-
(http://bagdady.org/up/uploads/52f35d6cd8.gif) (http://bagdady.org/up/)
شلونكم ياحلوين ان شاء الله كلكم زينين اليوم حبيت اجيبلكم موضوع متنوع شوية وحلو والمشاركة تصير حلوة منكم؟؟
وهاية اسئله حلوة وجاوبو بصراحة ياورود؟؟
ما هيا اول طبخه عملتيها او عملتها في حياتك
اكيد هناك الكثير من الطبخات الصعبه
اني اول شي جربت الرز الاحمر كان لذيذ
والبرياني كان شوي صعب
وانتو شسويتو؟؟
(http://bagdady.org/up/uploads/821cc9df78.gif) (http://bagdady.org/up/)(http://bagdady.org/up/uploads/821cc9df78.gif) (http://bagdady.org/up/)(http://bagdady.org/up/uploads/821cc9df78.gif) (http://bagdady.org/up/)(http://bagdady.org/up/uploads/821cc9df78.gif) (http://bagdady.org/up/)
-
اني اول شي سويت المعكرونة .... تقبلي مروري
-
مرسي وردا للمشاركة الحلوة
-
اني اول شي طبخت رز ابيض وطيب كان وبعدها عملت مرقة دجاج نسيتها عالنار ونشف الماء منها بس كلش طيبة كانت بس بالنهاية طلعت مرقة بدون ماء
وشكرا عالفكرة الحلوة
-
مرسي خاثي نوهرا للمشاركة الحلوة وردة
-
اني اول شي جنت مصره ابدي بشي صعب فسويت دولمه
بس بدون توجيه يعني سويتها بكيفي
وفشلت فشل ذريع يذكر على مر الازمان هههههههه
-
هههه مرسي وردة للمشاركة نورتي
-
اني اول شي طبخت دولمة مالصوم لان كنت صايمة
شكرا على الفكرة الحلوة
-
مرسي وردة للمشاركة
-
يسلمو على الفكرة الحلوة وردة
بصراحة اني اول طبخة سويتها قليت بيضة ههههههههههههههه
-
ههههههه خوش طبخة تسلمين وردة للمشاركة الحلوة
-
اول مرة طبخت معكرونة بس خليتها في ماء بارد مو ماء مغلي بعدين اختي علمتني قمت بتفريغ ماء بارد ووضعتوا ماء مغلي وطلعت معكرونة نص ونص بس اكلناها شنسوي هههههههه
-
ههههه يلا خوش فكرة هههه مرسي للمشاركة وردة
-
شلاما
ستيفانه مع العلم جنت شارحلج شلون تسوين الدولمه صح وما دبرتيها فلازم نذكرها على مر السنين
-
اني اول مطبخت سويت باميا او رز ابيض بس شلون طلعت تغبل كلهم كالو عاشت ايدج ههههههه
كان عمري 15 سنه او من يومها اطبخ بس اكلي طيب اهوايا الله يشهد هههههههههههه
تحياتي الج لبي او تسلمين على الموضوع الرائع
-
مرسي يااااورود للمشاركة الحلوة
-
موضوع جميل وفكرة اجمل........ اني اول ما حاولت اطبخ طبخت برياني بس شلون برياني طلع يخبل لان طلع تشريب برياني
تحياتي
-
ههههه خوش برياني طلع هسة مرسي حبيبتي
للمشاركة الحلوة
-
اني اول شي طبخته هو المقلوبة وبا عيني اشلون مقلوبة ؟؟؟؟؟؟ ما تنجرع ابد طلعت مو مقلوبة طلعت هريسة ههههههه
-
طبعا موضوع كلش حلو
اني اول شي طبختا كان دولمة وكانت طيبة لان كلهم كالولي عاشت ايدكي لووووووول
شكــــــــــــــ وردة على الموضوع الحلوووو ــــــــرا
-
شكراااا للمـــــــشاركة الــــــــحلوة يااحـــــــلئ ورود
-
يسلمو طبخة كلش طيبه عاشت ايدك انا اول طبخة عملتها كانت سمكه حاره بلجوز والمكسرات إنشاء الله تعجبك يا احلا وردة هذه طبخه لبنانية إذا عجبتك كوليلي راح اعطيكي الوصفه
-
هههههههههه رجعتيني لاول المشوار في المطبخ
اول اكلة سويتها هي طماطة مقلية ومااحجيلكم شكد كانت طيبة خخخخخخخ شكد ماكانت مالحة يمكن كل واحد من اهلي شربله بطلين ماي وراها خخخخخخخخخخخخ
ومن يومها مسويه اهلي حقل تجارب لطبخي المساكين يكولولي فد يوم راح تموتين بابتكاراتك
بس الحمد الله هسة صايرة اسطا بالطبخ
(http://www.mekshat.com/pix/upload/images45/mk39759_carv1um4.gif)
(http://7bna.com/up/uploads/22ceaf6669.gif)
