ankawa
المنوعات => استراحة المنتديات => استراحة الخواطر => الموضوع حرر بواسطة: سيلدا في 12:19 25/02/2009
-
لاتنخى البشر والله موجود...
لأن طبع البشر من تطلب يملك....
ومو صعبه تنام الليل جوعان...
صعب ايدك تمدهه واسف يكلك...
رادك الله تحجي وحطلك السان...
كصه وصير اخرس لو رضه يذلك...
ولا تصعد نخل تتوسل الكربان...
خلي الثمر يروه وهوه ينزلك...
وشيل ايدك طبر وكطع جذور الخوف...
واذا كطعوا يمينك مامتت كلك...
حسين اكطعو راسه وعالرمح شالوه...
وصدى صوت الكرامه لهسه يوصلك...
تريكنه الفقر وشربنه جاي العوز...
وما مدينه ايد وكلنه محتاجين...
عشره بخبزه ناكل نحمد الله ..
ونكسمهه ويالفقير الخبزه نصين...
انام بلا غطه وما صحت بردان...
لآن ثوب الكرامه احسن بطاطين...
ومو مثل النعامه تخاف من الموت ...
وتظم الراس لو شفت السجاجين...
طير انته بفخر وميهمك اليحجون...
وفكسهه بحقد لو خزرتك عين ...
وصير انته نخل لو دنك يموت...
كفر تمشي ذليل بكاع بيهه حسين...
وما كلك تكبر ولا دير البال ...
عن الي تشوفه انصه منلعين...
لأن لولا السهل الجبل ما صار...
والبشر ما يمشي اذا ما عنده رجلين...
حكم زين عقلك ورسم احدود...
وما مره علحاجب صعدت العين...
وابد لا تنكر اصلك وفتخر بي...
شما يعله البشر اصله يرد طين...
ولعراقك تنحني كل السماوات...
اهل الله بيه ومنبع الدين...
ولأن انته عراقي تبقى فوك الراس...
وفوك الراس تصعد بعد شبرين....
...........
عجبتني كلش يارب
تعجبكم
منقووووووووووول
-
عاشت ايدك عالكلام المعسول المنقول النا....
-
فعلا عجبتنة !!!كلام له معنى قوي واقوال مآثورة ...يســلموا
تحياتي الك
ابن :)بغداد
-
يسلموووو عزيزتي كلمات في غايه الروعه
-
كلمااااات حلوووة يسلمو الايادي ياوردة
-
عاشت الايادي على الكلمات الروعه يسلمو