ankawa

منتدى الهجرة واللجوء => الهجرة و واللاجئين => الموضوع حرر بواسطة: الامريكي22 في 09:19 17/10/2008

العنوان: كيف نصل للسويد من العراق
أرسل بواسطة: الامريكي22 في 09:19 17/10/2008
اخوتي واخواتي
اليوم الموضوع مختلف شويه ,, قررت ان اعرف كيف اسافر للسويد من العراق
بكل الطرق الشرعيه والغير شرعيه
وارجو ممن لديه أي درايه بالطرق الشرعيه (فيزا) او تهريب
واني سمعت انه اكو مهربين يسو ن الك جواز سويدي وتروح عادي من مطار بغداد للاردن او لبنان ومن هناك للسويد عاى انه انك مواطن سويدي من اصل عراقي
او مياخذون فلوس لالمن توصل ...
ارجوا من الاخوان الي عنده اطلاع او تجربه ان يفيدنا

العنوان: رد: كيف نصل للسويد من العراق
أرسل بواسطة: Antonios في 09:25 17/10/2008
أخي العزيز الأمريكي , بعد التحية

لا أنصحك بهذا الإجراء الآن , لأن الدول الأوروبية , لديها توجيه من الإتحاد الأوروبي بعدم استقبال لاجئين يأتون بصورة غير شرعية أو رفض إعطائهم حق اللجوء أو الإقامة وقد بدأ هذه السنة ويتم التشديد عليه حالياً وحصر القبول فقط لللاجئين القادمين عن طريق المفوضية التابعة للأمم المتحدة .

هذا ولكم الإختيار

أخوكم في الإنسانية
Antonios
العنوان: رد: كيف نصل للسويد من العراق
أرسل بواسطة: كلدانية في 19:08 18/10/2008
أخي العزيز وتاكيدا لرد الاخ أذا تنلزم  راح تسجن 18 شهرا وتمنع من دخول دول الاتحاد الاوربي لخمس سنوات


العنوان: رد: كيف نصل للسويد من العراق
أرسل بواسطة: Poloko_Kozmo في 20:28 18/10/2008
شلاما تا خوني انطونيوس وخاثي كلدانية...........

من شوكت هذا الكلام مال حبس 18 شهر؟؟؟؟؟؟؟؟ لحد الان العالم جاي تجي وجاي يستقبلوها بهولندا والمانيا......... ممكن اعرف وين هذا الكلام بيا دولة وشوكت بدا العمل بيه؟.......

مريا الاها شاوقلوخون......

ستافروس جورج بهنام
اثينا
العنوان: رد: كيف نصل للسويد من العراق
أرسل بواسطة: outtoother في 18:21 20/10/2008
عيني الاتحاد الاوربي و بشكل خاص بالسويد  بطل ينطي لجوء للعراقيين بشكل عام و للمسيحين بشكل خاص
فاحسنلك لا تفكر تجي للاتحاد الاوربي
احسنلك روح عبر اليو ان لستراليا لو امريكا لو كندا
ترا اني احجيلك من خبرة صارلي هنا من شهر ال11 بعام 2007 و لحد الان السويد جاي يشتغلون بمعاملات الناس الي جتي بشهر ال9  عام 2007
خلي باللك اذا اجيت متاخذ النتيجة قبل سنة و نص و  اذا بقوا على هذه السياسة الي بدوها من شهر الثامن  بعام 2007 الكل دياخذ رفض
و خلي باللك الجية بجواز المزور من بلد عربي اكيد تنلزم 100 بالمية
لان هسة بالمطارات العربية من سوريا او عمان لو لبنان لو دبي يوكف رجل امن بالبوابة مال طيارة و يجيك واحد واحد من يطلع
علما ان الجواز مال مقيم هذا جواز الكتروني يعني بية شريحة مثل السم كارت مال موبايل
مجرد ايخلي الجواز كدام جهاز خاص راساً تطلع كل المعلومات مال الجواز حتى صورة الشخص صاحب الجواز
و ما اعتقد المهرب يكدر يوصل الى هاي الشريحة و يخزن بيها معلوماتك او صورتك
لذلك اول مراح يحطون الالجواز بالجهاز راسا راح ااشر هذا الجواز مو رسمي
و راها كبل على الامن السوري لو اللبناني
و ما تطلع مناك لو منو يجي
اني احجيلك من واقع زوج بت خالي انلزم بهذا الاسلوب و نذب سجن بالامن الاردني
وطبعا المهرب ياخذ من توصل لان شغلتة ما مضمونة ايكلك وصل ينطيني و اذا ما وصل المهرب ما خسران شي
انت الي راح اتشوف الويل بالسجن 
العنوان: رد: كيف نصل للسويد من العراق
أرسل بواسطة: سيف الاعور في 12:10 21/10/2008
الاخ العزيز
الفيزا من العراق الى السويد 14000 دولار وبشرط  الوصول تدفع النقود اما بلنسبة للاخ outtoother فهل المقصود بجواز الشبيه ؟ وحتى في حالة حصولي على جواز شبيه فما امكانية امساك الضابط المسؤول لحامل الجواز لان حامل الجواز البديل يشبه حامل الجواز الاصيل وشكرا"   
العنوان: رد: كيف نصل للسويد من العراق
أرسل بواسطة: سيف الاعور في 21:54 22/10/2008
شكرا اخي العزيز ستافروس على الرد وعلى هذه المعلومات
العنوان: رد: كيف نصل للسويد من العراق
أرسل بواسطة: نــــــــــوار تيتــــــو في 15:53 30/08/2011
عيوني بغض النظر عن السويد صعبه با الاقامات