(http://7bna.com/up/uploads/c3c2a30700.jpg)
-
شكراً على الموضوع الحلو ورده
اول اكله سويتها معكرون كلولي شلون سويتها جانت تحترك خخخخخخ
تحياتي لكم
فدوووووو
-
ههههههههههه هيوي خطية اهلج هسة صعتي الضغط مالتهم لوووول
شكراااا للمـــــــشاركة الــــــــحلوة يااحـــــــلئ ورود
-
اني اول اكلة سويتها كان تمن احمر بس شون تمن يخبل بس جان بي شوية مي زايد وشوية مالح ومعجونة زايد وبس مو جانت اول مرة بس هسة تعلمت
-
شكرااا وردة للمشاركة الحلوة
-
اول شئ ميرسي على الفكرة الحلوة
اني اول مرة طبخت جان برغل ..وبصراحة طلع نص ونص بس هم اكلناه وبعدهاا شجعوني هواية اهلي وخاصة مرحوم جدي وكمت اطبخ كل انواع الاكلات
وهسا طباخة ماهرة بكل انواع الاكل والحلويات.
ولكم مني خالص تحياتي ومحبتي
-
شكرا حياتي على الموضوع الحلو
بس اتعرفين مدا ادذكر شنو طبخت اول مرة
لان صارلي سنين اطبخ
ريتا
-
شكرا عالموضوع الحلو اني اول مرة طبخت تمن وبيتنجان بس ترستهه بهارات وفلفل احمر خطية اهلي صاروا حساسية من وراهه
-
يسلمووو عالموضوع
اني اول اكله سويتها جانت سباكتي لان مكتوبة طريقة الطبخ عالجيس مالتها هههههههههههههههههههههه
تحياتي
-
اني أول ما طبخت سويت تبسي و شلون تبسي طيبة جانت ........ شكرا" علفكرة الحلوة
-
اول شي شكرا على الموضوع الحلو
بس بصراحة ما اتذكر شو طبخت اول مرة
-
هاي للكل شونكم ياحلوين اول شي طبخت اول اكلة تمن ابيظ بس جان عجينة بس هسة الحمدلله اكلييييي يخبلللللللللللللللللللللللللل ههههههههههههه شكرا عل الموظوع الحلو
-
اول شي شكرا على الموضوع الحلو
اني اول مرة طبخت برغل طلع هريسة
-
موضوع ممتع جدا اني لهسة بصراحة ما اعرف اسوي اي شي ولا اطبخ شي بس اول اكلة سويتها هي مرجانص اكلة اشورية مشهورة بس طبعا الطريقة من ماما بواسطة التلفون يعني خلص رصيدي عليها ههههههههههههههههههههههههههههههه وطلعت كلش طيبة هاي اول طبخة
-
الموضوع جميل وممتع.
اول طبخة طبختها كان رز ابيض بس طلع شنو هريسة ابيض
تحياتي
مها البيناثي
-
الموضوع حلوو ومشكو عليه 3eon_b5dad
اول طبخة الي جانت تمن ومركة طبعا ماخليت ملح بل تمن والمركه مالحه وماتنجرع ،بس هسا متعلم الكثير من الاكلات الالمانيه والايطاليه واعشق المطبخ
تحياتي
لوي ـم
-
والله عمكم ابو فادي اول اكلة سواها من كان عمره 7 سنين وكانت معكرونة سويتها طيبة بس طلعت مالحة هواية
شسويت
باعو
بتفكير طفل كلت شلون اودي الملوحة الزايدة
واني اريد اثبت للعائلة بانو طباخ والي سمعة بالوسط الفني
كمت خليت
بالاخير
شكر كلت راح يكسر الملوحة شويا
وتخيلوا
كل المواعين وين صفت
بسلة الزبل
ومن هذاك اليوم
مجلس الامن بقيادة امي وبيبيتي الله يرحمها ويرحم موتاكم قرر حرماني من المطبخ
وصرت متفرج ومتابع بس ( أقصد على الحاضر بس أكل)، لحد فترة
وبعدين رجعت للساحة
والحياة يا اخواني تعلمنا هواية اشياء
تحيات
عمكم ابو فادي
-
شكراااا للمـــــــشاركة الــــــــحلوة يااحـــــــلئ ورود
-
موضوع رائع جدا اما بالنسبه لاول اكله سويتها بحياتي ولازلت اتذكرها مثل فلم اسود وابيض يا حسره
على الايام الحلوة المهم*** كانت في معهد بغداد للسياحه والفندقه وهي كباب شوي بالاوفن***
تحياتي وتقبلوا مروري**
-
اني اول شي طبختة كان فاصولية بيضة كانت ماما مع اختي رايحيين للسوك وتاخرو كان عمري 15 سنة خلطت الطماطة بالخلاط وما صفيتهة حطيتهة هي وكشورهة نسيت وكانت كارثة بس طبعا اكلناهة لان كلنة جوعانين ;) ::)
-
شكرا على الموضوع الحلو
اني اول طبخة الي كانت رز ابيض وفاصوليا بيض ...............
