معزوفة تناجي حضنك .. يمكن يحن ويرحم ..
(http://bagdady.org/up/uploads/99d92d18b8.jpg) (http://bagdady.org/up/)
سهران انا والقمر وثالثنا البحر
وطيفك يدور حولي وينادي يا أغلى حبيب
وبحركات بين مد وجزرْ
البحر .. يتغزَّل بالقمَر
وانا بينهم ... أتأمَّل من قريب
القمر يرسل قبلات للبحر بأشعته الفضيَّة ..
قبلات حارَّة أشوفها بعيوني
وأحسها بروحي ..
مليانة شوق .. مليانة وله
والبحر مثلي أنا يملاه الخجل ويغفى بكل حنيَّة
وأنا أتوسطهم .. وأتأملهم .. وأغبطهم ..
و شوية أحسدهم ..
ليه أنا بينهم وحدي بلا حبيب !!
ليه طيفك يراودني ويعاكسني
وهو بس اللي باقي مني قريب ..
أشوف القمر صار يكره سيرتك ..
تصدق أحسه يغار منك ؟؟
معذور .. مالي كلام معاه إلا حبَّك ..
بلا شعور .. احس بحرقة تمشي على خدودي ..
وأشوف دمعة تتبلور بعيوني ..
كأني يوم أذكرك .. تتحسَّر دموعي على فراقك ..
كل ما فيني يا عيوني يصرخ وينادي ..
أبي قربك أبي حضنك أبي لمسة ..
بس لمسة من ايديك ..
شوف حتى موج البحر يحرك كل شي فيني ..
حزن ..
مشاعر..
أشواق ..
وإنسان يصرخ داخلي تكفى .. ارحم عذابي .. وكافي فراق ..
وأسمع همس بين العشاق ..
يعطفون على حالي ..
ويتذكرون الماضي وطيب أحوالي ..
كلنا نفتقد حضنك ..
ندوَّر حنانك ..
نبكي على بعادك ..
تذكر زمان .. قبل لا تهجرني
لا هاج موج البحر ..
تتشبث بجسمي .. وتخاف ..
وتصرخ حبيبي .. بنغرق .. بنغرق .. اليوم ..
وأنا لصدري حيل أضمك
وبهمسات من قلبي أطمنك ..
أطمنك وأعزفلك لحن الحنان ..
خلك هنا واغفا بأمان ..
اغفى بين احضاني ..
ولا تخاف هذا موج البحر رفيقي ..
وبغمرة ذكراك وماضي عشقك وشوقي ..
أتساءل .. بيني وبين روحي
بظل كذا محروم
بتظل مثل ما انت قلبك حجر !!
حبيبي حتى الحجر يوم يريد ربك يجري منه أعذب نهر !!
وانت قلبك .. ما سامح .. ما رحم .. بس سافر وهجر !!
عيني نزفت دم مكان لدموع ..
تشكي واتناجي ضيّ الشموع ..
تعال حبيبي اقترب
كافي بُعد كافي جراح ..
ذبحني بعدك عذَّبني جَفا حضنك
اشتقت أشمَّك ..
اشتقت للهيب انفاسك .. اشتقت لجمر شفاهك
كافي حبيبي جفا كافي جراح
خلني أضمك خلني أذوب بحضنك
تكفا بس خلني أرتااح ..
أحبك
منقول
عاشت الانامل اللي نقلت النا هذه الكلمات الحلوه
(http://dl3.glitter-graphics.net/pub/1593/1593263vsjebiewln.gif)
تقبلو مروري اللــــقشــنيـــثه ;)