والله عجيبه الاعضاء كاتبين (نكت) او( موت من الضحك) ولمن تدخل للموضوع تلكاه كلام سوري لو مصري لو خليجي ليش احنه العراقيين مابينه احد يضحك
البارحه كنا جالسين بيت ولد صديقنا والدنيا تموت من البرد احنه اربعه كلها تشرب عرق وهناك طلعنا الساعه بالعشره ولا فلس عدنا
واحد كال انتوا اجروا التكسي ومعليكم
بس اجرنه التكسي جان يصيح الولد يوبوي بطني صار بيه مصران اعور
كال ابو التكسي وين توصلون كتله للسوق
المهم ركبنه والولد جايب الطريق يوبوي راح اموت بطني بطني
بس وصلنا للسوق وهي صارت الركضه
ابو المصران الاعور جلب بالسياره
لزمه السايق جان يكله لوتى وين الكروه
جان يكله هاي كروتك ويطفي الجكاره بايد السايق
بعد ربع ساعه انجمعنا اه شو احنه بس تلاثه رابعنا ماكو
واحد كال لزمه السايق
والثاني يقول يجوز ما ركب ويانه التكسي
وهناك ويجي واحد لونه قهوائي( جنه هذا الي يطلع بيوم الحساب ويه ارنولد)
ها ولك وين كنت
جان يكول وانه اركض وادخلك بخمره مال طين واجفص بيها
لحد ما حسيت انه كاعد اكل طين
وهسه جان يكول ابوي يكتلني هم سكران وهمينه مطين
اريد اسبح بيتكم سبح وانطيته هدوم وراح لبيتهم
واليوم لحد الان انه اضحك
(وانتهت الحكايه)
منقول