(غربة عراقي)
ظلمة والدرب هواية ابعيد
ومامش بعد موخلصن سنيني
فايت قطار الزمن وانة انتظر هناك
ماخذ احباب الكلب وانه ناسيني
الحزن امغيم علي ويمطر هموم
والفرح زعلان ومايجيني
امكضي العمر بل الحسرة والونات
وجمرة الغربة شكثر تجويني
اذا جوعان اشبع بعبرة الم
واذا عطشان دمع العين يسكيني
تعبان كلش والظهر مكسور
والزمن ياللاسف لاويني
ودنياي باعتني واختارت الغير
لان الشرف والغيرة صارن قوانيني
قاسي اشكد كلبج ورحمة مابي
وانه ابن الخير يادنيا بعتيني
رخيص اصبحت بس ماكو شراي
بس خطية طلع بس اللحد هو شاريني
.
.
.
.
ولابيت
طحت ابير الحزن والحسرة ولابيت
وروحي النداء الوطن لبت ولابيت
وتالي لاوطن عنـــــــــدي ولابيت
غريب بلا وطن واشكد خطية
ومات ابن العراق بس وصاني وصية
وكال من تجي بغداد كلهة
لاتلطم علية
لان كلبهة مايتحمل مصايب ولااذية
وسلملي اعلة دجلة والفرات هناك
وكلهم ابنكم اشكد عطشان مية
بس يلاسف علية متلحكون
لان صارت اسرع منكم هل المنية
واجت بغداد تنحب وتبجي وتون
على ابنها وتلولي هية
دللول يل والولد يبني دللول
عدوك عليل وساكن الجول
اتمنى ان تعجبكم القصيده
منـــــــــــقول
يسلموا الايادي على الموضوع الحلو والرائع
عاشت ايدك ستيفو ورده على الكلمات الحلوة
عاشت الانامل عزيزي ستيفن وعاش ذوقك في انتقاء كلمات رائعة تقبل مروري تحياتي (http://3arabstar.info/up/up/a6d27175d9.gif) (http://3arabstar.info/up)