ankawa
منتدى الهجرة واللجوء => الهجرة و واللاجئين => الموضوع حرر بواسطة: Rania_30 في 11:51 16/10/2008
-
صباح الخير
لدي عائلة من اقاربي في لبنان وصلوا من العراق قبل ايام وعندهم موعد مقابلة مع منظمة الامم المتحدة للاجئين بعد ايام.
هل يوجد اى من الاخوة والاخوات من الذين قدموا لجوء من لبنان بامكانه ان يعطيني اي معلومات عن المقابلة الاولى؟ مثلا كم تستغرق؟ كم شخص قابلهم؟ ما هي نوعية الاسئلة التي سوئلت؟ او اي معلومات اخرئ عن المقابلة.
اكون شاكرة جدا لاي معلومات حول الموضوع.
رانيا
-
اختي رانيا ....المقابلة الاولى بلبنان يقبلهم موظف من اليو ان بعد ان يتم مليء استمارات يسجلون بيهة معلومات مثل عنوان السكن ورقم الجواز والتلفون وتفاصيل اخرى بعد مليء الاستمارات تتم المقابلة ويسالون بيهة عن معلومات عامة وشنو سبب التقديم على المفوضية للجوء وين ساكنين شلون تتهددتم او ليش مضطهدين وشنو السبب اللي يمنعكم من الرجعة للعراق واذا منتمين الى حزب البعث والتحصيل الدراسي والخدمة العسكرية اهم شي لازم المعلومات والتفاصيل اللي ينطوها تتطابق بكل المقابلات يعني اهم شي من يذكرون تواريخ سفر او تهديد او اي تفاصيل اخرى لازم يكتبوها على ورقة وتنحفظ لان نفس الاسئلة مع تفاصيل اكثر راح تنعاد بالمقابلات الاخرى الواحد لازم مايغلط بالتواريخ والتفاصيل ابد,,,,المقابلة الاولى راح يسالون عن القصة بمختصر مفيد وبعدها ينطون استمارة يو ان تثبت ان المتقدم هوة طالب للجوء ممكن بعد شهرين او اربعة يتم مقابلة ثانية وهل مرة راح يسالون نفس الاسئلة مع تفاصيل اكثر وهية المقابلة اللي عادة تحدد اذا كان الشخص المتقدم يستحق اعادة التوطين الى بلد ثاني......عادة همة يركزون على التهديد الشخصي يعني من الافضل عدم ذكر اسباب مثلا احنا تركنا العراق لان الوضع مو زين او انفجارات هاي السوالف مايقتنعون بيهة....بعد المقابلة الثانية واذا الله سهلهة يتحول الملف الى احدى الدول اللي المفوضية تختارها مو الشخص هوة اللي يختار مثلا امريكا ويتم مقابلتين بعد هل شي وطبعا الفترات اللي بين المقابلات تعتمد من شخص الى اخر كل واح وحظه.... تمنياتي بالتوفيق
-
الف شكر اخي العراقي على المعلومات.
ساقوم بايصال المعلومات الى اقاربي.
اكون شاكرة جدا للاية معلومات اخرى من بقية الاخوات والاخوة.
رانيا
-
الى الاخت رانيا ليس المهم المقابله الاولى فهناك اربع مقابلات اخرى وبين الواحدة
والواحدة يطول الوقت ربما سنه ولكن المهم ان تصلي الى مقابلة التوطين الآن اصبح
الوقت هكذا فالمقابلة الآولى ليست بالمهمة هي شي عادي المهم مقابلة التوطين
لرفع الملف الى بلد ثالث ..
بوش بشلامه / ابو شذى الوردة
-
الف شكر اخي عوديشو على الاجابة وساوصل المعلومات الى اقاربي.
بانتظار اي معلومات اخرى تفيد الجميع.مع جزيل الشكر.
رانيا
-
صباح الخير
لغرض افادة الجميع انقل لكم تفاصيل المقابلة الاولى حسب ما اعلموني اقاربي.
المقابلة كانت مع شخص واحد واستغرقت ساعتين.
الجزء الاول كان معلومات مفصلة عن كافة افراد العائلة (الاسماء و تواريخ الميلاد والشهادات الخ).
الجزء الثاني معلومات مفصلة عن سب التقديم بالتواريخ والاسماء، يعني دقة شديدة بالتفاصيل.
بعض الاسئلة كان القصد منها احداث ضغط نفسي وارباك لمعرفة اذا الشخص يقول الحقيقة ام لا.
ارجو ان تكون هذه المعلومات مفيدة.
وعندي سؤال اذا بالامكان مساعدتي بالرد ،من لبنان هل الدولة الوحيدة الي يسفرون الها هي اميركا؟
هل احد سافر من لبنان ال كندا او دول اخرى عدا اميركا؟
مع جزيل الشكر
رانيا
-
الاخت العزيزه رانيه ... هذا المشروع مال اعادة التوطين هو مشروع امريكي يعني الراعيه مالته هي الولايات المتحده الامريكيه فانت مباشرة (في اغلب الاحيان) بعد المقابله الاولى رح يتحول الملف الى السفاره الامريكيه ورح ياكدون عليج باتصال هاتفي قبل المقابله الثانيه بس انت اذا تكدرين كوليلهم مثلا انو عندج اخ بكندا واخت بكندا وهذي عناوينهم بس بصوره غير مباشره تذكرين الاسامي بهذي الحاله راح تترجحلج كندا مثلا.... اني في تركيا النظام هنا اتقابلين الاولى مال يو ان وراها يجي التحويل على ICMCI هذي تعني الامريكيه واكو قسم اتحولو على الاستراليه الي بالفتره الاخيره قامت بتسهيل المعاملات وقبل فتره كالولي انو شخص اتحول عل سويديه وهذي روعه طبعا لان مقابله وحده بعد اليو ان وفحوصات وخلال اربعه او خمس اشهر انت مسافر على اقصى تقدير بس هذي للمحظوظين كلش... من الله التوفيق
اخوكم اماسيا
-
اخت رانيا ممكن سؤال؟
ممكن تعلميني اشكد المده بين موعد التقديم وموعد المقابله؟
تحياتي
اماسيا
-
عزيزتي رانيا بالنسبة للسفر من لبنان حاليا مديجي غير الوفد الامريكي يعني كل اللي مسجلين هسة ودينتضرون مقابلة الوفد فالوفد هوة الامريكي وماكو غيرة حاليا واذا احد ميحب يروح لامريكا يكدر ياجل وينتضر الى ان يجي وفد من غير دولة بس شوكت الله اعلم فالاحسن انو الواحد يقبل باي وفد يجي حتى لو ميريده حتى لايتاخر
-
الى الاخت اماسيا الفترة بين التقديم وموعد المقابلة بين شهرين الى اربعة اشهر مو اكثر وانى اعرف جميع اصدقائى واقربائى كانت المدة شهرين فقط مو اكثر وشكرا