-
شلونكم هذا اني
كافي تصفيق خلي نفوت بالموضوع لكل ابنيه نقطة ظعف وهاي النقطه اذا عرفتها
راح تكدر اتنسق وي هاي البنيه اي ابنيه حتى لو عقلها بكد ـــــــــــ او عقلها بكد ـــــــــــــــــ
او عقلها تعبان مثل برلمان الحكومه العراقيه اذا الموضوع شلون اتنسق وي البنيه
وتخليها محبس بيدك او حجله برجلك اذا انت زلمه خشنه وتلبس جدله اتخرخش من تمشي
بالشارع مثل المطي وحاف حواجبك وحاط جل ولابس قلاده وطالع مثل الكاوليه
مره كان اكو ولد اسمه جبار هذا خطب بنت عمه خوله وهي من عائله محافظه كلش
وره ماخطبها وكطع مهر وبعد يومين على الزفه كال خلي انسق وياها واكولها احبك
لانه بقه يومين على الزفه فراح على صديقه عباس هذا واحد سرسري يوميه مصادق
بزونه بالزباله فسئله شلون انسق وياها اريد طريقه سريعه لانه بعد يومين عرسنه
فكال كولها (( احس اعرفج من زمان )) هذا المفتاح مال البدايه فعلا خابرها جان
يطلعون على التلفون خوالها وعمامها وكالوا شنو تريد لانه هي من عائله كولش محافظه
على الرغم من كاطع مهر وعاقد عليها بس كولش محافظه العائله بحيث الام والاب من يختلون
الخلوه الشرعيه يطلع عقد الزواج يتاكد من توقيع القاظي الي وقع على زواجهم عائله كولش
محافظه خو من يبوسها يروح على بيت السيد يتاكد صدك عقد الهم لانه عائله كولش عائله محافظه
خو الام مال البيت ظلت بالحجاب كدام زوجها الا من خلص شهر العسل استوعبت الحاله انه زوجها
وراها ظلت بالدشداشه ونزعت الجبه وبعد سنه نزعت الحجاب وره ما اتاكدت كولش انه زوجها
عائله كولش محافظه
وراح جبار للبيت مال خوله دك الجرس طلعوا خوالها وعمامها الي شايل رشاشه والي شايل
مدفع هاون والي طلع بالهمر لانه جانوا خايفين يكعد وياها ويبوسها لانه هي عائله كولش
محافظه وكالوا ميخالف تشوفها بس نكعد وياكم بالهول اخاف مشاعرك تتحرك وتبوسها راح
نربط مشاعرك بالحبل احتياط
وكعدوا وخوالها وعمامها كبالهم مثل فلم الرساله من حمزه يصير سهام تقدم اضرب
بس وين اضرب اخاف يلزم ايدها لخوله الي كاطع مهرها وعاقد عليها المهم راج يصارحها
ينسق وياها وكالها (( احس ياخوله اعرفج من زمان )) جان خوله تكلها جبار شبيك مطي
اني بنت عمك طبعا تعرفني من زمان شبيك اثول اخاف شارب خل طرشي امكطن عاد جبار
كال لا اقصد احب جان خوالها وعمامها طاحوا عليه دك بوكسات ولك شنو تقصد احب عمها
الجبير طلع زنجيل ايراني ابو التطبير ودك على ظهره وجبار يصيح احدا احدا عمي اقصد
احب رموزنه المحافضه عاد كالوا اها عبالنه عائله كولش محافظه الله يساعده
اذن لازم تعرف نقطة ظعف البنيه حتى من خلالها ترتب الخطط حتى تكون كخاتما في اصبعك
او مابين اقدامك كاوراق الخريف يامستبده انتي التي اسميتها تاج الصخول اقسي على قلبي
وركعيني بالنعال يامستبده الويل لي يامستبده الويل لي من فجرا ماشتغلت بيه المولده الويل
لي يامستبده قسما بشاي القوري لن تري دمعا يسيل سوف ترين معنى الصبر في ابريجي
الجميل يامستبده ياثوله يامزنجره عابت عوع صخونه دولي ولج
اذن او خشم لا اذن خلونه نتناقش ياشباب شلون تعرف نقطة ظعف البنيه لانه لكل ابنيه
نقطة ضعف اذا عرفناها نكدر نكعدلها ركبه ونص ونترفب خطواتها مثل اللص ونرسم
خطه عليها حتى انسق وياها الى ان نصل الى مرحلة من تكلها احبك اتصدك وتصير بيدك
مثل ماصاروا زوار الحسين بالزياره الشعبانيه دك صوندات وطلقات بسبب انه البعث اندس
وسوه عمليات تخريبيه وهذا مانقلته وكالة انباء خرط مرط بروس الازواج
بالاخير خوما دوختكم ههههههههههههههههههههههه تحياتي
-
hhhhhhhhhhموضوع حلوووووووو عاشت الايادي يا ورده
-
يسلمووووووووووووو وردة جوجو على المرور الجميل كلج ذوق
-
ههههههههههه والله دوختني ستارو...
عاشت ايدك على الموضوع الطريف
تحيــاتــي وتقبل مروري
كنــاري
-
ماعاش الي يدوخج كناري وردة بس شسوي مو بيدي الله دازني عليكم ما أعرف ليش ههههههه
يسلموووووووووووووو عزيزتي على المرور الجميل كلج ذوق
-
عاشت ايدك وردة ستار للموضوع نورتنا عزيزي وكلك ذوق وردا
-
النور نورك حبيبي فادي وشون تريد الموضوع ميكون حلو وأنت دخلت عليه خوني
يسلموووووووووووووووووووووووووووووو أبن ديرتي