ankawa
منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: Handyman S في 09:30 05/02/2009
-
هلوووووو أصدقائي اشلونكم.......
طبعا" اريد اقول شيء أولا": اشكركم جميعا" على صداقتكم الجميله وثانيا": والله والله احس ان وجودي في هذا المكان والموقع شيء اعتز بي لانكم تضيفون لمسات جميله ولحظات حلوووووووه جدا" جدا"
ثالثا": شوفوا الصوره الي في الاسفل هو الفرق بين الاعزب والمتزوج في أمريكا ولكم فائق تقديري..
-
Handyman S
طبعا هذا المسوي الرسم صدك عايش الحاله
واكدر اكول عليه...مضبوط 100%
عاشت ايدك
-
اذا الحاته امريكية والجواز وره 3 سنوات ... زوج اللي ميكعد وياها 24 ساعه!
-
والله هوة العزابي فعلا مشروع ناجح اشو حتى سيارتة هم احلى اخر موديل ههههههه بس سيارة المتزوج كلهة ريحة بصل مو جان بالعلوة ديتسوك للمرة ختية وصاير عندة بنجر بالطريق ختية هههه
يعني قصدك نبقى عزابية احسن ؟؟؟
ههههههههههه
تحياتي الك شكرا يا وردة
-
بالمناسبه...الحد هسه كل المعلقين (سنكليه) يعني(عزابه)
خلي نكتب لافته ممنوع دخول المتزوجووون
هههههه..تحياتي وسلامي (للمتزوجون...لا اتزعلون عليه تره والله شقه)
عاشت الايادي حمود+ابن بغداد الحبيبه
-
حبي حمودي خو ليش دتنتظر 3 سنوات ؟؟؟!!!!
اكو طريقة اسهل وجنسيتك ثاني يوم اباب البيت بس على شرط لازم تتزوج عسكرية اب رتبة زينة يعني مو مجندة وخلص لان الهة ضمانات هواية ;D ههههههههههه ;D
شكرا الك يا ✿ زاك ✿ الغالي فعلا الحد هسة كلهة عزابية هههههه
انتة العايش اخوية وسلمت يداك
-
زين اذا تموت هم احصل الجنسية ؟
-
اسم الله عليها
-
اي هوة لعد ليش دينطوك جنسية ؟؟؟؟
ضمان الحياتك مفكرين همة يكلك هاي باجر عكبة تستشهد وزوجهة وين يرووح؟؟؟ قبال يبقى لاجئ ويضيع مستقبلة وشبابة هههههههههه علمودهة
-
اذا ماتت المره .. تصير رجل شهيدة ... على وزن مرت شهيد... و يجوز ينطوك راتب و يوزعولك صوبات بالشته و بجايم بازة للجهال...
-
هاي شنو عالكة هنا .. دتحجون عالمتزوجين .. شبيهم عيني المتزوجين ... ما شاء الله طريقنا عدل وكبل .. حتى وكفة ماكو يعني حتى اذا يصير بنجر انت تستمر بالطريق .. تكدر توكف انت رجال و اوكف .
بس انتم على شنو فرحانين تاليتكم مثلنا .. وين ترحون براسكم براسكم ...
حمودي شنو تريد تزوج من هناك ... هلا هلا .. جيب ليل واخذ عتابه ... شنو هاي كله علمود الجنسية .. بس خاف تاخذ وحده مثل بالبرة ( الي ويا عادل امام بفلم هللو امريكا ) , او تاخذ كوندليزة رايس هسه هيا معدها شغل وعمل ...
تحياتي
ابو قمرسابقا وبسبب الظروف اصبح ابو قمر 2
-
منو كال راح توصل للجهال ؟؟؟
اب اول حرب ادزهة وفضت راحت هههههه ;D
وهاي 4 عصافير اب حجر على كلام زاك هم جنسية وهم ترجع سنكل وهم الك حقوق وهم الك راتب خخخخخخخ
-
و هم تستلم بجايم بازة جديدة كل سنة.
صارن خمس عصافير
-
حياة العزاب بكل تأكيد فيها حرية مطلقه ومجل للحركه خصوصاً فيما يخص البحث عن عمل , اما اللي بركبته علاكه ف الله يساعده...
