ankawa
منتدى الهجرة واللجوء => الهجرة و واللاجئين => الموضوع حرر بواسطة: nasseem2 في 19:28 09/09/2007
-
ما هو مصير العراقيين ان رجعوا الى بلدهم بعد ان تتخلى سوريا عن توفير الملاذ الامن لهم؟؟؟؟
ان الدرس الذي نستفاد منه برأيي انه لن ينفعنا اي وطن غير وطننا ولذلك يجب علينا ان نرجع الى وطننا ونحبه ونعطيه ونضمد جراحه ونعالج مشاكله كل حسب موهبته ونساعد بعضنا الاخر حتى نستطيع ان نعيش مرة ثانية بامان وسلام
هذا البلد الذي تركناه في اول فرصة وهربنا منه ولم نجد بلدا اخرا يوفر لنا الكرامة التي كانت لدينا فيه سابقا رغم انها كانت منقوصة
لنتعلم ان نعطي البلد الذي ربانا وعشنا فيه عشرات السنين لا ان نأخذ فقط لاننا ان فعلنا هذا نكون كمن يبصق في الاناء بعد ان يأكل منه ويشبع
لن يفيدنا غير بلدنا
-
[color=blue]ان العراق هو موطن الجميع لكن ليس بوسعنا ان نعمل شيئا سوا الانتظار اذا طردت سورية العراقين يعني هذا انها فتحت باب الهلاك للعراقين[/color]
-
يمعود شنوا هلحجي وين انروح بعدين تبقة بسلبنان وعمان
العراق صعب نرجعلة لان الامل بي كلش ضعيف
-
الواحد يحجي الحق لو يجذب على روحة
اذا سوريا طردت العراقيين فمو معقولة نظل واكفين بالحدود لو نعتصم او نسوي مظاهرات , شي طبيعي نرجع للعراق وماكو غيرة يستقبلنة وصح الوضع مو تمام بس شوية اهون من قبل والستر يم رب العالمين والنة الله
-
السلام عليكم
ما أتوقع أي من الموجودين بهذا المنتدى متنكر لوطنه العراق وميحن لايام عاشها بالعراق سواء أيام طفولة أو دراسة أو حتى عمل.
بالعامية يكلون الشك كبير والرقعه صغيرة فلو كان الامر ببساطه هو العطاء للوطن وتضميد الجراح ومعالجة المشاكل لكان أغلب الناس اللي طلعوا واللي ديفكرون بالطلعة واللي دينتظرون الطلعة الى بلد ثالث يأويهم ,كان رجعوا لبلدهم وقاموا بهذي الاعمال البسيطة اللي ذكرتها , ولكن الامر يصبح عسير لمن تغلب لغة السلاح والعنف لغة العقل وبهذي الحالة رح نكون مع الاسف في غابة وليس دولة يحكمها القانون والعقل.
أكيد تكدر تستعرض أحداث العراق ضمن 30 سنة الاخير وتشوف حالة عدم الاستقرار طاغية على المشهد الانساني فبالرغم ما جرى من حروب وويلاتها وحصار فتك بكثر من الناس كمل عليهم موضوع القتل والتهجير الطائفي الذي أساسه الجهل والتخلف اللي ساد المجتمع خلال الحقب الماضية.
مع ذلك فأن العودة الى العراق لا تعني نهاية العالم فدائما هناك فرص للحياة في البلد الأم.
أما موضوع البصق في الأناء فمن الصعب أن تبصق على بلدك مهما كانت توجهاتك الفكرية ونظرتك على مدى ما قدم البلد ألك ولكن كم المعانات اللي يواجها الشخص تخليه ينفر ويبحث عن مكان آمن له ولعائلته ليتخذ منه مأوى يحميه من تداعيات الوضع المتردي في بلده.
