ankawa
منتدى الهجرة واللجوء => الهجرة و واللاجئين => الموضوع حرر بواسطة: أبو قمر في 12:22 21/11/2008
-
صباح الورد لاحلى أعضاء .. طبعا اني عضو جديد بس صارلي اكثر من 5 ايام ادخل زائر وقريت اغلب المشاركات .
شباب اني مقابلتي يوم الاحد الجاي الساعة سبعة الصبح بكفر سوسه بسوريا طبعا ويا المحلفين .
وبصراحة حيل قلق وماعندي غير هذا المندى ينطيني معلومات قيمة .. اتمنى تساعدوني شلون راح تكون المقابلة وشنو الي ممكن يساعدني بالقبول من الاخوان الي قابلو سابقا بسوريا .. وبعد لمقابة شراح يصير .. واتمنى اعرف نسبة القبول من الرفض من خلال خبرات الاعضاء .. والفترة الزمنية الي بعد المقابلة للنتيجة وللسفر .
والكم مني كل الشكر والامتنان واتمنى تقبلوني صديق الكم بالمنتدى الرائع
اخوكم ابو قمر
-
حبيبي ابو قمر وصدك قمر ماشالله
ماكو شي ولاتخاف بس محموعة اسالة عادية كالاسماء وتواريخ
لاتدير بال ابد واذا تريد تطلع عل الاسئلة موجودة بصفحات المنتدى
كلها عادية بس يركزون عل عسكرية وين خدمت وجم شهر وشنو تدربت
وهل كنت مسجون او مساعد ارهابيين
اكو نوعين اسالة تجاوب ب نعم او كلا وابد لاتطلع من موضوعك لموضوع اشخاص اخريين كمثلا تكول كتلو جوارينا او كرايبنا
ركز عل قضيتك وشي يصير بيك لو ترجع للعراق ومنو يسوي بيك سي لو ترجع
كلها نفس الاسالة مال قضيتك
واني بالخدمه لاي استفسار
تحياتي وسلامي للكل
الشقلاوي
-
تسلم يا وردة على الرد .... بس مكتلي شكد نسبة الرفض للقبول حسب معرفتك
-
اخي العزيز توكل على الله اني اخوك ايضا في سورية وقابلت الوفد الامريكي وجائني الرفض بحجة عدم تقديم مايثبت كلامي المهم الخير فيما يختار الله ونحن ساعون... المقابلة سهلة جدا بس خلي معلوماتك متطابقة مع ماقلت سابقا وخاصو التواريخ واذا عندك عائلة يعني اولاد اكبار راح ايدزون عليهم ويطابقون حجيك وياهم انتبه لذالك ومن الله التسهيل وانا جاهز لاي سؤال ...اخوك الحمداني
-
تسلم يا وردة عالجواب بالنسبة للاثبات عندي اوراق اثبات ... واطفال معندي غير قمرعمرها سنتين وزوجتي واحنا قصتنا مشتركة بينا يعني اثنينا مهدين ،
بعدين اني تصور انه التقييم مو بس عالقصة اكيد على الدرجة العلمية وعلى معرفة الانكيزي وانه ماكو سوابق مع الحكومة او لارهاب وهاي الامور اكيد الها دورها مو هيج لو اني غلطان ..
-
أخي العزيز ابو قمر الله يسهلك امورك واهلا وسهلا بك بيننا
-
كل الهلا بوجودك بيننا بين اهلك واخوتك انشااللة تفيد وتستفيد ،،،،كل الهلا مليون مرحبا ،،،
-
عزيزي
ماكو نسبة رفض معينة
موظفين ال DHS والتي بتعني قسم امن الوطن
هذوله اشخاص مؤهليين ولهم القرار في منح شخص دخول بلدهم فلازم يرضون عنك
واذا اتكلمت انكليزي بدون الحاجة للمترجم يفرحون هواية وبس يركزون مثل متفضل الاخ حمداني عل الاسماء والتواريخ واني بالنسبة لي ركزت عل عسكرية وهل لدي سلاح في البيت
وشكرا
-
اخي العزيز توكل على الله والمكتوب بالجبين تشوفة العين انا كانت قصتي واضحة وسهلة حتى انهم لم يسالو عائلتي و انا عندي اطفال اثنين فقط كان الاسئلة معي وقضيتي كانت التهجير والخطف وكنت اول من سمحو له بالمغادرة بعد المقابلة من 7حتى 4 عصرا خرجت وجاءني رفض بعد شهر و5ايام ضهرت النتيجة والمدة غير معلومة تطول وتقصر حسب البلد الموجود به وانشاء الله تتحقق احلام ياربي..اخوك الحمداني
-
ابو قمر العزيز
حلوة صورة قمر الله ايخليهة الك اكيد هاي كانت ايام كلها معاناة
تحياتي
-
ابو اندي ربي يوفقك ذكرتنا بلغوالي واعلام المنتدى من صدك ربي يوفقه ويرجعنه بامان الله ورسوله لانه فائده للجميع---اختكم زينب
-
اول مشفت اسم ابو قمر دخلت راسا كلت اي يالله بلكن رجعلنه بس مع الاسف الموضوع قديم جدا وياريت من ابو قمر يرجع للمنتدى ويفيد اهله وناسه اللي ابدا مرح ينسوه
-
اول مشفت اسم ابو قمر دخلت راسا كلت اي يالله بلكن رجعلنه بس مع الاسف الموضوع قديم جدا وياريت من ابو قمر يرجع للمنتدى ويفيد اهله وناسه اللي ابدا مرح ينسوه
اي والله اني هم عبالي الموضوع جديد وصار عندي التباس بالبدايه
تحياتنه الك اخي ابو قمر
-
عبالي موضوع جديد لعلم من اعلام المنتدى
الله يحفظك ويحفظ عائلتك وين اكنت
واتمنى ترجع وتنور المنتدى
-
اول مشفت اسم ابو قمر دخلت راسا كلت اي يالله بلكن رجعلنه بس مع الاسف الموضوع قديم جدا وياريت من ابو قمر يرجع للمنتدى ويفيد اهله وناسه اللي ابدا مرح ينسوه
والله اني هم عبالي اخونا الغالي ابو قمر بس كنت خايف كلت بسلا واكع بشدة الله ايفرج عليه ... او من قريت الموضوع شفته قديم افرحت اهوية وكلت هاي الدنيا اشكد اصغير ابو قمورة هسة وين ...يعني المسالة مسألة وقت او يرادلها صبر الله كريم ... الله ايفرج على الكل