ankawa
المنوعات => استراحة المنتديات => استراحة الخواطر => الموضوع حرر بواسطة: سيلدا في 21:23 24/02/2009
-
عشت اسنين احبك وانت ماموجود
غفى حبك بكلبي وفاض حبك
تعال وشوف كلبي البيك مجنون
ساعة يكول احبك ساعة اكرهك
تعال وشوفني اشلون ارجف عليك
عشكك صيف متنة نريد حرك
يفر بينا هواك اندوخ كل يوم
وعفية انت الهوى مايوم فرك
ماعرفك جنت واتمنى احاجيك
هويتك هسة انة وماريد اعرفك
طعم حبك عجيب منين مصنوع
حلو كلش والاحلى النوب مرك
اشتريك انة الية وابد مابيع
بيك انة ربحت ماريد اخسرك
ياريل ومحطة ودرب ليل الشوك
ما كمل بعد ماريد اعبرك
تزاعلني وتروح وانة اراضيك
واعرف بيك تدلل واعذرك
اريد وماتريد اشلون تالي وياك
ماااكدر اردك ماشي امرك
يا اطيب جرح بالكلب خليك
ويااحلى صبرمجبور اصبرك
موتني على كلبك قابل الموت
شحلات الموت وانة بين كلبك
ماعوفك بعد والكالك وهمان
لو سم تنكلب همين اشربك
اذا حبك بحر اقبل اجازف بي
صرت سفان انة بهذا بحرك
وافرض لو خسرت بحبك بيوم
مااجوز انة ابد يومية اجربك
منقووووووووووول
-
رووووووووووعه على كلمات كلش كلش حلوات ياحلوه
تحياتي فدوو
-
يسلمو للابداع الراقي المنقول لنا
-
عشت ياورده عالكلام المنقول النا ....
-
يسلموووو كلمات جميله جدا
-
عشت اسنين احبك وانت ماموجود
غفى حبك بكلبي وفاض حبك
تعال وشوف كلبي البيك مجنون
ساعة يكول احبك ساعة اكرهك
كلمات في غاية الروعة بارك الله فيك وبالتوفيق ياربي
اختك يسرى
-
اشكركم على مروكم لمواضيعي نورتوني يا احلى اعضاء المنتدى تحياتي سيلدا