عذرا للاطالة
تقبلل مروري
عيني بغداد
-
ما فائدة العوده العودة و تضميد الجراح و هيه الحكومة نفسها كاعد تضرب بهذا الشعب و تقتله والله بس اقول لا حول و لا قوة الا بالله و مااتصور سوريا تقدم على هذا العمل لان همه عايشين من ورانه
-
اخواني الاعزاء
ما اتصور سوريا تاخذ هشكل موقف و بكل الاحوال راح نتصرف حسب الموقف
لكن تعقيبا لكلام الاخ كاتب الموضوع احنا ما تركنا العراق باول فرصة احنا من انخلقنة و الحرب بالعراق و الظلم و المشاكل و بقينة و اهلنة ما طلعو و احنا هم بقينة و احنا نقول هذا بلدنا و هذا وطنة ما نترك بيتنة شلون ما تكون الظروف و عشنة اسوا سنين بالحروب و الحصار لكن لمن صار الموضوع هم موت و هم خراب بيوت و صار الخوف على اولادنا اضطرينة نطلع لان استنفذنا كل طاقتنة و حلولنا لكن اكيد يبقى العراق وطننا وين ما رحنا لان ذكرياتنا و حياتنا و اصلنة هناك
مع امنياتي بكل الموفقية
-
والله ماعتقد سوريا سويها لان هي قتصادها متعدل اله ويا العراق هسه هي كال بطل سلم المطلوبين علمود تحافظ على مصالحها مع الدوله وسبق وسوتها ويا تركيا وسلمت عبد لله اوجلان زعيم حزب العمال الكوردي للمخابرات التركية علمود خوفا من الحرب الي ممكن تفتحها عليها وهكذا واذا استقبلت لبنانيين واوتهم ان السوريين راحوا عاشوا بالبنان مثل ما هسه العراقي بسوريا والاردن بس الفرق انه العراقي مهدد ولا يهش ولا ينش مكسور الجناح السوري بالبنان جان اله قيمه واذا لبناني راد يشتري بيت لو يتملك يروح يسجل بسوريا!!!!!!!!! والموافقه من سوريا تطلع.
تقبلوا مروري
اختكم
ساسي
-
شكرا الك اخي علىالموضوع
اولا سوريا لن تفعل هذا ابدا
ثانيا العراق محتاج عمليه جراحيه اخي العزيز مو تضميد جراح اني عايش بالعراق ولحد هسه ما طلعت ولكن هسه مليت وبعد ما اكدر ودا احاول اسافر اخي الكريم العراق صاير عباره عن ساحة نزاعات انته شوف على مود يغطون قضية سرقة مصارف الي قام بيها عادل عبد المهدي فجروا وزارات وقتلوا وناس وخلوا العالم يلهتي بهاي الشغله وينسى سرقة المصراف اخي العراق اليوم منهوب الي يريد يرجع اكيد العراق يستقبله بس اكلك اكو هواي رجعوا وما تحملوا وتندموا اني اكول الي يريد يرجه الف الف الف هلا بي والي يريد يروح لغير بلد الله وياه ومحروس .
-
اخي كاتب الموضوع انت كتبت (هذا البلد الذي تركناه في اول فرصة وهربنا)
بس منو كلك اللي ترك البلد تركه بسهولة وباول فرصة
اني اعرف ناس انقتل ابنهم وهددوهم اذا يبقون راح يقتلون الثاني والثالث يعني شتريد تنتظر العائلة لما تخلص اولادها كلهم يلا يطلعون
ثم نسيت انو العراقيين صبرو بالحرب الايرانية 8 سنوات وراها الحرب الامريكية بال 91 وراها الحصار وراها الحرب الاخيرة بالاضافة الى الخدمات المعدومة اصلا وعدم الامان
وبكل الاحوال مشكور اخوية على الموضوع
تقبل مروري
-
يا شباب تره الموضوع قدييييييييييييييييييييييييييييييييييييم
وصارله 3 سنوات من انكتب
مروان عقراوي متكلي وين لكيته ;D ;D ;D
بس والله شاطر لان عالاحداث
اني راح اسولفلكم شنو اللي ديصير بين العراق وسوريا من خلال اللي شفته اليوم ببغداد
اعتقد المساله كلللللللللش حامية وراح تعلك
لان اني اليوم عندي موعد وية دكتور باحدى الجامعات علمود فد شغله وصارلي اسبوع انتضر اروحله هاليوم
اول شي من طلعت من البيت لاحظت انه الشوارع شبه فارغه وعبالك ايام الحرب بال 2003 اللا شوية
بعدين سيطرات متنقله هواية اكثر واكو شرطه لابسين مثل المدني وتارسين الشوارع الرئيسية وكلساع يجيتون على فد سياره ويفتشونهه واللي ما شايل هوية او جنسية ياخذوه الى ان اهله يجيبوله مستمسكاته (هذا وصف فد شخص باعلي بانزين واحتمال بيه مبالغة)
وبعدين رحت افول ببانزين خانه لكيت ازدحام رغم كونهه محطه اهلية
بعدين خابرت الدكتور لان مكانه بعيد حتى اتاكد
فكالي لتجي خليهه عالاحد لان الجامعه فارغه هاليوم ما اعرف شكو
والله اعلم
فاني هم ديورت ورجعت وداباوع الاخبار
ماكو غير السيناتور كندي انطاكم عمره
-
الله يرحمة هذا هوة الي سوالنة ال SIV
-
وين بلدي؟اللي ماعندي طابوكه بيه0اسكن بخيمه والحراميه والقتله ساكنين القصور0الله ايجازي اللي كان السبب
-
اخي نسيم
حط ببطنك بطيخه صيفي على راي اخواننه الكدعان
مستحيل سوريا تطرد العراقيين لان ببساطه اذا سووهه السوريين راح
يموتووووووووووووووووووون من الجوع
اخي فنسنزو
اني قريت ردك وماافتهمت شي مباشر بس اللي قريته بين السطور يكول انو راح تصير war بين العراق وسوريا
هل هذا اللي قصدته حظرتك بالمقال
ارجو التوضيح
خويتك مظلومه سوادي فلك
-
الى كل الاخوان في سوريا
احنه اخوانكم بالاردن لاتخافون سوريا بلد مضياف مثل العراق وهم ايحبون العراقيين اهويه وهم يعرفون ما عنده حكومة .الحمد لله احنه هسه بشهر رمضان وهذا الشهر فضيل وان شاء الله راح ادعي لكم كل يوم الله يبعد الشر عنكم وييسر امركم امين ربه العالمين.
