-
صدك تقبل حبيبي لغيري هسة تصير؟؟
صدك تقبل حبيبي لغيري هسة تصير؟؟
وصدك مليت مني وبعد متحبني؟؟
وصدك هانت عليك اسنينه الحلوات
وما هانت عليك شلون تتركني؟؟
شجاك تغيرت وبكلبك انته شصار؟؟
جنت تموت بية وجنت تعبدني
وجنت اتنفسك وانته الهوه بدنياي
وجنت لو تبتعد لحظات .. تخنكني
معقولة الورد ينكر جميل الماي؟؟
وانته بهالسهولة تنازلت عني؟؟
ما أنكر مقصر إجت فترة وياك
لكن مو بدية الوكت يجبرني
شفت يمك نفط وابين اديك الماي
وأنه بناري اشتعل ردتك تخلصني
لكيتك بالعكس مايَك شمرته ابعيد
وجبت النفط بيدك حته تحركني
شسولفلك بعد؟ طعم السوالف راح
ردت منك توافي وخيبت ظني
أدري الوكت هو الخله كلبك هيج
وادري منو الناس الباكتك مني
وقبل لا تبتعد عندي سؤال ارجوك
فكر وية روحك عود جاوبني :
باجر لو متت وتشوفني بتابوت
هم تبجي علية وبعد تذكرني؟
منقول
تحياتي
فادي تلسقوفي
-
روعة فدو على الكلمات الحلوة عاشت ايدك
-
مشكوور ماري الورده على رد حلو نورتي الموضوع
تحيايت فدووووو
-
روعة فدو على الكلمات الحلوة عاشت ايدك
-
روعة فدو على الكلمات الحلوة عاشت ايدك يامبدع
اخوك المحب
-
عاشت ايدك ورده فادي عالكلام الحلو...
-
مشكور على ردودكم حلوه احلى ورود
اخوكم فدوووو
-
عاشت الايادي يا مبدع على هذه الكلمات الجميلة
(http://www.ankawa.com/upload/488/i314367590.gif)
-
مشكور على ردودكم حلوه احلى ورود
اخوكم فدوووو