ankawa
المنوعات => استراحة المنتديات => استراحة الخواطر => الموضوع حرر بواسطة: نوس الالقوشي في 03:33 10/11/2008
-
حرية كبل مختلفة عدنا اليوم
هسة تطورت عالدش اثاري
كبل نسمع حليم ونسمع ام كلثوم
هسة الساحة لبرتني ومساري
كبل اريل هوائي وساعة افرن بي
وكوة اسحب قناتي واليبث جاري
هسة الدش اجاني وغير الموضوع
حتى البالقمر يعرف اخباري
كبل لمن نحب نتحاجة بالنظرات
ونخجل مانجيب لشخص طاري
هسة ياشرلها وتفتح بلوتوث
يدزلها الرقم وبشكل طياري
كبل البنية جانت تخجل تحاجيك
هسة وياك تحجي وكلشي متداري
تكلك ليش خايف آنه بوية اسبورت
واخوتي مااضم عنهم اسراري
كبل لو وحدة رادت تلبس بتفياك
عباية وشيلة جان اللبس ساري
هسة اللبس صاير كل برمودة
وشبرين البدي والجسم عاري
بس الله اللي يستر من زمنا الجاي
راح تصبح خرافة كلها اشعاري
وباجر راح يجي شاعر ويشوف الناس
ويترحم على وكته المساري
ويترحم على وكته المساري
منقوله انشاء الله تعجبكم اخواني
-
انشاء الله تعجبكم
-
عاشت ايدك عالكلام الحلو اللي نقلته ايديك الحلوه.....
-
حلوه يسلمووووووووو
-
خاطرة حلووة يسلموو
-
اشكر لكل من يقره مواظيعي اشكر لكل من رد على مواظيعي