ankawa
منتدى الهجرة واللجوء => الهجرة و واللاجئين => الموضوع حرر بواسطة: محمد الاسدي في 10:49 18/02/2009
-
اليوم اني وصلتني معلومات من اصدقاء عايشين في ولاية الينوي وتحديدا عن مدينة تبعد 40 دقيقة عن مركز شيكاغو اسمها ارلنغتون
الجماعة صار الهم خمس سنوات عايشين هناك ويكولون
الاكل والشرب ايكلف في = 250 - 300 دولار بالشهر
طبعا همه زوج وزوجته وطفلين صغار
ويدفعون ماي وتدفئة وغاز ورفع الثلج ورفع الازبال 380 دولار بالشهر
وتحديدا الكهرباء وحده ديكلفهم 60 دولار
يعني اذا ضفناه ويه الفوك اتصير هاي السوالف ب 440 دولار وكول 450 دولار
ويكولون موضوع الشغل قسمة ونصيب طبعا
ممكن ابسرعة وممكن لا
الناس حبابين هناك كلش سواء بشيكاغو لو ضواحيها
متعاونين ويحبون يخدمون الناس
الباركات في سنتر شيكاغو غالية جدا فهمه من ينزلون لمركز المدينة (رغم عدهم سيارة) يروحون بالقطار لان البارك غااااالي
التامين الصحي عدهم كلش غااااااااااالي
واذا انت اشتغلت فراح ايكون التامين على ابو الشغل وهذا شي كلش زين
اما اذا انت فتحت الك عمل خاص فالتامين راح ايكون عليك وهو غالي
الدراسة عدهم ممكن ان اتكون على شهادتنه العراقية
يعني معترف بشهادتنه بس اتكون مصدقة وتكدر اتكمل ماجستير او دكتوراه
يعني مو ايكولولك هاي شهادتك ما نعترف بيها ولازم تاخذ بكلوريوس من جديد
الايجارات ميعرفون اشكد اتكلف لان همه مشترين بيت وديدفعون اقساط
ويكولون العقارات كلش نازلة هناك حاليا
والاقساط مريحة
مدارس الاطفال ايكولون كلش زينة ومرتبة وراح ايساعدون الاطفال على تخطي موضوع اللغة
ايكولون المدينة حلوة وبيها هواااااااية اشياء الواحد يكدر يتونس ويرتاح بيها
والناس هناك خليط متنوع وكلهم هادئين بالعموم ومتعاونين
اما العمل والتوظيف فكما قلت قسمة ونصيب بس شنو ايكولون
انو رغم ارتفاع عدد الشركات الي دتبطل ناس ولكن يوجد شركات اخرى كثيرة لازالت توظف الناس والرواتب زينة وماشية
يعني مثل مايكولون تنسد باب الله سبحانه وتعالى يفتح الف باب
هاي المعلومات الي حصلتها حتى الان عن ولاية شيكاغو وتحديدا عن مدينة تبعد 40 دقيقة عن مركز شيكاغو
واخواني كل واحد عنده بعد معلومات ياريت ايفيدنا بيها وشكرا للجميع
اخوكم محمد الاسدي
-
تسلم اخوية على المعلومات وان شاء الله حتكون مقصدي بعد ان تخلص قضيتي واستلم الموافقة...
مشكور اخوية
-
ممنون منك اخوية على المعلومات
مبين خوش مدينة واحتمال كبير استقر بيها اذا الله سهل
-
منون على هاي المعلومات
-
شكراً ....لمعلوماتك ...يا طيب
-
مشكووووووووووووور ع المعلومات