السلام عليكم اشلونكم
هاي اشويه تحشيش على البنات
وشوفوا الدلع مالتهم
ان شاء الله يعجبكم
1- اذا كانت اتريد تبين هية دلوعه ورقيقه اتشوفها
حاطه وروود ودباديب و صور اطفال
او صور كرتونيه ( سالي وليدي) ودائما تكتب بالوان هاديه
(وردي و احمر) مسويه عمرها
بنـــــــــــــــــوته(( هيه حتى العداد مال عمرها عطلان ))
2- اذا الشباب حطوا موضوع يخوف والا مقزز
شوفوا الردود :
مخوف
واااااااااااااااااااااي هيك هيك ما ايصير كله هيك وهيك عبالك لبنانيه حراااااااااام عليكم خوفتوني
لا لا لا ما اتحمـل راح اصيح ماماتي لا لا ما
انام اليوم الوحدي اروح عند امي انام
مستحيـــــــــــــل اريد ماما اريد بابا اوووووووووووا
(يعني خايفه و ما تتحمل ) خايفه هيه وحدتهن الشيطان ايخاف منها مقزز مقرف
وعععععع شنو هذا / لعبت نفسي علساس هيه رقيقه ومتتحمل وحدتهن حربايه من جوه لجوه
بس ويا نفسها تكول والله خوش موضوع حلو
3- اذا جانت مريضة تعالوا شوفوا الدلع فالردود:
واااااااااااااااي انا منشولة و خشمي مسدود وعندي انزلاق لان جنت لابسه نعال اسفنج
ما اكدر اتنفس , لحكوني راح اموت ,,,, يا ويـــــــــــــلي (( يرقيق يارايق ))
هيك هيك هيك ... ماريد اروح للمستشفى اخاف من الابرة بس هية من جوة ليجوة
اصلان ولا تخاف ولا شي هيه اتخاف من ابره
ماماتي عفيه هيك ما اريد
وما تخلي احد الا تكولة اني مريضه وهيه من اتشوف واحد اتكله ديربالك منه احنه بنات الانبار لو بنات الموصل ديربالك منه قويات ومنكحم وهيه صارت مريضه عبالك لتكدي تشكي للكل
واتروح للدكتور يسألها ها خير اشبيج عفيه دكتور هيك ما اعرف هيك ما ادري شنو بيه (( دلع بنات ))
وآخر شي يظهر ما بيها شي والدكتور ينطيها
حبت بندول ويقوللها اشطحي عيوني للتدلعين
4- عاد كله بكوووووووووووووم و الدراسه كوم ...
لما تسألها اتسوي بالدراسه هيه وغيرها لا هيه (( دجه على دبنك )) عقلها ثكيل
اذا كانت تدرس في جامعة و لا كلية
تريد تعلم كل اعضاء المنتدى انها جامعية (مو مصدقة ولا معبره الولد وهيج مخبلها الولد وهيه خلف الله على شركات المكياج والميك اب ستروا على الطسات والنكر الي بوجه كل بنيه
5- دووووم تمثل دور البنت المدللـه اللي ما ينرفض
لها طلب
اذا حجو على الطبخ ,,, كالت (( اوي اني ما ادوخ نفسي بالطبخ ))
اوي كابوس .. اصلا احنة عدنا 3 طباخين
(( كله جذب والله ,,, تلكون اهلهة موتها من التنضيف وو كل يوم كانسة وماسحة
حتي السيارات يمكن هي تغسلها واذا خلصت
الشغل يخلوها تغسل الفرش والزوالي وو بطريقها الشارع هم تغسلة ))
6- و اذا فتحو موضوووع
عن دووول سياحيه (مشهوره) كالت عاااااااااادي
اني كل صيف اروح الها و اصلا احنة عدنا
محلات و عقارات هناك
(( والله ولا راحت الهذا المكان .. اصلا مكان
الدوله عالخريطة ماتندلها ... حدها السوريا
وترجع )) تلكاها رايحه لسوريا من جانت سوريا ب 50 دولار اتاجر تكسي سوري ايفرك سوريا كلها
7-اذا حجو عن الماركات و المحلات الراقية
والغالية و الازياء و المصممين
شوفوا شتكولهم ......
اصلا انا ساعاتي كلها من هالماركة و مكياجي
ما اشتريه الا من هالمحل و المصمم هذا اصمم
عنده (بيجاماتي) و كلابياتي البيت وفساتين الاعراس (( هيه كله درب اللنكات والبالات ودرب المكياج ابو 4 دستات ب 500 دينار
ملاحظه هامه جدا : رجاء على البنات الي يقرون الموضوع اول شي ميجاوبون بعصبيه وخل ياخذوها بروح رياضيه واصلا لا ايفكرون بمواجهتي بمواضيع تحشيشيه لان ميكدرون ولا راح ايكدرون ههههه نياااااااا
ملاحظه 2 : على جميع البنات ان يقللوا من مشاهدة المسلسلات المدبلجه وعدم مشاهدة المسلسل العراقي ابو فخري ديربالكم ترى هذا مسلسل ابو فخري ايسوي عدوه كلش قوي عند البنات ويخلهن ايفيكن ويرفعن درجة الهنبله
هههههههههههههههه
ههههههه عاشت ايدك وردة ستار نورتنا خوني
يسلمووووووووووووووووو وروود على المرور الجميل نورتووووووووووووووووووووو يا دلوعين
ههههههههههههههههه أول شي مشكورين على المرور الحلو
وثاني شي ليش شعدنا غيركم بنات منكد نستغني عنكم لازم نحجي عليكم شوية
هههههههههههههههه بس هاي مو معناتها منحبكم بالعكس
ههههههههههههههه يسلمو وروود على المرور الحلو