ankawa
المنوعات => استراحة المنتديات => استراحة الخواطر => الموضوع حرر بواسطة: njmat_alba7r في 23:16 11/07/2008
العنوان:
أبن خــــال الــــكلب..........
أرسل بواسطة:
njmat_alba7r
في
23:16 11/07/2008
احترمك نعم .. وعيوني هاي انطيك
وانته الروح كلهه وروحي هاي انته
لكن ما احبك بالعواطف ذيـــــــــــــج
خلص حبي حطب والنار حركتــه
صحيح اضحكلك اني وأبتسم وياك
واشاقيك بسوالف لو ضحك ..نكته ..
قريب انته علي وتهمني كلش حيل
ابـــــــــــــــــن خال الكلب انت وابن عمته
صح جنت اني احبك حب شخص مجنون
وافكر بس بديك وخدك البستــــــــــــــه
بس فات العمر والماضي مثل الريح
يمر بكل شخص ويذكره بقصته
ولو قصتي انتهت ... بس تبقه فوك الراس
يا ورد الورد كل شعري عطرته
يالطبعك وفي صدكني مامجروح
داويت الجرح مايوم عذبتـــــــه
خلينه اصدقاء وللنهايه نصير
والذكرى نهر شمس الله بخرته
لتحير شجرالك لا تلوم الروح
كل انسان شايل بالجفن علته
الف مره اغلطت وياك واتعديت
والف مره جرحتني ودمعي نزلته
هاي الدنيه اضحك لاتدير البال
همك ويه همي بليل كاسرته
شربته بكاس عمري الماعرف يرتاح
وغصبا عالوكت كل جرحي خدرته
غصبا عالوكت ما ازعل اني وياك
ولا اخلي العواذل بينه متــشــــمته
صفحه اجديده فاتح .. صافح ايدي شبيك
معذور انته كلبك والله سامحته
وتبقه اكثر شخص كلبي نزفله اشعار
وتبقه انته الصديق الغالي ...تبقه انتـــــــه
منقولة
العنوان:
رد: أبن خــــال الــــكلب..........
أرسل بواسطة:
nasir yako
في
02:58 12/07/2008
عاشت ايدج عالاختيار الحلو وذوقج الحلو....
العنوان:
رد: أبن خــــال الــــكلب..........
أرسل بواسطة:
njmat_alba7r
في
23:30 15/07/2008
شكرا ياوردة لمرورك الرايع
العنوان:
رد: أبن خــــال الــــكلب..........
أرسل بواسطة:
قمر 14
في
05:56 16/07/2008
عاشت الايادي على الخاطرة الحلوة
العنوان:
رد: أبن خــــال الــــكلب..........
أرسل بواسطة:
njmat_alba7r
في
04:54 19/07/2008
الف شكرا لمروركي العطررررر
العنوان:
رد: أبن خــــال الــــكلب..........
أرسل بواسطة:
atoraia_6
في
12:01 19/07/2008
سلمت اناملك على هذا الموضوع
دام تألّقــــــــــــــــــــــــــك وننتظر المزيد من الابداع