ankawa

المنوعات => استراحة المنتديات => استراحة الخواطر => الموضوع حرر بواسطة: njmat_alba7r في 09:57 19/06/2008

العنوان: رايح عالنتيجه
أرسل بواسطة: njmat_alba7r في 09:57 19/06/2008

رايح عالنتيجه

(http://bagdady.org/up/uploads/b03d2cb7dc.gif) (http://bagdady.org/up/)
رايح عالنتيجه اوراجع ابساع
موهذا كلامك يمه ليه

ليش اتعطلت يمه العصر فات
اوبدت تعصر ابروحي المغربيه

هلاهل ترس صدري اوبيدي جكليت
اوكبل اسبوع مشتريه الهديه

اتاني اوخبر عاجل طگني بالگاع
انفجار الجامعه المستنصريه

ولك يمه وصلتك ازحف ازحوف
لأن رجليه ماتن گبل اديه

لگيت اكتابك اوماشفتك اوياه
عفته اشلون مو رحتو سويه

اوجثه اتصيحلي من بين الرماد
موهيه گلت وآنه ادري هيه

حاجيني دخيلك ياضوه العين
الشضيه الصابتك موبيك بيه

انا اشتاگيت ابوس اجفوفك اليوم
ابگد مابوست انته بديه

وصية والدك بيدي آنه احنيك
ترضه ايگول خلت بالوصيه

اعرفك غيره كلك تذبح الموت
اوتگعد بس اشگ ثوب العليه

اعز الناس جنت اتگلي ياحيف
اعز الناس ذلتهه المنيه

ياجف القدر المن انمديت
ليش اتناوشت نجم الثريه

ابني البجت لمصابه الحمامات
وغتاظ الگمر ونخسف ضيه

ابني ابن العراق اوامه بغداد
ياهو الكتب مجهول الهويه


(http://bagdady.org/up/uploads/b03d2cb7dc.gif) (http://bagdady.org/up/)


قصيده اتأثرت بيها وحبيت انقلها الكم
اتمنى تعجبكم
تحياتي

العنوان: رد: رايح عالنتيجه
أرسل بواسطة: luayshamasha في 13:46 19/06/2008

همست للقلم فسطر اجمل الجمل

افرجت للكلمه وفكيت اسرها


فسطرت بها اروع الاسطر


همست للحرف فاجابك بكل تميز

الحلم الشارد

همساتك رائعه

واسلوب راقي ومميز


يسعدني التواجد بين صفحاتك

تحياتي وتقديري لك

عاشت ايدج وردة

العنوان: رد: رايح عالنتيجه
أرسل بواسطة: فادي تلسقوفي في 14:38 19/06/2008

كلمات حلوه عاشت الايادي ورده

تحياتي فدوووووو

العنوان: رد: رايح عالنتيجه
أرسل بواسطة: nasir yako في 19:02 19/06/2008

الله الله كلمات مؤثره فعلا خالو...نجمة البحر.

العنوان: رد: رايح عالنتيجه
أرسل بواسطة: كوكي في 19:19 19/06/2008

اوووووووووي نجومة شنو هل قصيدة تحرك الكلب

عاشت الايادي لبي يسلمو  كلج ذوق

العنوان: رد: رايح عالنتيجه
أرسل بواسطة: asyrian في 01:01 20/06/2008

                     كلمات حلوه عاشت الايادي ياوردة

العنوان: رد: رايح عالنتيجه
أرسل بواسطة: Hollandy في 15:27 20/06/2008

3asht aydch najma 3el al ne8l

she3r kolsh 7elo

te7yaty
hollandy

العنوان: رد: رايح عالنتيجه
أرسل بواسطة: njmat_alba7r في 18:41 20/06/2008

شكرا يااحلى ورود لمروركم الاكثر من رايع