-
اهداء للغايب المتالق اخويه شارو
بفراكك..
حرقت هدومي الحلوات
نشفت الدمع و الريج
وفلّيت الشعر عالمعبر بريسم
واتاني تمرّ..
وكم شمس التغرّب ..
وانته ما مش صوت
و بـحـرقــــــة أحــــط ايــــدي ...
واشك الزيج
و اكولن ليش يا ربي ...
خلص كل حزن الحليوات ..
وآنه بضيج
يا ربّي ..
كل شط عبرته الوادم
جا ليش الاريده يصير شطّه اغميج ..؟
واتنطر تمر .. مثل العراق بعين البعيدين
وتمرّ الشمس بالعين
ويمرّ الكمر بالعين
ويضيع النجم بالعين
واشهك من اشوف الناس..
تمشي اثنين..
كلها اثنين ..
وآنه وحيدة يا روحي ..
تعلكم وسط حلقي الريج
ياشط الفرح .. رد للحديثه اردود
رِد اغميج
خـــلــينــــي أفـــــــوج ويــــاه ..
ريــــــج ابريـــج
منقوووول
-
شكرا عراقي على الخاطرة الحلوة
وانشاللة يكون شارو بصحة وعافية وان يكون سبب غيابو سبب مفرح
-
مشاعر جميله قد نثرت هنا . .
انشالله يكون عدم تواجد ألاخ شارو خير أله ..
شكرا عراقى لروحك ألطيبه ولسؤالك عن أصدقائك .. بالتوفيق .
تحياتى العطره
-
في البداية اشكرك جزيل الشكر على المشاعر الاخوية النبيلة اتجاه
اخونا العزيز شارو اطلب من الرب ان يكون بالف خير وعافية
تحيات اخوك كابتن بطرس
-
يسلمووووو عراقي على الخاطرة الحلوة ...
وانشاء الله يعود النا شارو باسرع وكت لان ممتعودين ع غيابه....
سوسو الالقوشيه.....
-
كلام احلى من العسل نقلته النا اناملك الحلوه....راح اخليه الشعر ولو مكرر لان هديه للاخ شاروكين
-
مشاعر جميله قد نثرت هنا . .
انشالله يكون عدم تواجد ألاخ شارو خير أله ..
شكرا عراقى لروحك ألطيبه ولسؤالك عن أصدقائك .. بالتوفيق .
-
شكرا لمشاعركم الجميله تجاه شارووو وانشاء الله يكون السبب خبر مفرح
شكرا لمروركم
نجمه
ملكه
كابتن
سوسو
خالو < يسلمووو
ريحانه
-
شكرا والف شكر الك اخوية العزيز احلى عراقي بالعالم على هذا الشعر الحلوو
وسؤالك علية اخوية العزيز
وشكرا لكل الاعضاء عالسؤال والاهتمام والله مشتاقلكم اني اكثر
شكرا
اخوية عراقي هوك
نجمة الغالية
ملوكة الوردة
كابتن بطرس
الغالية على قلبي سوسو
خالو العزيز
ريهانة الحلوة
وهاية ابيات مني الك اخوية عراقي
شكد احبك !!!!
شكد احبك !!! شلك بهذا السؤال !!
حبي ألك ما ينوصف
حبي ألك يمكن خيال
اشكد احبك ؟؟!!
صعب والله السؤال
******
لو كلتلك انته روحي !!
شنهو يعني !!
الروح من اجلك قليل
ولو كلتلك انته عمري !!
شنهو يعني
العمر بعدك مستحيل
ولو كلت انته حياتي !!!
ولك مو انته حياتي
وما أكو الحبك مثيل !!
وعمري من بعدك محال
وشلك بهذا السؤال ؟؟!!
*******
شكد احبك ؟؟!!
تختبرني تريدني بهذا السؤال ؟؟!!
لو مجرد غنج منك لو دلال
لو تحب الحيرة بيــّـة وحيرتي بكلبك زلال !!!!
والله محتار بسؤالك شلك بهذا السؤال !!
اخوكــم شاروو
-
يسلمووووووووو على هذا الموضوع الحلوووووووووو