ankawa
المنوعات => استراحة المنتديات => استراحة الخواطر => الموضوع حرر بواسطة: ريلينا في 12:22 15/02/2008
العنوان:
الدمعة
أرسل بواسطة:
ريلينا
في
12:22 15/02/2008
ابي اسفح على صـدر المحبـه دم شريانـي
ابي اسكب على الماضي غزير الدمع يا عيني
ابي آقف على ذكرى طوت صفحات إنسانـي
أبا اروي قصة الدمعه عسى العشاق توحيني
تعالوا في فلك شعري تعالوا بيـن ضلعانـي
عسى المعنى يساعدني عسى التعبير يمديني
بداية قصة الدمعه جرت في غبـر الأزمانـي
بداها قيس مع ليلى واظـن اختامهـا فينـي
ألا شوفوا ترى ماتوا وصاروا طي الأكفانـي
ولا زالت محبتهم بهـا روح ٍ الـى الحينـي
غريبه قصة ٍ خلت صليـب الـراي حيرانـي
وأنا يـا دمعتـي جتنـي غرابيـل ٍ تكفينـي
تعبت من الزمان اللي ضحك لي ثـم بكانـي
وجيتي دمعة ٍ حمـرا علـى أثـره تبكينـي
نسيتي اول الأيام وأنا شخص ٍ تـرى ثانـي
أعايش دنيتي كالناس وأقوم بواجـب الدينـي
أنام الليـل لا هـم ٍ ولا هاجـوس يغشانـي
سعيد ولا دريت الحـظ يمـك قـام ينحينـي
عرفتك والصحيح انه تغيّـر كـل مـا كانـي
عرفتك واحسبك ضحكه تجمّل صفحة سنينـي
تواجهنا بلا موعد صـداف بغيـر حسبانـي
ضحكتي ضحكة ٍ صفرا حسبت انـك تحبينـي
بديت امسح على خدك وباحت كـل أشجانـي
تعانقنا وقمتي مـن غديـر الحـب تسقينـي
ألاعب شعرك بكفـي وأشـد بكفـي الثانـي
لفيتك وأرتميت بحضنك اللـي قلـت يدفينـي
قعدت أشكي عذاب الحب ليته كـان عدانـي
نسيتي ليلة ٍ وانتي علـى صـدرك تضمينـي
نسيتي اليوم والماضي وليت اليـوم ينسانـي
وانا يا دمعتي ما انسى غرام ٍ منـه تكوينـي
ولا انسى ولا اسلـى ولا جريـت الالحانـي
لان الضحك والفرحه قضى ما عـاد يعنينـي
هديتك وردة ٍ حمرا ربت في روض بستانـي
اراعيها واناظرها وتشـرب مـن شرايينـي
قعدت سنين الاعبهـا بناعـم كفـي الحانـي
وصارت وردتي شوكه وهي في وسط يدينـي
خساره ارتجي دمعه نمت مع خافي احزانـي
خساره احضن بشوكه وهي بالجوف تدمينـي
الا كم مرني خشف ٍ مـن الغـزلان يرجانـي
الا كم جاتني خفـرا بـداع الحـب تدعينـي
الا كم جادل ٍ طاحـت وكـم عـذرا تمنانـي
اعدد للـذي يحسـب هـو تسـع وثمانينـي
جزيت الكل بالصده وجيتك راكـب حصانـي
وفي يدي شبا رمح ٍ شـرب دم الحسودينـي
الا يالله كـم مـره دعيتـك مذعـن ٍ حانـي
وكم مره طلبتـك ساجـد ٍ بيـن المصلينـي
رجيتك يا الهي مـن عـذاب الحـب تاقانـي
ولا جاوبت لي دعوه واشوف ان واقعي شيني
وانا احمدك ياربي على مـا شـان او زانـي
واحط بضامري عفوك الى نفسـي تخطينـي
اناظر عالمي كله من الاقصـى الـى الدانـي
اناجي مالك الاكوان واخشع خافـض جبينـي
واقول الله يا ربـي عرفتـك بـي رحمانـي
تساعدنـي علـى حـب ٍ يعذبنـي ويبرينـي
جعلني كاره الدنيا وابيـت الليـل سهرانـي
تركنـي فاقـد ٍ عقلـي اداري بالمجانيـنـي
غريب ٍ وسط خلاني وبيـن الربـع وحدانـي
حياتي كنها ساجه علـى الامـواج تحدينـي
اساوم في زهر عمري وانا ادري فيه خسراني
ارقع ثوبي البالي تـرى مـا عـاد يكسينـي
الاعب حظ يرقص له على الضيقات شيطانـي
وانا حظي فلا يفرق تساوى الشين والزينـي
الا يا ناشد ٍ عنـي تـرى ضيّعـت عنوانـي
واظن ان قصة الدمعه بقت تالـي عناوينـي
ابا ارسم صورة الدمعه واسطرهـا بديوانـي
وانادي يا حمام الدوح ليـت اليـوم تنعينـي
تغني من على الاغصن حكاية صدق وجدانـي
وتحكي قصة الدمعـه علـى كـل المحبينـي
واقول القول يا ربي وانا من خلقـك الفانـي
توفق عاشـق ٍ وافـي وتمـم قـول آمينـي
منقول
.. وسلامتكـــــــم .. اختكم ريلينا
العنوان:
رد: الدمعة
أرسل بواسطة:
njmat_alba7r
في
12:28 15/02/2008
شكرا الكي ياوردة على الخاطرة الحلوة
العنوان:
رد: الدمعة
أرسل بواسطة:
FAITHFUL
في
15:25 15/02/2008
عاشت الانامل عزيزتي وعاش ذوقج في انتقاء كلمات رائعة تقبلي مروري تحياتي
(http://www.arb-msn.com/up/uploads/049d9cf99b.gif) (http://www.arb-msn.com/up)
(http://www.arb-msn.com/up/uploads/349c3297f7.gif) (http://www.arb-msn.com/up)
العنوان:
رد: الدمعة
أرسل بواسطة:
فادي تلسقوفي
في
15:45 15/02/2008
يسلمووووو على كلمات حلو عاشت الايادي
تحياتي فدوووو
العنوان:
رد: الدمعة
أرسل بواسطة:
nasir yako
في
17:40 15/02/2008
سلمت يمناك على هالكلام الحلو والخاطره الاحلى......
العنوان:
رد: الدمعة
أرسل بواسطة:
la-ya-galbe
في
18:40 15/02/2008
عاشت الايادي كلامات رووووووووعه يسلموووو
العنوان:
رد: الدمعة
أرسل بواسطة:
ريلينا
في
16:58 17/02/2008
طلتكم الاحلى نورتوا الخاطرة بوجودكم اختكم ريلينا