-
شلونكم حبايب......:
سوالف البنات بالكليه ويه الولد
ابنيه وزميلها بالكليه ديحجون حجي عادي
طبعا ما اسولفلكم الولد دايخ من الجذب قصدي من السوالف الي كاعد اتكولها البنيه ............ ......... ......... ......... ......
البنيه : هاي اشلونك
الولد : هلو عيني اشلونج انتي ان شاء الله زينه
البنيه : الحمدلله شكو ماكو
الولد : والله كلشي ماكو صافيه دافيه
البنيه : والله ضوجه عفيه شنو هاي حتى ما اليه واهس كلشي اسوي (( هيه مكضيه الليل كله بس تعرض بالغرفه وحايره شتلبس الصبح من اتروح للكليه عبالك راح يجوها خطابه ))
الولد : حتى اني ما اليه واهس كلشي اسوي وتعبان كلش
البنيه : والله تعبت من الوكفه عفيه اروح للكافتريا (( خطيه اتريد تاكل براس الولد ))
الولد : ها اي اي يله اروح للكافتريا (( اي ادري شنو مماكله ابيتكم ))
دخلو للكافتريا وشايفين الكافتريا اشلون هوسه كله كروبات واغاني
الولد : شنو تاكلين عيوني
البنيه : لا اني ما اكل بس اريد عصير
الولد : اوكي
راح الولد ايجيب عصير راني اللهم
الولد : اتفضلي عيوني
البنيه : شكرا
لق لق هاي يعني فتحو القواطي مال عصير راني
البنيه : اشكد طيب هذا العصير طبعا بابا ايجبلنه اشكد صناديك من عصير راني (( هيه مال صناديك راني هو اني مكضيته اتحللين تيستي ايد بالمي واشربين ))
الولد : الف عافيه عيوني
طرن طرن دك التلفون مال البنيه .. الو هلو مامي اشلونج حبيبتي لا عفيه مامي لتروحون لنادي الصيد اله اني اجي عفيه انتضروني (( هيه حتى متندل نادي الصيد وين صاير بيا منطقه ))
البنيه : هاي مامي اتكول احنه رايحين للنادي الصيد اكو حفله مال حسام الرسام
الولد : اي عيوني روحي اتونسي غيري جو اشويه (( اشكد جذابه هو حسام الرسام بعمان البارحه طلع لقاء ويه على قناة الشرقيه
البنيه : احنه كل سبت والاثنين واربعاء بنادي الصيد اروح نتونس
الولد : اي عيني روحوا اتونسو (( لك هاي شنو اني كاعد ويه ابنيه لو ويه مسيلمه هاي يطلع الفيل من حلكها يضرب جلاليق
البنيه : اكول انت وين اتقضي وقتك
الولد : والله اني بين يوم ويوم اروح للقاعه مال الحديد اتمرن اشويه لو اكعد ويه اصدقائي بكهوة ايوان نشرب نركيله وراها نلعب لعبه حلو نلعبها مجموعات اسم اللعبه
medal of honor وارجع للبيت واكعد واسكت لو نكعد اني واصدقائي كدام الباب نضحك ونسولف
البنيه : اي يعني زين اشويه تطلع اتشوف عالم اتغير جو
الولد : انتي وين مكضيه وقتك
البنيه : اني لما ارجع من الكليه اسبح (( هو المي صارله 3 ايام مكطوع ببغداد )) ومن اطلع من الحمام اشسور شعري (( اشسور شعرها بالاوتي )) وراها اذا الكهرباء مطفيه اخلي بابا ايشغل المولده الجبيره مالتنا (( تايكر 6 امبير )) وره ما ايشغل بابا المولد افتح السبلتات مال البيت لان منكدر بدون سبلتات (( مراوح عاموديه ))
بعدين افتح الثلاجه احير شنو اشرب من عصاير بس اني المفضل عندي الراني (( تيستي ايد ))
وراها اكعد اقره اشويه واراجع المحاظرات (( تقرى شكو مجله )) وبعدين انام اكعد ساعه 6 ونص الصبح اغسل وابدل واجي للكليه (( هيه تكعد ساعه 3 الصبح تبدي اسوي بروفات وعروضات وتبلط الشوارع مال وجها )) يله اوكي شكرا على العصير لان اني اريد اروح راح يجي عليه اخويه بسيارته الغواصه ياخذني واني اخاف ايسلبوه لان كلش غاليه (( هيه كرونه معوقين سوتها غواصه )) وعلمود هم اروح للحفله ما حسام الرسام
هجم بيت البانيه اشكد تنفخ
الولد : اخذي راحتج عيوني وعود سولفيلي على الحفله (( خرب ببليسج اشكد تهمبل)).
مع تحياتي اخوكم سؤدد شامايا
-
هههههههههههه
يسلمو وردة على المو ضوع الحلو
بس ليش البنات هيجي كلاوجية
خخخخخخخخخخخخ
-
لا و الله دا تضلمونا انتو الولد
مو كلنا هيج و اصلا منحب راني
هههههههه
تسلم اخوية سؤدد
تقبل مروري
بنية القوشية
-
شكرا لمروركم يا اخواني واشكركم هواية على الردود. بس اريد اكللكم موكل البنات هيج احنا مو كلكم ضالميكم اوكي هههههههههه.
تحياتي الكم اخوكم سؤدد شامايا
-
هههههههههههه اخ سؤدد اصابعك مو كلها سوى
(http://7bna.com/up/uploads/22ceaf6669.gif)
(http://7bna.com/up/uploads/c3c2a30700.jpg)
-
ههههههه
اكيد مو كلهم سوى ... هوايه دتظلمون البنات شباب ها هههه
شكرا اخ سؤؤدد واهلا وسهلا بيك نورت الاستراحه واتمنالك التواصل والابداع
تحياتى العطره
-
هههههههههههه اخ سؤدد اصابعك مو كلها سوى
-
Noooooo العكس صحيح اصلا الولد ميعرف شيسوي بس حتى البنية تباوع بيه موووو لو مومو
وشكرا على موضوعك الطريف
تحياتي
مــلاك
-
هههههههه وين البنات ووين الكلاوات خطية احنا بعيدين كل البعد عن هلسوالف لول هه
شكراً اخ سؤدد على الموضوع الفكاهي الرائع منك
دمت بخير
تحيــــــــــــتي
-
سؤدد ليش هيجي مو خطيه البنات
بس الحقيقه عصير راني كولش طيب خخخخخخخ
هسه الي يقرا هل موضوع راح يكووووول الشباب اببببببببببببببد ميطيرون فياله و كول الفياله يم الشباب
موضوع كولش حلو عاشت ايديك اخ سؤدد
تقبل مروري
تحياتي
[/size]
-
شكرا الكم يا اصدقاء على الردود اني اعرف مو اصابعي كلها سوى بس صدكوني اني جانت نيتي انو شوية نستمتع بوقتنا ونضحك وصدكوا لو جان هذا الموضوع بالعكس يعني على الولد جان هم نزلتة لانو ماكو فرق بين ولد و بنت ارجو انو ما ضوجت اي بنت بهذا الموضوع .
اخوكم سؤدد
-
ههههههههههههه يسلمووووووو ع الموضوع الحلوووووو
-
اويلي من البنات
شباب ديروا بالكم من عدهم ها
صقر الميكانيك وشكرا على الموضوع الرائع
-
3asht your hands a5oya
klawat 7lloa
hhhhhhh
yslamoo
r love b
malek telskuf
the king of telskuf