشت ايدك مذيع البرنامج على هال فكره الحلوه
وسوال لضيوف ماهو رد فعل ان كانت حواء ام ادم عندما يتغير فجاه في علاقتهم
يسلمووووو ورده ستيفن
-
عاشت ايدك ستيفن وردة موضوع حلو
سوالي
ليش الزمن يقرق بين اثنين
-
يسلمو يات ورد على مشاركاتكم
وراح نختار عضوين جدد للهل اسبوع
,وادم وحواء لهل اسبوع همة (لا يا قلبي) و (fadi_lion17 )
يلا شباب نريد همتكم
-
بالبداية احب اشكرك ستيفن على هذا البرنامج الحلو بس صدك اني اليوم يلة شفتة لان الستلايت مالتنا جان عاطل ما بي اشارة ههههههههههه
احب ارحب بالضيوف الحلوين والمبدعين واهلا وسهلا بيكم يا احلى ورود
وسؤالي الى ادم وحواء
لماذا الولد دائما يذهب وراء البنت ؟؟؟؟
واريد رئيكم بالسؤال ؟؟؟
وتقبلوا احلى تحياتي
كرررم الالقوشي
-
بلبداية اشكرك ستيفوو على هالفكرة الحلوة باختيار برنامجك
سؤالي لضيوفك هو :يكولون الاطفال زينة الحياة فاذا حبيت او حبيتي شخص لدرجة بعد مراح تكدر تعيش من غيره وبعد فترة طويلة من حبكم عرفت ان الشخص اللي تريد ترتبط بيه ماراح يجيله اطفال فشنو قرارك بهالحظة هل راح تختار الفراق ام التواصل بحكم بلرغم من انه راح تعيشون طول عمركم بدون اطفال ؟
مع خالص احترامي لكم اختكم بنت الجيران
-
اني حبيت اشارك واسال سوال
اذا كان اثنين يحبون بعضهم ومحد يكدر يستغني عن الثاني وبلحظة غضب كلشي ينتهي بيناتهم شلون يتصرفون وهل هذا قرار صحيح ؟؟؟