ankawa
منتدى الهجرة واللجوء => الهجرة و واللاجئين => الموضوع حرر بواسطة: قطة في 08:22 17/02/2009
-
اخوتي الاعزاء
ارجو مساعدتي بمعلومات واراكم القيمة لما المحلفية تطلب اعادة رويتك مرة ثانية ممكن التوضيح
مع الشكر
قطة
-
تتاكد من فقرة من كلامك او موضوع في قصتك تتفهم منه اكثر او شك في حالة تريد تعرف اكثر وكل مافي امر سوال وجواب وشكرا =النو ر =
-
الاخت قطة اني من استلمت ورقة القبول المبدئي جانو ويانا بنفس الوجبة ماماخذين الورقة وكالولهم انه راح يدزون وراكم لاعادة المقابلة لان اكو شي ناقص او معلومة غلط او المحلف غير مقتنع بالقصة فاراح يشوفوكم غير محلفين يعني بالملخص جان لازم يرفضون بس مايردون يرفضوهم علمود سبب صغير فايردون يصححون هال شي بالمقابلة الثانية وان شاءالله خير
-
مرحبا اخت قطة
اني بالنسبة اللي المحلفين دزوا علية مرة ثانية بعد مرور شهرين ونص من مقابلتم اللي ومن رحت كان موضوع جدا عادي استفسار بسيط جدا ومجرد سوالين او 3
ولتخافين ماكو شي انشاء الله وطلبوني وحدي بدون العائلة وحتى مكلولي جيب وياك مستمسكات او شي مع العلم ان اني مسوي فحوصات ومستلم ظرف قبول وانشاء الله ماكو شي لتخافين مجرد استفسار او نقص بالملف
مع التمنيات بالموفقية
-
شكرا اخوتي ع المساعدة
الخيرة فيما اختارها الله .
مع الشكر الجزيل
قطة
-
خير اخت قطه شنو طلبوج مرة ثانيه المحلفين لان اعرف انتي سويتي مقابله محلفين وكلتيلنا جانت كلش سهله وموعد الظرف 21-3 .
-
واللة ياخي علمي علمك
فعلا مقابلتي كانت كلش حلوة
مدا افهم شنو صاير ياخبر بفلوس بكرا يصير بلاش
قطة
-
الله كريم انشاله ماكو شي قطه
-
شكرا عكعوكي
طبعا صورة النسر تخليني اتفائل خاصة عيونة حمرة هاي من راح ادخل لمحلفة مرة ثانية راح اباوعلها مثل نظرة النسر مالتك
شكككككككككككككككككككككرا
قطة
-
ان شاء الله ماكو شي قطه وربي يسهل امركم والسفر القريب ياربي
وربي ينور طريقكم ويسهل امركم وتستاهلين كل خير اختي وبالتوفيق وان شاء الله ترجعين
تفرحينا والسفر القريب يارب ...تحياتي
-
اخاف مخرمشتهم بالمرة الاولى
-
السلام عليكم
حسب علمي هناك نواقص في المقابله او يكون المحلف قد كتب شيئ ويريد التأكد منه او هناك غلط صغير . وان شاء الله ماكو شي ومجرد استفسار صغير وتعدي على خير .. موفقين بأذن الله تعالى .
ابو انس
-
انشاءالله ماكو شي والله يسهل كل اااااالامور
-
انشااللة خير ياقطتي ماكو شي بس تاكد من معلومات على كولت عيسى اخاف ما غرمشتيهم واللة عيسى ضحكتني ،،،، كولي يااللة يااختي وربي يكون معك
-
السلام عليكم قطة
لتخافين لان همه عادة اذا عدهم نقص بمعلومة او تاريخ
راح يتصلون بيج
اني اتصلوا بيه وما رادوني اجي لان عندي نقص بتاريخ احد الاحداث فقط
ولو كان اكو اكثر من معلومة ناقصة في الفايل سوف يرسلون على الشخص
الاجراء روتيني ان شاء الله
وان شاء الله خير
ماكو شي يقلق عااااااااادي
تمنياتي بالتوفيق
اخوك محمد الاسدي
-
شكررررررررررررررررررررررررررا اخوتي
ممنونة لطفكم
ربي يسهل انشاء اللة
قطة
-
قطه اني ممسوى مقابله المحلفين بعد بس المقابله الثانيه والبارحه 3 مرات خابروني الاي او ام ديسالوني على معلومات عن الكفبل وعن تواريخ ميلادي وهم سالتني اذا اكو عدكم مريض بالعائله ويحتاج طبييب فجاوبتها فانتي هم احتمال نقص بهيجي شغلات.