-
المشكله..اذا توفت "الله يرحمها"
راح الـ"FBI" ايطلعولك صفح ويكلولك... >:(
هاا اخونه جنت متزوجهاا علمود مصلحه..فقررت تنهي على حياتها..وتكوش على كل حاكه..هاااا خيي
ديلا تعال خنشوف الينطيك الكرين لو الجنسيه...اذا طلعت من السجن وره 20 سنه كلش زين
حذاري وبعدين البنيه تطلع مميته اصلا...وتحب الملازم ابو الاف بي اي...ومتفقه وياه علمود ايلبسوك تهمه...وبالاخير ابنك ينقذك بالمقبره (لان قبل موعد المحاكمه بيوم صارت هدنه مؤقته واتفقتوا على تسويه معنويه ...بس ابنك طلع صفح وجفص بالسالفه وحرك الفلم كله)
تحياااتي للاخوان
-
siv2007 ابد ما مبين عليه جزعاااااااان .... يمكن ديكتب و ابنه ديصركع باذنه من وره يريد يشرب مي ... ههههه
اخي تقبل مزاحي ... كولنه رح نتزوج في يوم ما .... انشا الله ... حيدور
-
يمعودين على كيفكم شنو علاكة ..
خلي اناقش الموضوع بجدية ..
مستحقات العائلة اكبر وافضل من الاعزب بكل شي السكن والتعامل ومدة المساعدات .. ماشي
ثانيا :
واني دا احجي عن نفسي هنا مثلا بسوريا اني وزوجتي وولعلم زوجتي خريجة علوم حاسبات , ثنانا دنشتغل يعني راتبي على راتبها دنعيش عيشة زينة وللعلم لو كنت وحدي مراح يدخلي هيج راتب واحتمال راتبي ميكفي اصلا ..
اذا كنت متزوج من زوجة عدها شهادة ولغة وعدكم طفل واحد , راح تكونون افضل من اي عزابي ليش ..
فرصة العمل راح تتضاعف يعني اذا انت ما اجتك الفرصة هيا ممكن تجيها الفرصة ... او ممكن اثنينكم تجيكم فرصة ومعناتها راح يكون راتب جدا جيد .. يعني الاعزب اذا اشتغل راح يجيبله فد 2000 دولار بالشهر كحد اعلى .. بس اذا اثنينا اشتغلنا راح يدخللنا 3500 او اكثر ... بعدين من يكون عندك طفل مراح يكطعوزن عنك المساعدات شكد مطولت قترة المساعدات .. مو مثل الاعزب المسكين كم شهر ويكلوله رووح دورلك جاره .
بعدين اهم شي بالموضوع من ترجع من الشغل وتلكة طبخ الحبيبة ... وتلكة بيتك نظيف وهدومك مكوية .. متكلي وين تلكاها ... واذا اتزوجت امريكيا حبيبي راح تكضي عمرك فاست فووت .. وراح تغسل وتكوي ملابسك من باب المساوات بين الرجل والمراءة ...
تحياتي
ابو قمر
-
والله إذا بأمريكة , فعازب هواااااية أحسن , وكل يوم مبدل حاتة أكو أحلى من هيج يوم بيضة ويوم سودة ويوم سمرة ويوم عيون زرك يوم خضر يوم عسلي يوم صغيرة يوم وسط يوم جبيرة يوم اصل قوقازي يوم آيرش يوم هولندي يوم آسيوي يوم عربي يوم افريقي وكل ما وحدة تبدي تنكد رأساً اتركها ;D 8) لا وأمريككيات يخبلن شلون شكول مو مثل ربعنة عبالك شرطة , بس شوفو الدعايات مال عربية عن الأنتخابات مال هاي آني عراقي وتعرفة من نخوتة وتعرفة من شاربة الخ شوفو النساء , بلة ذولة نساء ؟
هههه بمناسبة كونلدليزا رايس , أكو وحدة جديدة هسة كرايبهة سفيرة بالأمم المتحدة شوية اصغر وشوية أحلى سوزان رايس اسمهة , هم مثل جماعة زيباري هوة وزير وكرايبة سفراء
مع التحية
Antonios
-
ابو قمررررررررررر
حجي يفيدك مو علاكة ... بس ما رح اناقشك ... هذي الشغلة مو سباعية يخربون الواهس بيه ... خطية الشباب خللي تتزوج و تنستر... مو بس علمود المساعدات و الراتب طبعا...
