-
اهم الادوات والاشياء التي يجب ان تكون بحوزتكم عند دخولكم سرة البانزين..
1- (12 ) جيس حب ابو ال 500 (احمر مهبط للذكاء) لان انتة بالسرة ما تحتاج ذكاء و انما تحتاج صبر
2- (17 ) لفة فلافل بدون عمبة لان العمبة ترفع درجة السيارة 11 درجة مئوية ( كما جاء في تقرير المعهد العالي النووي لأنتاج قياطين القبغلي)
3-(12) سطل مي (2 تشربهم و الباقي تغسل بي) و للاحتياط يرجى وضع الليفة في المكان المخصص لها(جوة الجكمجة)مع صابونة ديلوكس مستعملة حتى تاخذلك فد قاط قاطين نظافة و انتة بالسرة مع شورت نظيف و فانيلة توضع في الخزانة (صندوك الورة فوك السبير)
4-(12 ) رزمة جرايد( الزمان الصباح الشاهد المستقل..الخ) مع انتقاء المجلات ذات الكلمات المتقاطعة مثلا كلمة من 4 احرف بمعنى نصاب شنووووو؟ بحار و ابقة حل الى ان يجيك السرة
5- لا اتعيط ولا اتصيح لمدة يومين لان راح تحتاج العياط و الصياح بالسرة( لمن واحد يطبك و يحاول يضرب السرة)
6-( 18) كاسيت من خضيري ابو عزيز لحد حسناء لان راح تسمعهن كلها مرتين 3 و السرة بعدة ما جايك
7- املي الشحن مال موبايلك و سوي فووول حتة اتكضي الوكت اللي يبقة بالمسجات و الفايلات اللي عندك .........
8-( 23) باكيت اكلنكس عبوة كل قطعة 12 كيلو !!!! استعمل كل قطعة مرتين بس
9-( 8) قواطي بيبسي و فلتر مال تريوعات لان راح تنكلب معمل مال غاز وراها (ملاحظة ماكو شي اسمة فلتر مال تريوعة بس احتياطا لا تتثاوب اثناء التريوعة حلكك بعد ما ينسد)
10- قنينة اوكسجين خاف يا ستار تتخربط حتى يتلحكون عليك تنحط عل الكشن الورة
11_تـــــــــــــــــــر ك ؟؟؟؟؟؟؟؟!!!!!!!!!..........
12- هوياتك و بطاقة السكن و القصة التموينية العفو الحصة التموينية ؟؟!! دنيا هاي خاف كلشي يصير
13- مهفة حجم 2 طن تربط يدويا و يتم تحريكها بواسطة الساعد (ايدك يعني) مع قوة دفع 14 لفحة بالدقيقة
14-( 3) تكات جكاير سومر ام التتن المعفن حتة تحرك و ترجع لي ورة مع باكيت شخاط علامة النقيب(3 نجمات) حتة اتنعثل براحتك ....
-
حلوة يـا ستيفن ... هذه من مكاسب الأحتلال ... والحمد لله ...إإإ
ابو فرات
مع الود
-
ههههههههه يسلموووووووو
-
سرى البانزين من يكون طويل يكعدون السواق بالحديقة البرانية ويجيبوا الترمس مال جاي وياكلون ويتمددون عبالك حديقة بيتهم
-
عبالكم سفرة مدرسية ههههه والله خطية
عاشت ايدك على الموضوع الحلو ستيفووو
-
هاي شنو ستيفوو كل هذا سرة مال بنزين..لو مشــوار على الكورنيــش...الله يساعد العراقيين والله مظلومين...تعرف هاي صايرة بيه لما كنت بالعراق مرة وكفت سرة لمدة نص ساعة بس متحملت ...ردت ارجع للبيت خطية شرطي المرور رحم بحالي...(( هو شاف كدامه بنية تسوق سيارة)) سألني هاي سيارتج ..كتله اي..وين السنوية والاجازة...كتله اتفضل هاي السنوية باسمي وهاي اجازتي...كالي ارجعي لورا ولوفي تعالي من ذاك السايد...وادخلي راح اخليهم يدخلوج للبانزيخانة حتى تاخذين بنزين...بس شنو فولت السيارة ورجعت للبيت وكلت توبة...
عاشت ايدك وردة على الموضوع الحلو والمحزن بنفس الوقت ....بالله شايفين بلد البترول يكون بيه ازمة بنزين.
تقبــل مــروري
كنـــاري
-
ههههههههه حلوة يسلمووو
-
هههههههههه قويا استيفن حبي بس هاي بل بانزين هيج لعد غير اماكن شلون ههههههههههههههههههه
-
ههههههههههههههه ستيفن حلوة هاي صورة حية مال البزنخانة وسرة البنزين
يسلموووووووووووووووووووووووووو
-
هههههههههههه مرسي ستيفو على موضوع دائمأ مميز
-
يسلمووو يا احلى واغلى اعضاء على الدخول الى الموضوع وردكم الحلوو تحياتي الكم ستيفوو