تمثال الحسن منصوب الج يوم
واصب الساس بين اتراب أرضنه
وترد السما مغيمه وتمطر ورود
وتفح عطور من وردة مطرنه
ما اكولن شمس واتغازل وياج
هم ساعة وتجي وتغرب شمسنه
وما اكولن گمر واشبه بالبدور
يروح ويختفي ويظهر گمرنه
ولاحتى اشبهج بالشمع يوم
ذاب وخلص لو طول شمعنه
دخت وبيش اشبهج والله محتار
يالما مثلج بشر صار بوكتنه
سبحان الصورج امكملة الاوصاف
ملاك أنتِ وگالوا صح صدگنه
قرص وجهج درس ويصير للناس
وشفافج وعينج منهج النه
وبيبان المناهج بيها كومة فروع
ويا فرع الندرسه ايشب قهرنه
هاي خدود عندج جذب الگال
گيمر وي عسل تفاح خدنه
هاي الناس كلها تملگ أرگاب
بس الرگبة عندج مرجع النه
يعينك الله گلبي صابر شلون
ومتحمل جمالها بسكته مدمر
يمحبوبه العشگ يبنع بالگلوب
وگلبي وياج ماظن يوم يتغير
لأن الگلب عندي امشبها بالماي
واشبه هالعشگ وياج بالوردر
بلياج الگلب ما تسوه دنياه
وبلياي الورد شلون يتعطر
شما أوصف بعد ما أتقن الأوصاف
لأن مثلج بشر لاماكو ابــــــــــد
لأن رقمج الواحد بالحسن موجود
وتبقين الأصل شما صار وتغير
موجة بحر أنتِ وهيجته الريح
وانه الغركان بيه وصحت بقوني
غرگان بجمالج ما اهاب الموت
واموتن بيه اقبل لا تدفنوني
خلوني بحسنها أغرگ بأحساس
ولو طايف صرت هم لا تطلعوني
خلوها الحبيبة أيديها جواي
واغفه بنص حضنها لا تكعدوني
دخيلك ربي عالهذا الجمال البيج
ومن حبج اليه الناس حسدوني
ومن عين البشر غطيتج وياي
ولو شافوج فقدوا جان اجوني
حضنتج والمصيبه صارت هنا
الناس من البعد كاموا يسبوني
رباني
أنتِ ام العشگ و .. رباني
وحبج بالگلب وياي .. رباني
جمالج يا حبيبه والله .. رباني
وتبقين الگمر ما يطفه ضيه
منقولل
شكرا حبيبتي على المرور الرايع تسلمين