الوالــد: - انا البية المصايب نزلن رداح *** أنحنى ظهري يبويه بدونك انتة ربـّـيتك جرح من عمري ظنيت *** تعوّضني التعب ذاك التعبته شضنـّـك افترق ولوحدي ضليت *** القلب ماظن تهوّد يوم ونتة شحجيلك يبوية شسوه الفراق *** بغيابك جبل من هم حملته
الولـــد: - بوية ومانسيتك انا والله *** بعدها دموع عينك يمي تذكار جمر هذا القلب ما ضل صبر بيه *** وانا الخاطر اعيونك احمل النار مو قصدي الفراق ولانه اهواه *** بس شفت الوكت وياكم اندار تحملت الغرب بس كون اوافيك *** لجن ندمان بوية على الجرى وصار
الوالــد: - شفت الغربة بوية وحالك شلون *** الغريب شما تعب ما يلكه راحة هلك بوية و لون الحزن مر بيــك *** تلكة وجوه مليانه سماحة انا الردتك يبوية لساعة العوز *** الوكت هسة الوكت طبعة الوكاحة
الليالي للاحبهم صدق شتان وعلي بالصيف لا يالولد شتان تعال انتة بغربتك بعد شتان طحت و الوكت أوجر حيل بية
لولـــد: - بوية الغربة ذلة وانا ذليت *** بغربتي الوكت دك دكات وياي الف موتة اموت وانتهي هنا *** ويا بوية شثكلها هموم دنياي اذكر مشيتك من تدخل البيت *** يهزني الحلم جنك بالصدق جاي افز اتمرحب واعثر بالاشواق *** أعله خدّي نار تنزل بوية مو ماي ماظن ألكه مثلك لا ولايصير *** انا بهيبة عقالك ارهب عداي
الوالــد: - أبجي و ما أريدن دمع بالعين *** خل من قلبي دمّ لفرقتك يجري توسلت الصبر من شفت قلبي اعتاس *** بس خان الضنون ومانفع صبري اشتاق الكــه دمعة بكد حنين الروح *** صفة وكتي دمع وك وشلت عمري ردتك تجوة الي بيوم اليذبني الضيم *** طحت هسة انا بعدك وانكسر ظهري ويابوية غربتك بسمرت بالروح *** اكل قلبي الفراق وانت ما تدري
الولـــد: - شمدريني الوكت ما ينصف وياي *** لو ادري اعتقد ما فارقتكم اشتريت الغربة بس صدقوني يحباب *** بعت الدنيا كلها وما بعتكم هلي شجم ذكرة ضلت يمكم هناك *** وجم صورة ألي بالحيطان عدكم
الوالـــد: - ها بوية شفت نار المسافات *** وشفت الغربة هسة وحالك شلون يبني الغربة تحفر حفر سكـّــين *** ويحتاج الغريب لدمعتة عيون تعال وشوف بيتك والحياطين *** على كل ذكرة منك شو يونوون اخوتك لو خواتك من يشوفون *** لمـّــه أصحابك و كلهم يضحكون يصير البيت دمعة ويشتعل نار *** وكبل لا تبجي امك همـّــه يبجون بعد لسة غرفتك بيها الاشواق *** وبعد كل ذكرياتك لسة بيها من نشتاق الك وتهزنا الهموم *** نجي وبدموعنا نعاين عليها
الولـــد: - وانا لوحدي وصوركم كلها وياي *** صارتلي صبر كل التصاوير افرشهن كبالي من يجي الليل *** واحس العين هيــّــه بلا وعي ادير هاي امي وابوي وكل الاحباب *** يكون الروح طير ويمكم ايطي
منقول
العنوان: رد: محاورة بين اب وابنه
أرسل بواسطة: بيكوو الارمني في 03:24 11/02/2008
شفت الغربة بوية وحالك شلون *** الغريب شما تعب ما يلكه راحة هلك بوية و لون الحزن مر بيــك *** تلكة وجوه مليانه سماحة انا الردتك يبوية لساعة العوز *** الوكت هسة الوكت طبعة الوكاحة
موضوع حلو عاااااااشت اايادي يسلموووووووا
تحياتي بيكوو الارمني
العنوان: رد: محاورة بين اب وابنه
أرسل بواسطة: حمامة السلام في 11:46 11/02/2008
وانا لوحدي وصوركم كلها وياي *** صارتلي صبر كل التصاوير افرشهن كبالي من يجي الليل *** واحس العين هيــّــه بلا وعي ادير هاي امي وابوي وكل الاحباب *** يكون الروح طير ويمكم ايطي
عاشت الانامل على الموضوع الرائع يا وردة
العنوان: رد: محاورة بين اب وابنه
أرسل بواسطة: nuhra في 13:43 11/02/2008
قصيدة روووووعة يسلموووو سالونيكي
العنوان: رد: محاورة بين اب وابنه
أرسل بواسطة: nasir yako في 09:09 12/02/2008
حلو مانقلته لنا اناملك الحلوهيا سالنوكي ... الله يخليك
العنوان: رد: محاورة بين اب وابنه
أرسل بواسطة: njmat_alba7r في 11:51 12/02/2008