-
ارتاح اشويه وانس همومك واقرا التالي لا تفوتكم لأنها كلش حلوة ومسلية وهي تثمينـا لصداقتنا وزمالتنا القديمة .
ظهرت الكثير من المصطلحات في الشارع العراقي لم يعرفها من قبل. ولهذا ارتبطت سخريتهم من الواقع اليومي المعاش وتحولت الى رسائل يتبادلها العراقيين عبر هواتفهم النقالة وهي عبارة عن تأوهات ينفثونها علها ان تكون (السخرية) تجد طريقا لتخفف من ألم ما يعانوه، وترسم بسمة على شفاه المتلقي.
محبتك بالگلب كومة ..
ومنك ما تجيني النومة
يروحلك فدوة المالكي وكل الحكومة
أحنه بالحب مدفعية ..
وبالرسايل قاذفات
صدگني لو يخلص رصيدي نشتغل بالهاونات
أحبك أكثر من سكان الصين
وعدد قواطي البيبسي بالدكاكين
وأزمة الگاز والبنزين
إرهابي ليش صاير مو أنت حباب
فجرت گلبي شبيك سويته عطاب
هواي من البشر حلوين ..
بس أنت لك ميزة
تدخل للگلب تهريب ما يحتاجلك فيزة
هم قصف هم قناص هم مدفعية
هم شوفة الغاليين حسرة علية ؟
كون أنگلب قانون وأحكم حكم عام
وأحكم على الينسون كلهم بالإعدام
ـ
لا غاز ولا گاز ولا رؤية الاعزاز
لا ماء ولا كهرباء ولا رؤية الاقرباء
لا تموين ولا بنزين ولا رسائل من الحلوين
أخطب شلع بالناس والساحة تشهد
وأعلن حظر تجوال لو غثك أحد
سلام ميسلمون ، سؤال ما يسألون ، رسالة ميدزون
راح أفخخ روحي بلكي بالفاتحة يجون
ـ
أحب حب عجيب ..
حب إرهابي بس شغله مو تخريب
وما يفرقني عنك حتى لواء الذيب
من گلبي أجر أسلاك حتى أتصل بيك
فدوة الرصيد يروح بس كون أحاچيك
لا آلو .. لا ترميش .. لا منك أخبار
ردنه خمس سنتات .. ما ردنا دولار
مجبور أدك أرقام تجبرني إيدي
دم گلبي أخلصه عليك مو بس رصيدي
أرسلك ألف بوسة .. بوسة تغار من بوسة
وأرسلك حنين وشوق يسوون الگلب هوسة
أنت النفس والروح ومن جسمي قطعة
والقلب لو ينساك من صدري أشلعه
ومن تجي منك رنة أحس روحي بالجنة
يرحون فدوة لعيونك أكراد وشيعة وسنة
أحبك حب ما ينكتب وصفه
أو عليك الگلب مثل الذهب وصفة
عليمن يكتب الدكتور وصفه
إذا عينك والشفايف صيدلية
أموت حسرة وقهر لو انت تنساني
وأرضى أعيش بسجن لو أنت سجاني
ـ
عن حبي إذا سألوك لا تنطي تفسير
سر مثل دم كليب وي سالم الزير
ـ
اذا تنسون ما ننسه .. أنتم للگلب شمسه
ياريت الدرب خطوات نجي ونشوفهسه
لا تضن يوم أنساك يلتسوه كل شي
تسوه العدل والمات والتوه يمشي
خيط وخرز ضليت سبحة آنة بيدك
مو صوچي ، صوچ الروح هي التريدك
مخبل وأحبك موت حب يهدم الحيل
عاد انت شوف شلون حب المخابيل
فهمني يالمحبوب موقف حضرتك
بالگلب كاعد ليش قابل غرفتك ؟
أحبك والنبي المرسل .. أموت عليك والزهرة
مثل حبي فلا موجود من دهوك للبصرة
أسأل عليك شصار ما راسلتني
سنتاتك مخلصات لو زاعلتني
كلك ذهب يا ذهب .. مابيك ذرة تراب
والصادقك ما خسر لا وحگـ داحي الباب