اذا تريد تطلع تهريب من تركيا اكو هوايه يوصلوك تحياتي
العنوان: رد: كيف نصل للسويد من العراق
أرسل بواسطة: need justice 1 في 15:56 30/08/2011
اخ نوار اشلونك
الله يرضى عليك اللي بتركيا شغلهم كبل لو بس لليونان وانته تحير بنفسك
العنوان: رد: كيف نصل للسويد من العراق
أرسل بواسطة: Abdullah2006 في 15:59 30/08/2011
مقتبس من: نــــــــــوار تيتــــــو في 15:53 30/08/2011
عيوني بغض النظر عن السويد صعبه با الاقامات

اذا تريد تطلع تهريب من تركيا اكو هوايه يوصلوك تحياتي

شكد تكلف الطلعه من تركيا تهريب نوار؟؟

مقتبس من: ياروحي في 15:44 30/08/2011
يمكن راح انفكر من جديد

اي بس يبيلها مبلغ . شلون؟
العنوان: رد: كيف نصل للسويد من العراق
أرسل بواسطة: نــــــــــوار تيتــــــو في 16:52 30/08/2011
مقتبس من: need justice 1 في 15:56 30/08/2011
اخ نوار اشلونك
الله يرضى عليك اللي بتركيا شغلهم كبل لو بس لليونان وانته تحير بنفسك

لا حبيبي راح ذاك الزمن ما روح على يونان وحير بنفسك
  
هسه كلها على المضمون
العنوان: رد: رد: كيف نصل للسويد من العراق
أرسل بواسطة: نــــــــــوار تيتــــــو في 16:55 30/08/2011
مقتبس من: Abdullah2006 في 15:59 30/08/2011
مقتبس من: نــــــــــوار تيتــــــو في 15:53 30/08/2011
عيوني بغض النظر عن السويد صعبه با الاقامات

اذا تريد تطلع تهريب من تركيا اكو هوايه يوصلوك تحياتي

شكد تكلف الطلعه من تركيا تهريب نوار؟؟

مقتبس من: ياروحي في 15:44 30/08/2011
يمكن راح انفكر من جديد

اي بس يبيلها مبلغ . شلون؟



حبيبي تكلف من دفتر  الى دفتر  و30 ورقه  يعني تجي حسب الطريقه والضمان

واذا عندك احد ثقه بتركيا   تسلمله الفلوس  

لان هسه الطلعه صارت اذا ما تصل مراح تدفع قرش واحد
العنوان: رد: كيف نصل للسويد من العراق
أرسل بواسطة: الذكي في 21:47 30/08/2011
[color=red]  رد: كيف نصل للسويد من العراق
« رد #3 في: أكتوبر 18, 2008, 07:28:19 pm »   

--------------------------------------------------------------------------------

شلاما تا خوني انطونيوس وخاثي كلدانية...........

من شوكت هذا الكلام مال حبس 18 شهر؟؟؟؟؟؟؟؟ لحد الان العالم جاي تجي وجاي يستقبلوها بهولندا والمانيا......... ممكن اعرف وين هذا الكلام بيا دولة وشوكت بدا العمل بيه؟.......

مريا الاها شاوقلوخون......
ستافروس جورج بهنام




كلامك ذهب اخ ستافروس ما اعرف منين الناس دتجيب هاي الاشاعات مال 18 شهر حبس عمي اسبوع متطول وانت بالمانيا لو بهولندا لو بلجيكا اني اكولك السويد هم توصل وبسهولة بس صعب يقبلوك كلاجئ بس بقية الاتحاد الاوربي روح وخطيتك بركبتي   اثينا [/color]
العنوان: رد: كيف نصل للسويد من العراق
أرسل بواسطة: كلي امل في 22:48 30/08/2011
اخوية بلاضافه للي ذكرولكيا اخوتي احب انصحك ابد لتسافر بجواز سويدي لان ابن خالتي هم سافر للبنان بجواز سويدي وشكو بي اللبنانين وسألو انت سويدي گال اي طبعا گلوله شنو اصغر عمله بلسويد الفلوس يعني گلهم ماعرف وفات جوه بقى 7اشهر بلسجن وبلواسطات والفلوس يلله طلع
العنوان: رد: كيف نصل للسويد من العراق
أرسل بواسطة: muter30 في 00:01 31/08/2011
أول شي كل عام وانتم بألف خير أنشاء الله تسهل كل اموركم

حبيت استفسر من الجميع الي يكدر يطلع فيزه من بغداد الى دوله اوربيه يروح الى هناك يريد يقدم على لجوء بالدوله الي فاتحه هل توثر البصمة الي بصمه بالسفارة بغداد على ملفه   في الدولة الفاتحة لجوء للعراقيين ممكن تفيدونا بخبراتكم 

ولكم جزيل الشكر

 ??? ??? ??? ??? ???
العنوان: رد: كيف نصل للسويد من العراق
أرسل بواسطة: steve101st في 01:14 31/08/2011
الي يريد يطلع تهريب يحجي ويايه وان شاء الله افيده بانسب الاسعار وارخصهن اي بلد باوربا وعلى الضمان يعني الفلوس متدفع درهم اذا متوصل
العنوان: رد: كيف نصل للسويد من العراق
أرسل بواسطة: فارس الغربة في 23:12 31/08/2011
هذا موضوع قديم من 2008  ???