اخوكم
القرش الاسود
-
الاخ كاتب الموضوع سؤال ..... شنو اللي خلاك تتوقع انه سوريا فد تطرد العراقيين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-
ان شاء الله ميصير اي طرد لاي عراقي بسوريا ... ويارب متوصل العلاقات بين العراق وسوريا الى قطيعة كبيرة مثل مكانت بزمن النظام السابق .
-
اخي فنسنزو اليوم عبد العزيز الحكيم مات بايران لذلك الشوارع خالية من المارة حسب ماافتهمته من اهلي بالعراق هذا واحد اثنين الاخ الكاتب ما اعتقد انو سوريا راح تطرد العراقيين بسبب ازمة سياسية بين العراق وسوريا ولانو العراق سحب السفير واعتقد على خلفية تفجيرات بغداد لانو العراق متهمة سوريا بهذه التفجيرات وسوريا تنفي هذا الشي والله اعلم بس ما اعتقد انو اخوانه في سوريا راح يعاقبون الشعب بفعل حكومتة وهي تدري كلش زين انو اغلب الناس شارده من ورة حكومتها والجماعات المسلحة الي طايحة بالناس قتل وترهيب على اتفه الامور بعدين العراقي ممتنصل من عراقيته لمجرد انو هرب من حاله قتل او ارهاب وتعرض لضرف استدعى انو ينقذ روحه واهلة واتحمل مر الغربة لانو ميحب العراق لكن اضطرته الضروف ان يتحمل الغربة عسى ان يستطيع ان يحس بانسانيتة بعد ان مل الصبر وصارت عنده قناعه انو العراق صار بيد الحرامية ومبيده شي يقدمة لهذا الوطن لا تتصور انو ما نبكي على العراق بدل الدموع دم لكن هذا هو الحال .
لكن احب اسالك سوال انت ليش منتظر ان حكومة سوريا تطردك يله تروح تضمد جراح العراق ليش متروح من هسة ؟؟؟؟؟؟؟؟؟؟؟؟؟؟؟ مجرد سوال
تحياتي للجميع
-
ارجع واكول الموضوع قديييييييييييييييييم ومكتوب بال2007
شنو محد يشوف التواريخ!!!!!!!!!!!!!!!!!!!
بس اخونا مروان العقراوي كتب بيه رد لغاية في نفسه او لانه هم ميدري انه المواضيع كلهه اللي بالمنتدى مرتبه حسب اخر رد مكتوب بيهه وانه اذا احد نزل رد باقدم موضوع يرجع يصير اول موضوع ولو ورى سنين
المهم احب اعزي الانسانية بفقدان سماحة السيد ادوارد كندي (قدس) لانه سوالنه الsiv (شكد جان شريف) وعلى سماحة السيد عبد العزيز الحكيم لنظاله الطويل هو وعائلته اللي كلهه انعدمت بزمن العفالقة المجرمين ولو اني ما جان يعجبني فتوى ابوه بتحريم الحزب الشيوعي بالستينات ويمكن هيه هااللي لاصتهه علينه بال 40 سنه الاخيره
واسف لدخولي بالسياسة
ملاحظة: اختي ام دواس هاي يا حرب ;D اذا همه الدولتين بيهم كساح
بس اني عبالي توتر الاوضاع هو سبب الحالة الغير طبيعية او احتمال ان الاجهزة الامنية عدنا عدهه معلومات انه هالاربعاء مثل الفاتت ودتشدد (بس والله يا جماعة صدك تحسون الدولة قوية والهه هيبه اليوم) ... وبعدين بالليل عرفت انه الحكيم ميت مثل ما وضح الاخ اللي قبلي (ري7 الجنوب) واحتمال هو هذا السبب الرئيسي للوضع المو طبيعي
واحتمال اصلا اني بالغت شوية لان بيه فوبيا ;D ;D ;D من المصايب الشايفهه
-
;)هههههههه ها شكالت اختكم فداء والبعض ما قبلت من كلت هالموضوع وكالت انتي متشاءمة خوصا اني بدون ااقامة كالمئات الان ونكول انشاء الله الفرج قريب
المهم تحية وسلام وامان لاخوني وخواتي .. برد الله قلوب كل العراقيين وحقق امنيات الجميع انه سميع النداء .. اخون الوضع مو واضح للان معالمه غامضة احنا نكول ما معقولة رح تقفل من كل الجهات رحمة الله واسعة و ان شاء الله الفرج جدا قريب خلي الامل بنص عيونكم الله خلقنا وما رح يتركنا ..