هاك الگلب والروح وعيوني أخذهن
دوم الك مشتاقات خلصني منهنـ
نسيانك شبيه الموت وذكرك في وسط جنة
حبك بالگلب منحوت أموت بقربك أتمنى
والحجر وأهل البيت والكافل أخته
والله من أعد أحبابي أولهنت
تسلم يا بعد الروح يسلم لسانك
بين الگلب والروح صاير مكانك
من أغمض أحلم بيك .. ومن أزعل احن عليك
ومن اصفن افكر بيك .. والكعبة أموت عليك
لو راح عطر الورد عطرك يضل يفوح
شما طال بينا البعد ساكن تضل بالروح
ذبحني الشوگ يا روحي وأحس الروح محتارة
تمنيت الگلب يمك تطفي بشوفتك ناره
ابقى على حبك دوم لمن أموتن
وخل يكتب الدفان قبر المجنونة
معذبتني هاي الروح بس تسأل عليك
أتمنى عندي جناح كل ساعة أمر بيك
تدري شوكت أنساك وبخاطري تهون ؟
من تلگه أسمي هناك بالنجف مدفون
شگد أخاف عليك وشگد أهم بيك
حزب الله لو يرضون نصر الله اسميك
أدعي الله والعباس سالم يخليك
تنساني لا ما اريد بس هاي اوصيك
******************************************
مع تحيات ابو فرات
--------------------------------------------------------------------------------
-
عاشت ايدك ابو فرات الغالي
جمل وكلمات في غاية الروعة
لا غاز ولا گاز ولا رؤية الاعزاز
لا ماء ولا كهرباء ولا رؤية الاقرباء
لا تموين ولا بنزين ولا رسائل من الحلوين
تحياتي
عقيل عامر
-
مشكور على الكلمات والمسجات الاحلى يا دجلة والفرات....تحياتي أنجل.
-
مشكوور ورده على الموضوع حلو ورده
تحياتي فدوو
-
عاشت الايادي على الموضوع الرائع
-
العم ابو فرات
فعلا كلمات حلوه ومسلية
تسلم اناملك الى نقلتها النا
... تحياتيــــــ ...
**مع حــــــــــبي احلـــــــــــى عراقـــــــــــــية**
-
يا مية هلا بالطيب الغالي اللي نور بوجوده الاستراحة
ويسلمووو على المسجات الروووووووووووووووووووووعة
(http://www.mekshat.com/pix/upload/images45/mk39759_carv1um4.gif)
(http://7bna.com/up/uploads/22ceaf6669.gif)
(http://7bna.com/up/uploads/c3c2a30700.jpg)
-
منور عمي الورده
يسلمو على المسجات الروعه
-
هم قصف هم قناص هم مدفعية
هم شوفة الغاليين حسرة علية
عاشت الايادي وردة
-
كلش حلوة ابو فرات عاشت ايدك فعلا مسلية
-
لو راح عطر الورد عطرك يضل يفوح
شما طال بينا البعد ساكن تضل بالروح
مشكور على الموضوع الرائع والكلمات الاروع ....عاشت الايادي ...
تقبل مروري
-
شكرا وردا على الموضوع تقبل تحياتي
-
يسلمووو
-
أنت النفس والروح ومن جسمي قطعة
والقلب لو ينساك من صدري أشلعه
ومن تجي منك رنة أحس روحي بالجنة
يرحون فدوة لعيونك أكراد وشيعة وسنة
يامليووووون هلا ياطيب منور الاستراحة عمو ابو فرات الوردة مسجات روعة وحلووووة
-
3asht aydek دجلة والفرات
3ela hel al mesjaat al ro3aaaa
te7yaty
hollandy