و اول طبخة طبختها كان عمري تقريبا 11
-
يسلمو على الموضوع الرائع
اول طبخة سويتها هي اللزانيا وبعدها البرياني
مشكووووووووووورة
-
يسلموووو على الموضوع الرائع
اني اول طبخة سويتا كانت (( رز وباميا )) بس شوية طلعت حادة هههههههههه
بس كانت طيبة .
-
عااااااااااااشت الاياااااااااااادي ياوردة
-
الموضوع كلش حلو عاشت الايادي
آني اول اكلة سوية تشريب لحم وطلع كلش حلو ......... تحياتي وتقبل مروري
-
اول اكلة طبختهههههه اختي ليهسه كل ما تتذكرهه توكع بالكاع من الضحك...ماما جانت مموجوده و اسم الله اني الجبيرة اللي بالبيت فاظطريت اطبخ و اللي موجود جان( ب ا م ي ا),,,و انتو تعرفون الباميا شوية ينرادلهه حذر بالطبخ حته لتنهرس المهم اني جنت كلش زغيرة وقتهه و ما احجيلكم طلعت حمص بطحينة مو باميا ;Dههههههه بس هسه صرت طباخة زي الفل...
-
المعكرونة هي اول اكلة طبختها و كانت طيبة
-
معكرونه ورز ابيض واجه معجن ههههههه
-
شكرا حياتي على الموضوع الحلو
بس تعرفين مدا اتذكر شنو طبخت اول مرة
لان صارلي سنين اطبخ
أم أيمن
اليونان - اثينا
-
اكيد معكرونه
-
اني اول مرة طبخت برغل , وطبعا برغل طبخة كلش سهلة بس يمي كان كلش صعب بس بعدين من واحد يتعلم ماكو شي صعب .......
-
موضوع حلو ومحرج ;) :D
اول طبخة الي كان عمري 20 سويت بيها تمن ببهارات الي وحدي لان اهلي جانو طابخين مرقة شجر واني مااحبها فعينكم متشوف شصار
اولا التمن بدل مايكون جوزي جان اسود من كثر البهارات
ثانيا معدتي وجعتني اسبوع :(
-
قصة الشجر واشكد كانو ايحبو اهلنا
فد يوم غدانا شجر واني اتفقت اني وخواني انسوي طبخه فسويتلهم مرقة بتيته وهي اول طبخه اطبخها بحياتي وطلعت كلش طيبة
وما اكلنا مرقة الشجر مالهم هههههههههه
-
موضوع حلو
اني اول درس الي جان بالطبخ هو الدولمة
وجانت كلش طيبة
زهرة شنو هالابداع التمن صار اسود من البهارات
هاي لو اني مسويتها امي جان ضربت الجدرية براسي ههههههههه
و يا لاباك وزهرة اني هم ما احب مرقة الشجر وامي يوم الي جانت تطبخ مرقة الشجر
اني بيومها جنت اسوي اضراب عن الطعام ههههههههه
-
هههههههههههه
وردة ,,,, اي هم كنا انسوي اضراب بس كامت تتكرر اﻻضرابات ,,, فملينا ههههههههههه
وامي كانت تنقهر ﻻن مناكل بس ما اعرف ليش مصره ﻻن اعتقد اتريدنا نتعود هههههههههه
ثاني اكله سويت البرياني ,,, هذا الحجي عمر المتوسطة فكنا انقلد طباخين التلفزيون ونشرح الطريقة على اساس .
