ankawa
منتدى الهجرة واللجوء => الهجرة و واللاجئين => الموضوع حرر بواسطة: كابتن نامق في 02:24 18/01/2009
-
شلون الجميع اتمنى الكل باحسن حال ...سوألي هو اني اشتغل بمجال يتطلب ان احتفظ بالكثير من الداتا مخزونة على اقراص مضغوطة والهارد درايف ..هل ممكن ان احمل معايا اكستيرنل هارد درايف 500 جيجا احط عليه كل الداتا اللي احتاجها جدا في عملي اثناء رحلتي اذا ربنا راد الى الولايات المتحدة علما انه اني مقدم من مصر على منظمة الهجرة , ياريت اي احد عنده فكرة عن الموضوع يفيدني لانه مهم جدا في عملي هناك ,هل راح يسمحولي اخذه ويايه وخلال الرحلة كلها في المطارات , الف شكر للكل وتوصلون بالف سلامة .
أخوكم كابتن نامق
-
اخي كابتن نامق
كان اكو موضوع قبل فترة للاخوة زاك13 وحيدور وحمودي عن هذا شي
واظن تكدر تستخدم الدريفات وتحفظ عليها الدتا الي تحتاجه
اتمنى بقيت الاخوة يفيدوك وانشاء الله ما يقصرون وياك
النمر التلكيفي
Germany
-
كابتن نامق..ابصراحه اسمك ايذكرني ابفدشي!!!!!!هممممممم؟!؟!؟!؟!
المهم بالنسبه لسؤالك .....اي نعم تكدر...(لأن اني بسفرتي جنت شايل لابتوب..واكستيرنال هارد درايف..3 فلاشات "ثامب درايف"و
2 امبي ثري بليرز+100 سيدي و دي في دي)
ومحد ابد كلبهن او فحصهن سواء بمطار بغداد ....عمان....فرانكفورت...نيوجرسي...دالاس تكساس...وبورتلاند)
فلا اتخاف (وانصحك اتحشي شكو "بت" و"كيلو" و"ميغا" بكل ما تستطيع او ما انت قادر ان تحشي به)
وبالتوفيق
-
تايكر شكرا الك حبيبي ...زاك شكرا جزيــــــــــــــــــــــــــــــلا ..وراح احشي الهارد درايف الى ان يحجي ويكول كافي ...شكرا لهذا المنتدى الرائع .
اخوكم كابتن نامق
-
شنو هاي المعلومات ؟؟؟؟؟
ترى كلش شوقتني اعرف وفضولي راح يدمرني
تكدر تدزلي نسخة من الهارد ورة متكمل نسخهم يجوز اكو معلومات عن عدنان ولينا لان تعرف همة من عام 2008 بدت القصة مالتهم والحرب علكت مو لو ناسي ؟؟؟؟؟؟
-
خوش معلومات زاك دومك مبدع
-
نعم فانا وصلت كالفورنيا عن طريق تركيا وكنت قد وضعت السيديات في حقيبة صغيرة ولم يفتحوها المفتشين يعني حالها حال باقي الاغراض .. حرامات اني ما جبت هواية فقط محفظة سيديات صغيرة لان ما ردت اي مشكلة تصير خلال رحلتي.. لكن انصح اي واحد يجيب كل ما يريد لان ماكو تفتيش بيهة..
هوليا
-
والله يا اخوتي اني بصراحة هسه عندي جنطة سيديات عدد 2 ... وحده منها 138 DVD والثانية 84 DVD هاي ما عدا الافلام الي في بكجات عددها 158 DVD يعني هاي محيجون عليها ؟؟؟
تحياتي
-
اخوان اني امي خبصتني بنور ومهند ... تريد كل السيديات تاخذها وياها !!!
-
يمعود هسه وكت نور ومهند انت اوصل امريكا وهناك اشتريلها سيديات نور ومهند ههههههههههههههه
تحياتي
-
اهم شي سيديات عدنان ولينا يمعودين ديرو بالكم عليهم.
-
احلى سلام للجميع ..مهاجرين بلا حدود بالمناسبة عدنان وهو لينا همين قابلوا محلفين ومنتظرين الموافقة الامنية , اريد اشكر زااااااااااااااااك مرة لخ لانه ردوده دائما على الجرح ..تمنياتي للجميع بالوصول بسلام .
اخوكم الحديقة كابتن نامق
-
تحياتي الك كابتن نامق
بس بالله هذا السؤال هم جان ببالي وهمزين انت سألته رحمة الله والديك
وراح اهديلك صورة بس ماريد تنقهر لان سنين وعدت ميخالف انساها شدسوي حب من طرف واحد مو كافي
ومادام فلتت وية عدنان انت لاز م تستسلم للامر الواقع همة شباب وبيناتهم يتفاهمون مو؟؟؟؟؟
-
مرحبا كلشي تكدر تاخذ وياك ماعده المتفجرات
تحياتي
-
عاشت ايدك زاك .. على هاي المعلومات الللوووز ...
شنو رايكم اني حاخذ كَووونية سيديات ههههه
اوديسوس
-
يمعودة هاي شبيكم اخوان بس خلي نروح والله كريم وداعتك مادام الداونلود مال نت امريكا قوي يكولون 100ميكا بلثانية نشفر رابيدشير ونزل برامج واخوانا الي بلنمنتديات مخلو شي ما قرصنو اي لو اكلكم فد شي متصدكو انه البارحة جان اكو كتاب حكة 175 دولار كدرت اقرصنة وانزلة بلاش فلا تشيلون هم البرامج .بس الهرد بيها مجال اذا خاص وهاي عن تجربة صديق مدمن على الكومبيوتر كال بلمطار كلشي محجو بس اخوان اللي بسوريا ترة امريكا متفوت سيد ي نسخة مو اصلية واذا لكفوك بليت بهاي البرامج ترة بيهة مشاكل وغرامات لان النسخ مو نظامي واكو حقوق للبرامج مو مثلي ما عجبني المبلغ قرصنت واتمنى الجميع الموفقية في تحميل قاميون (على كولت الجماعة )...سيديات وسلام للجميع
اخوكم المتمني
-
السلام عليكم....
أخونا ألعزيز كابتن نامق شكرأ جزيلا على طرح هذا الموضوع لانه مهم جدا لاكثر الاخوة الي انشاء الله يكتب ألهم الله السفر واني هم وياهم وبارك الله بالمتميز زاك على معلماته المتميزة دائما...
-
بالمناسبة اعرف ولد صديقي طلع قبل فترة من مطار بغداد واخذ وياه(500) دي في دي!!!!
لاتكولون شلون؟؟!! لانه اني مااعرف!!!
-
صفاء اني شحنت بس الدفيديات الزينه من بغداد النسخ مال باب الشرجي كله بعته لو انطيته لان متسوى اجيبهه ويايه . استسختهن على هارد خارجي وجبته ويايه بس للاسف انضرب وراح الخيط والعصفور
بالنسبه اليه شحنتهم عن طريق البريد مال الجيش الامريكي . وجانت عباره عن 2 صناديك فوت لوكر
اذا تتذكرهن . بس لحد الان نايمات بالصندوك لان الانترنيت اهنا سريع ويغنيك عن كلشي
تحياتي
-
ايباااااااااااااااااااااااااه ابو عبودي ذكرتني ب الفوت لوكر!!!!