حكمة اليوم: اذا وازاك الدهر خذلك معلمه .... هم بالراتب تفيدك و هم ابنك تعلمه
تحياتي ... حيدور
-
حيدور ..... حلوة هاي مال رجل شهيدة , عجبتني :D
وأهم شي بجايم البازة ;)
زاك ... همة ياخذون منة فلوس لأن يتهموه بقتلهة والتخطيط لعمل ارهابي ويكوم يكت ويرجع ليورة , بس هاي متشملك لأن أنتة حظك كاعد وعند بخت مو طبيعي , يعني أتوقع فد يوم بنت كلنتون توشفك وتنعجب بيك وتكلهم هذا الي اريدة , مو بنت أوباما لأن بعدهة صغيرة لازم تنتظر هواية , وكلنتون حلو ومرتة حلوة أكيد بتهم تشك شك , تسويهة انتة (بخيت) :o
أبو قمر مو كل النسوان سوة , مثل الركي لو حمرة لو بيضة , الله يخليك أم قمر وقمورة , انتة استثناء ;D
مع التحية
Antonios
-
هههه, العلاكة علامة مميزة للمزوج , مو بس علاكة علاليك , يسوك ويرجع ليورة
بس المثل محرف ابو كرار , بيه نقص ;D
مع التحية
Antonios
-
هههههههههههههههههههههههههههههههههههههههههههههه
عاشت الايادي
-
ابو قمر هاي كلامك اني متاكد ام قمر كاعدة يمك لو وحدك جان طلعت الي بقلبك اوووووووووووووف
انت صعدت مرة وحدة للسطح نزلت صاير ابو قمر 2 ههههههههههه
-
اي ياابو قمر انت هم صرت ابو قمر 2 حالك من حالي زمن اتبهدل بينا لعد شوف حالي شصار بيه من ورى الانتضار حتى يغيرون اسمي جلد وعظم ضليت شوف شوف ابو قمر شوف حالي باللة عليك ترضى هيجي يصير بحالي واللة حرام ياادارة ويا مشرفين وينكم شوكت ترحمون بحالي شوف شوف شلون صرت من ورى الانتضار تقبلوها انتوا هشكل يصير بحالي ها ها ها :'( هسى تكول لا ديرين بال تصير بارقى العوائل ادري اني وياك بس مو هل شكل يصير حالي زين شلون بعدين اني ابقى هل شكل انتظر شبقى مني صرت هيكل عظمي من ورى انجي 2 واللة خوفي لا ازيد كل شهر رقم واللة يعلم على يا رقم اوصل ;) شتكول ابو قمر انت هم صرت ابو قمر 2 شنو رايك نتسابق منو يوصل اعلى رقم ياخذ جائزة من الادارة
اي هي وينها الادارة اشو لا حس ولا نفس عبالك احنا بصحراء هاي شنو هما سووا صيانه للموقع وحنا شعلينا اني شفت مكناسه كهرباء مثل جان يريدون ينظفون المواقع هيجي شفت اي وللة هما نظفوا المواقع اخذوا اسمي وياهم على الواهس كالوا هذا زايد خلوني بدون اسم ادور على انجي روز ماكو ادور على انجي داود هم ماكو وجمالة نجماتي هم راحت هاي صارلي سنه اتعب على ما ترقيت وصرت ضابطة تالي كلها راحت بشربت ميه اني ادري هذا الاسم الجديد جان نحس عليه من هيجي اني هسى صرت بدون ولا نجمة واللة هاي مو عداله راح اعيش هل شكل حالي حال الظيم لشوكت انتظر شوف شوف حالي من الانتظار شوف ابو قمر دير بالك لا تصير انت هم مثلي ها :D
-
والله اخوان الحالتين سوى اذا عازب واذا عائلة بالحالتين اركض والعشا خباز لان حتى العازب يشتغل ويجمع تاليها للنايمين للظهر والطرف الثاني هو اول المستفيدين موشباب هههههههههههههههه
-
ههههههههههههههههههههه
تحشيش روعه يسلموا
-
جميل موضوعك صديقنا وكيفية طرحه مع الصورة التوضيحية
لكن الرجل المتزوج احزنني لان حياته مستقيمة زيادة عن اللزوم ههههههههههههه
-
على كولة مظلومه خوش تحشيش
بس انتوا العزاب خطيه توهمون نفسكم بامور بسيطه , لان تعرفون مصيركم بيد النساء دائما
من الام الى الزوجه ;)
ولمن تكبرون تستلم الرايه بنتكم ;D
دا اتشاقه وياكم لاتزعلون ياشباب