تحياتي
-
شكرا اخي
انشاء اللة
يمعود شيريد يصير اكثر من الي الشفنا
واللة اني كلش زهكت والي كاتبة اللة نعمة
اختك قطة
-
قطه لا تصيرين اعصاب خاف تخرمشينه على كوله عبسي
قطه يمته تريدك المحلفه يا يوم انشاله شغله بسيطه لاديرين بال توكلي على الله وروحي
قطه عبسي يستلم مساعدات؟
-
الله يسهل الامور قطة
اكول عكعك اني بالمقابلة الاولى مذكرت بالضبط تاريخ التهديد بصراحة ما اذكرة ولا احب اذكرة كلتله للمقابل انه بداية الشهر السابع زين شلون المحلف يسجل التاريخ وهل هذا في صالح القضية ؟؟؟
انطوني
-
اخي Anthony Carmelo
هو اكيد راح يسالك على يوم التهديد وراح يسالك بعد هذا التاريخ وين رحت وشنو رده فعلك من اجاك التهديد بس ما افتهمت شتقصد شلون المحلف يسجل التاريخ وهل هذا في صالح القضية ؟؟؟
ارجوا التوضيح حتى اذا كان باستطاعتي اساعدك
تحياتي
-
عكعوكي اولا عبسي اول راس قائمة يلفط بمساعدات ويعبي ويكو كل شي ماكو ها اني اكول عبسي
اما انا وعيونك راح اباوع مثل نظرة النسر (شعارك ) طبعا راح تشوف تك من عيني حمرة هسا راسا جلس
وتكولي عيوني ديري بالج اشوف وجج مرة لخ هوي
يمعود ع اللة
اختك قطة
-
هاي طلعت اكو هوايه حالات مثلنه بس لو نعرف النتيجه جان احسن
-
طبعا اني وراك وين متنزل موضوع ابدي اقرى للنهايه اكول بلكي كاتبين النتيجه بس ماكو ليش ما اعرف هسه انت كاعد ادور ادور بالملفات القديمه شوف قطه وين حل بيها الدهر حتى نفتهم انرفضت لو انقبلت وان شاء الله مقبوله ومسافره يارب حتى نرتاح وياها
تقبل مروري وشكرا على اهتمامك بالموضوع بس هذا دليل انت جدا متارق من هشي خليها على الله والله يجيب الخير
-
السلام عليكم تبين لي ان الاخت قطه قد حصلت على موافقه المحلفين وسافرت الى اميركا يوم الموافقه والطيران لكل العراقيين بأذن الله
-
مبروك للاخت قطة همزين اطمانينا عليهة ...
شكرآ للاخ HASSAN45 للمتابعة ..
والله يسهل للجميع السفرالقريب والموفقية........
-
والله الف مبروك علينه لان صدك ارقتنا قطه الحمد لله ويوم للجميع التسهيل والسفر السريع بس اشون عرفتو المعلومه منزله شي على السفر
-
بالطبع تأكدت من الموافقه وايضا من سفرها حسب هي ما كتبت عن الموضوع
-
بالطبع تأكدت من الموافقه وايضا من سفرها حسب هي ما كتبت عن الموضوع
اخي العزيز الاخت العزيزه قطه مسافره من زمان الله يذكرها بالخير لو سائلني ;D
اخي العزيز اعاده المحلفين مره اخرى عمليه جدا عاديه ولا تدعوا الى القلق فهناك الكثير الكثير من الاعضاء
والاصدقاء اعادو مقابله محلفين ومعظمها كانت ياما توقيع ناقص او يسالو عن اسمه او كيف يكتبه يعني مجرد
سؤال بسيط وبعدها موافقه وهناك بعض الاحيان كان يكن الشخص مسجون او عليه حكم او مبصم ولم يذكره
في المقابلات السابقه ... فلا داعي للقلق اخي الكريم مسأله جدا عاديه وبسيطه وطبعا الاعاده تحتاج الى
موافقه جديد من قبل المحلف
تحياتي وبالتوفيق انشاءالله
-
هاي المواضيع منين كاعد تطلع بزازبن وعتاوي شنو حدبقة حيوان لا وكلها قديمة
-
يعني محد لحد الان يعرف قطة وين صفا بيها الدهر ??? ??? ???
UP ;D ;D ;D
-
و الله جانت هنا
ابات )جمع اب) :)
وين راحن
-
هاي شنو قطة مرة ثانيه
شو اني سمعت يكولون متزوجه وعدها نونو صغيروني ورايحه لكندا بس شلون مادري :)