العنوان: اصل الكلمة العراقية الشهيرة (بوري)
أرسل بواسطة: shakar في 14:36 11/08/2007
تمتاز اللهجه العراقيه بكونها ماتزال في مرحله التطووووووور المستمر .وكل جم يوم تطلع مجموعه من الالفاظ الجديده ال تنتشر ابطريقه غريبه وتشوف هوايا ناس تحجي بيها بحيث تبقى انته صافن ومتعرف شنو القصه وتكوووول (هااااااااااااااااااااااااي شكوووو) ودير راسك يسره ويمنه ( شنووووو شقاااااااااااااااال) (يعني شنوووو). وتحس نفسك انسان غريب عنهم وعبالك معايش وياهم (طبعا هذا احساسي) .وتظل نص ساعه الا ان تفتهم القصه شنو . بس تبقى تسئل ( وين الرباط) . وطلعت هوايا مصطلحات بالسنين الاخيره مثل.... شكد وغووووووووووووووف لك هااااااااااااااااااااااااااا حديقه شنونك مرجوووووووووووحه
تماااااااااااااااااااااااااااااااااااسيح
سحاااااااااااااااااااااااااااااااااااااالي
وغيرها من الالفاظ الي نسيتها . واني يعني غير متابع الها واحتمال هسه صدرت طبعه جديده من هذا( القاموس). وتبقى هذه الالفاظ فتره زمنيه معينه الا ان تختفي وتطلع الفاظ جديده .بس تبقى كلمه (بووووووووووري) الاكثر شعبيه واستعمالا وظلت موجوده من سنوات (الحصار) ولحد الان ومختفت وحافظت على صدارتها بل ( بوكس اوفس). بس منين اجتي هاي الكلمه وليش كلما واحد يشتري شي موزين او بسعر غالي او (يتقشمر يعني) يكلوله انضربت بوري. طبعا تم استعمال هذا المصطلح لاول مره في (علوه السيديه) يم اهل البتيته ( اي والله اني هم مصدكت اول شي) لانهم جانوا يحطون البتيته (بكواني) مثل الشبكه بحيث تكدر اتشوف البتيته من بره الكونيه اتشوفها زينه لو لا. اذا زينه تشتريها واذا مو زينه اتكول (اااااااااايع) ما اريد . الا ان فد يوم اجه فد تاااااجر (توووووووب) وجايب لوريات بتيته وياه. وكل الكواني ايبين بيها بتيته زينه من بره. وجان يبيعها ابسعر ارخص .فصار كتل عليه (بلجلاليق) واشتروها الكواني راسا .وهوه هم راسا اختفى (وهسه تعرفون ليش). ومن انفتحت الكواني طلعت المصايب (الريحه التكتل) جان اكو ابطنها بتيته معفنه و(اصلا يمكن مو بتيته). التاجر الي (راح يروح للنار) جان ايحط بوووري ابنص الكونيه .و داير مداير البوري ايحط البتيته الزينه حتى اتبين من بره .وجوه البوري (ايلوص ابراحته) .وطبعا كلما جان البوري اكبر جانت الخساره اكبر . فنتشرت هاي الحادثه كلش هوايا .ومن وراها كاموا يفحصون الكونيه مال البتيته (بالسونار) .وطبعا العلوه يجوها نااااااااااس كلش هوايا ومن مختلف قارات العالم مثل (الدورة – واليوسفيه –والبياع) فمشت هاااااي الحجايه على كل واااااااحد ............ ......... ......... ... والله يكفيكم شر البواري وخاصه البواري العاطفيه
العنوان: رد: اصل الكلمة العراقية الشهيرة (بوري)
أرسل بواسطة: alaa_putris في 14:42 11/08/2007
شكرا اختنا شكر على بوري هههههههههههههههه فعلا معلومة صحيحة (بوري) مستخدم في سوق الخضرة
العنوان: رد: اصل الكلمة العراقية الشهيرة (بوري)
أرسل بواسطة: shakar في 14:46 11/08/2007
ههههههههه يسلمووو على الرد الحلو يا وردة
العنوان: رد: اصل الكلمة العراقية الشهيرة (بوري)
أرسل بواسطة: ((Tamara)) في 14:52 11/08/2007
hhhhhhhh nice topic lbe
العنوان: رد: اصل الكلمة العراقية الشهيرة (بوري)
أرسل بواسطة: shakar في 15:19 11/08/2007
lol يسلمووو على الرد الحلو يا وردة
العنوان: رد: اصل الكلمة العراقية الشهيرة (بوري)
أرسل بواسطة: lena_wrda في 15:23 11/08/2007
هههههه شكراً لبي عالموضوع
العنوان: رد: اصل الكلمة العراقية الشهيرة (بوري)
أرسل بواسطة: mansorya في 19:36 11/08/2007
هههههه شكراً لبي عالموضوع
العنوان: رد: اصل الكلمة العراقية الشهيرة (بوري)
أرسل بواسطة: kaser في 21:40 11/08/2007
ههههههههههههه خوش موضوع شكر حلو وشكرا على المعلومه هاي ... والله يكفينا شر البواري
العنوان: رد: اصل الكلمة العراقية الشهيرة (بوري)
أرسل بواسطة: mark sako في 03:35 12/08/2007
عاشت ايدج يا ورده على الموضوع
العنوان: رد: اصل الكلمة العراقية الشهيرة (بوري)
أرسل بواسطة: Hollandy في 12:29 12/08/2007
yesslmo 3el al borry shakr ya borry 89dy al me3loma
ween al bab 5el aflt la akly borry hhhhhhhhhhh
te7yaty hollandy
العنوان: رد: اصل الكلمة العراقية الشهيرة (بوري)
أرسل بواسطة: shakar في 09:22 13/08/2007
ههههههههه يسلمووو على الردود الحلوة يا حلوين
lena
mansorya
kaser
mark
hollandy
العنوان: رد: اصل الكلمة العراقية الشهيرة (بوري)
أرسل بواسطة: vanoshka في 10:18 13/08/2007
هههههههههههه حلوة منج ياشكر عاشت ايدج على البوري اقصد على الموضوع كلش عجبني لان اني احب البواري .. اخرب وتكهرب لمن احد يكولي انظربت بوري بكل انواعه عاطفي سياسي معنوي تجاري .. الخ ههههههههههههههه تحياتي للجميع
العنوان: رد: اصل الكلمة العراقية الشهيرة (بوري)
أرسل بواسطة: shakar في 10:39 14/08/2007
ههههههههه يسلمووو على الرد لبي
العنوان: رد: اصل الكلمة العراقية الشهيرة (بوري)
أرسل بواسطة: المغترب1 في 13:01 14/08/2007
عاشت ايدج يا ورده على الموضوع
العنوان: رد: اصل الكلمة العراقية الشهيرة (بوري)
أرسل بواسطة: hewy في 13:15 14/08/2007