ankawa

المنوعات => استراحة المنتديات => الموضوع حرر بواسطة: Moon Lihgt في 07:40 21/05/2008

العنوان: اشعار على الكهرباء هههههه
أرسل بواسطة: Moon Lihgt في 07:40 21/05/2008
فد واحد اشكد مايحب الكهرباء صار شاعر
يله خلي انشوف اشكتب

ماتگدر تجينه امحنيه رجليهه
بلوه الكهرباء شلون تاليهه

ماتگدر تجينه وطبع دلوعه
بس ساعه تهل وخمسه مگطوعه
وحنه الصيف اجانه شحلو موضوعه
الروح بيا مكان وّين اوديهه

ما تگدر تجينه وشاغله الافكار
واليطلب الحسنه المهر بالدولار
تشرط قصر عالي امحوّط ابأسوار
والمايگدرلهه بحرّه يگضيهه

ما تگدر تجينه وخايفه علينه
حكمتهه هوه التبريد ياذينه
ديدنهه تحبنه ودوم توصينه
سبلتكم قناعه فياي يغنيهه

ما تگدر تجينه والمكيف دوم
بي صارت كآبه وشال كومه هموم
تضحكله المهفه تگله جالك يوم
ارجع منشأك خل عزتك بيهه

ماتگدر تجينه والحكومه بخير
من يوم الاجت ما صار كل تغيير
لحظه والعقل يخواني مني يطير
ياهو من الوزاره لعلتي يدريهه

ما تگدر تجينه محنيه حته الراس
والمسؤل يحلف والله والعباس
مضروبه المحطه شبيدي يا هلناس
صبرولي سنه ... عشرين خليهه !!

ما تگدر تجينه والشعب داوي
خزّن ما يطيب الجرح شتداوي
اتحزم سبع يا خوي للواوي
وفرش عل سطوح عذيبي تلگيهه

ما تگدر تجينه والشمس تشوي
وفريزرنه خالي بس هوه يحوي
ووعود القياده وعود ما تروي
هيه اتريد امبيرين ننطيهه

ما تگدر تجينه والمولد فار
مشكور اعله تعبه وكفو منه وبار
يوميه بعطل حته المصلح حار
يفتر صبح ليل وحته ظهريهه

ما تگدر تجينه ونتوا خو تدرون
عدنه شلون صيف يذوب الفافون
مو لعبة طفل متونس ابّالون
من ايطگ محول ظلمه يغديهه

ما تگدر تجينه والگلب فرحان
أحنه اكثر بلد بالنفط والحرمان
وأحنه أسعد وطن محسود بالاوطان
من ناكل البيضه بچوله نگليهه

ما تگدر تجينه والجروح كبار
هادي الشعب ساكت يسمع الاخبار
واحد لزم كرسي وثاني شاله وطار
بس محد سأل عناس وشبيهـــــــه

ما تگدر تجينه وطالت المده
گمت أحلم بواط بدربي يتعدّه
يا كبر الصداع براسي شيهيده
والآلام كثرت من يداويهــــــه

ما تگدر تجينه وصايره هوايه
باليابان مرّه انطفت لحظايه !!
وحنه ارقام عدنه القطع بالمايه
وبدفتر جينس منهو اليجاريهه

ما تگدر تجينه وشنهو الجاره
راح انصب عله البيتونه فرّاره
بلكي بهوه شرجي ولنهه دواره
ولأجواء نوبل أسمي يضويهه

ماتگدر تجينه ومجلس النواب
سوّاله اجتماع مقفل الابواب
گال الحل شعبنه ينزع الاثواب
وبدجله وفرات السبح ينسيهه

ما تگدر تجينه الامم متحدات
تبحث بالعراق اوراق منشورات
وصلوا للنتيجه وأسف عاجل فات
گال ايران علنت عن نواويهه

ما تگدر تجينه وفتحوا الجوال
ووراق العراق بسلة الازبال
يامسكين شعبي محطم الآمال
روحك طور( داخل) بس يسليهه

ماتگدر تجينه وتوصل انّه اِلبيت
ديمقراط اجانه وهمر بالباكيت
من ماكو اناره عولمه ضويت
شوفواشگد جميله الوان تزهيهه

ما تگدر تجينه انگطع حته السير
والخضراء تزهي يغني بيهه الطير
رامس كوندليزه وحضر حته بلير
والسي آي أي ما گدر يحييهه

ما تگدر تجينه وصرت متأكد
خابرني الزعيم القطب والاوحد
بوش وگاللي لأحلامك توسد
ماتنحل يگلبي انخبط صافيهه

ما تگدر تجينه محنيه رجليهه

بلوه الكهربااااااااااااء شلون تاليهه


طبعا هل الشعر منقول  لاتكولون من كتاباتب لول
العنوان: رد: اشعار على الكهرباء هههههه
أرسل بواسطة: lena_wrda في 09:03 21/05/2008
ههههههههههه حلوة يسلموووووووووو لوول
العنوان: رد: اشعار على الكهرباء هههههه
أرسل بواسطة: Moon Lihgt في 13:34 21/05/2008
مرورج هو الرايع ياوردة  تسلمين
العنوان: رد: اشعار على الكهرباء هههههه
أرسل بواسطة: m*r*e*n*a في 15:38 21/05/2008
             ههههه عاشت الايادي  على اشعار حلووووه

ما تگدر تجينه وفتحوا الجوال
ووراق العراق بسلة الازبال
يامسكين شعبي محطم الآمال
روحك طور( داخل) بس يسليهه
العنوان: رد: اشعار على الكهرباء هههههه
أرسل بواسطة: hewy في 16:35 21/05/2008

اوووووووووووووووووووووووف من سوالف الكهرباء اللي متخلص
وشكرا على الخاطرة الكهربائية الحلوة


(http://www.mekshat.com/pix/upload/images45/mk39759_carv1um4.gif)
(http://7bna.com/up/uploads/22ceaf6669.gif)
(http://7bna.com/up/uploads/c3c2a30700.jpg)
 

العنوان: رد: اشعار على الكهرباء هههههه
أرسل بواسطة: FAITHFUL في 19:19 21/05/2008
هههههههههههههه نايس عزيزتي تقبلي مروري تحياتي 

(http://bagdady.org/up/uploads/d0de6dfee0.gif) (http://bagdady.org/up/)

(http://bagdady.org/up/uploads/f9990b26dc.gif) (http://bagdady.org/up/)

العنوان: رد: اشعار على الكهرباء هههههه
أرسل بواسطة: asyrian في 23:08 21/05/2008

         ههههههههههههههههههههههه عاشت  الايادي


 يسلموو ياوردة
العنوان: رد: اشعار على الكهرباء هههههه
أرسل بواسطة: كوكي في 23:41 21/05/2008
ههههههههههههههه كلش حلوة عاشت الايادي لبي يسلموو
العنوان: رد: اشعار على الكهرباء هههههه
أرسل بواسطة: رضوان ღ عذراء في 05:27 22/05/2008
hhhhhhhhhhhh


yslmo0o0o0o0o0o0o0o0o0o0o00o0ooooooooooooo