ان شاء الله ما يصير الا الي هو بي الخير للكل
فداء
-
السلام عليكم اعضاء منتدى عين كاوة الكرام
موضوع طرد العراقيين من سوريااعتقد انشاء الله ميصير لان سوريا واضح من تصريحاتهاانهالاتريد ان تازم الموقف مع الحكومة العراقيةولكن بعض الاحزاب المحترمة تريد تازم الموقف لصالح ا غراضهه الشريرة ادعو معي انشاء الله هذا الشي ميصيربحق هذا الشهر الفضيل لان العراقيين بعد ميتحملون اي هزة الله يكون بعون الناس
-
اخوان هاي شلكم بيها مال السوررين بدون العراقيين يموتون جوع
اصلا كل شي يجي للعراق نصه اذا مو اكثر يمر من الاراضي السوريه اما الخضروات فحدث ولا حرج
يعني لو يكطعوها علينا نموت احنا من الجوع
ثانيل تره حكومتنا الرشيده مو جايه تهدد لان طلعلها شويه عضلات و تريد تخوف دوله ذات سياده (سياده حقيقيه و استقلال مو سيادتنا ) تره حكومهتنا الرشيده تهدد بزود امريكا
و بعدين سوريا وراها ايران يعني ما تجوع
جماعتنا الحكماء بس يريدون يرجعون العراقيين باي ثمن
كلاوات وكلاوات و ما نخلص و براس المكاريد
انور الجلبي
-
اليوم اني اعرف شخصيا 3 عوائل راحت دا تجدد اقامتها السنويه الامن السياسي منطي للهجره والجوازات منع تمديد و راحوا واجوا و معاملات رفع المنع و رجعوا للأمن السياسي و ما قبل ينطيهم موافقه تمديد الاقامه
خلي يفرح بيها ابو اسراء
انور الجلبي
-
اخوية انور مو هذولة تره هم خطية الماتوا بالتفجيرات واللي تفلشت بيوتهم عليهم واللي احتركت سياراتهم
شنو مو عراقيين؟؟
ثم ابو اسراء ترة شكد صارلة وياهم خد وعين...اصلا هو فد واحد فايخ وتعبان...يعني لو صدومي هسه مثلا مو جان حركهه حرك هههههههههه والله هذا المضحك المبكي
-
السلام عليكم
اخويه العزيز مو ممكن سوريا تطرد العراقيين .لان هم عايشين على خير العراقيين واذا طلعوا العراقيين اكيد يكتلهم الفكر ولو نتذكر سوريا قبل 10سنوات اشلون جانت واليوم اشلون صارت ..هذا الاحتمال بعيد بس بحاله وحده اذا حكومة السفاحين والمجرمين تنطيهم راتب عن كل عراقي يسفروه ممكن ..وكلشي نتوقع من الحكومه الفاسده بهل وكت والله ينتقم منهم .
اعتذر من الاداره والاخوان الاداريين اذا تجاوزت حدودي قليلآ بس هذا من حركت قلبي على اخواني العراقيين .ارجو السماح .
ابو انس
شيكاغو
-
ابو انوس حبيبي ممكن تمسح هذي العبارة:
حكومة السفاحين والمجرمين
لان انت دتسئ لملايين العراقيين اللي بالعراق مو بسوريا واللي انتخبوا الحكومة اللي لسبب ما ما عاجبتك انت وقسم من الاعضاء ودمتم للنظال
-
السلام عليكم
يمعود اخويه وشريكي مو تتدلل راح امسحها وابدلها بغير عباره بس لاتزعل ..اكولك بس لاتطلع منهم اويليييييييييييييييييييييييييييييي
حكومة المجرمين والسفاحين
ابو انس
شيكاغو
-
هاي شلون شغله وياك ابو انس
هسه انت صدك مردتهه لمشاعري مرد
وين الادارة
يمعودين هذا شريكي يريدله حجة حتى يفصخ الشراكة
بس لو تفهمني منمه هذولة الغاثيك اللي اني مدري منهم مدري لا؟؟؟