*****ايام حلوه ******
تحياتي للجميع
-
شكرا للموضوع الحلو
طبعا اول طبخة الي مركة كبة ... بس كانت كرات الكبة جاهزة
شكرا لكم
-
انا طول فترة دراستي الا ان كملت الجامعة ما كنت اعرف غير اقلي بيض ههههههه
اتذكر اول مرة وكفت بالمطبخ كانت الوالدة مسافرة انا ووالدي المرحوم فقط بالبيت وكانت فترة امتحانات البكلوريا للمتوسطة فاجا الوالد الله يرحمه من الشغل ضحك وكالي ها بنوتتي شطابخة لبابا اليوم كتله بابا كولشي مطابخة ههههههه عندي امتحان (على اساس اعرف اطبخ يعني ) ههههه ... المهم ... فكالي زين بنتي اقليلنا شوية طماطة بالبيض خل ناكل كلت اوك هاى سهلة بابا دخلت للمطبخ دا اقلي الطماطة اشو هاى دتبقى قطع كبار والماي نشف وهي مدتموع كمت خليت عليها كوب ماي النوب اريد يبين شكله اشو ما ادري شصار مو مثل ما تسويه امي ههههههه كتله بابا تعال شوف هذا شلون يسوونة فاجا المرحوم وكام يضحك كالي ذبيه بنتي اني هسة رايح اجيب دجاجة مشوية واجي هههههههههه..
هاي كانت اول وكفتي بالمطبخ واللي ما انساهااااا ابد واذكرها دائما ..
ان شاء الله استفاديتو من الوصفة ههههههههه
وتحياتي للجميع
-
بارك الله بيج يا خاثي الارمنية على الوصفة......
مو مشكلة المهم جربيت والوالد الله يرحمه دجان فخور بيج..
اني اول طبخة اللي سويتحا جانت يابسة او تمن لانه جنت صايم...
او سويتها يابسة بدون لحم...
تحياتي
جوسي البغدادي المانيا
-
بارك الله بيج يا خاثي الارمنية على الوصفة......
مو مشكلة المهم جربيت والوالد الله يرحمه دجان فخور بيج..
اني اول طبخة اللي سويتحا جانت يابسة او تمن لانه جنت صايم...
او سويتها يابسة بدون لحم...
تحياتي
جوسي البغدادي المانيا
هههههههه اهلا اخي ابو ديانا ان شاء الله عجبتك الوصفة ::) ::) ::)
طيبة مووووو 8) 8) ههههههه
والله زين انك دبرت تطبخ يابسة وتمن :o :o عاشت ايدك ::)
تحياتي .
-
شكراً خاتي الارمنية الغالية,
اكيد بالغربة والواحد مايعرف شنو انواع اللحوم مالتهم
ولاتنسين طلاب وجيبنا مايساعد اكثر من نشتري التمن
والفاصولية اليابسة على اعتبار نحنا صايمين ومنقطعين عن اكل اللحوم...
عصفوريين ابحجارة...
تحياتي
ابو ديانا
-
اكيد الغربة صعبة بكل المقاييس كلها ايام وصارت وحتصير بعد ذكريات عبر مراحل من حياة الانسان
تحيتي لك اخونا العزيز ابو ديانا مع كل التقدير والاحترام .
-
اني بالحقيقة طول عمري الى حد ما اخذت الدكتوراه اني ما طابخة و لا طبخة بحياتي، حتى البيض ما اعرف شلو يقلوه بس عندي قدرة استيعاب كبيرة و كعدت اكابل برامج Rachael Ray و اول حلقة شفتها سوت همبركر على الطريقة الايطالية و اني هم بوكتها جبت نص كيلو لحم مثروم و ثوم و بصل و ووسترشير صوص و شوية ملح و فلفل و عجنتهم و سويتهم اقراص و قليتهم و بوكتها امي المرحومة تباوع علية و تبتسم و را ما خلصت كلتلها تجربيها؟ كالت اي. اشو ما اشوف اله عاطت جانت تكلي مام هاي اطيب همبركر ماكلته بحياتي ;D
و من ذاك الوكت اطبخ طبخ كلش طيب بس مو كل الطبخات مدبرتها يعني القوزي و الباجه هاي كلش صعبة علية هههههههه
-
حياتي اولا اهلا بيك والسؤال الجميل اول طبخة عملتها في حياتي وكان عمري 10 سنين هية البرياني والكل كان متعجبين على طعمه طبخ ممتاز ولحد هسة ابدعت بالطبخ اللذيذ الطبخ ذوق واحساس وروووووووووووووووووووووووح وشكرا لك اختك العراقية
-
منورين جميعا ومشكورين على مشاركتكم طبعا من الردود لاحظت هوايا اول طبخة تمن ويابسة او برغل عاشت ايدكم جميعا حلو الواحد يتذكر اول طبخة وان كانت فاشلة فشل ذريع بس ممكن هالتجربة كانت سبب نجاحة لاحقا
-
اوّل طبخـة عملتها في حياتي هي : قلي البيض مع الطّماطــة / ونسيت الملح !!! .