ankawa

المنوعات => استراحة المنتديات => استراحة الخواطر => الموضوع حرر بواسطة: نوس الالقوشي في 06:16 27/03/2009

العنوان: اليحبك ما ينكرك
أرسل بواسطة: نوس الالقوشي في 06:16 27/03/2009
اليحبك ما ينكرك
واليحبك مايخسرك
واليحبك ما يغدرك
واليحبك يرهم حزام علظهرك
واليحبك ما يعبرك
واليريدك يبوس ايدك
واليحبك يبوس ثغرك
واليحبك ما يكسرك
شما نصيت يعلي سعرك
واليحبك ما يغيبك
واليحبك ما يسهرك
واليحبك يمتثل صدك لامرك
واليحبك هو بس هو اليعذرك
واليحبك مثل عطرك يغفة ويموت على صدرك
ومو خسارة لو ردت تنطيه عمرك
اليريدك يصير دم بنص وريدك
اليحبك وين ما ترحل تشوفة
اليحبك وين ما تسكن يشوفك
اليحبك مثل ظلك ما يعوفك
واليحبك مثل هذا النفس يصعد يصعد وينزل بجوفك
واليحبك وين ما ترحل تشوفة ووين ما تسكن يشوفك
واليحبك يربط زلوفة بزلوفك
واليحبك تغفة يمة وينتهي ويموت خوفك
واليحبك لما تعطش يظل يصب دموع يترسلك جفوفك
واليحبك يفهمك يقهم ظروفك
واليحبك ما يشوف الناس بس انت يشوفك
اليحبك يبيع عمرة ويشتريك
اليحبك لو عبرت بحور يعبرهة ويجيك
يعنتنيك
اليحبك يبيع عمرة ويشتريك
لا يكلبي شصار بيك
ليش تسأل عللي ما يسأل عليك
لا يكلبي لا تصدك بكلمن يكلك ابيك
ابقة مثل الورقة بيضة مو تظل ياهو اليجي وكتب بيك
وهمة يتعنون ويبوسون ايديك

منقول
العنوان: رد: اليحبك ما ينكرك
أرسل بواسطة: nasir yako في 08:35 27/03/2009
عشت ياورده عالكلام الحلو المنقول النا......
العنوان: رد: اليحبك ما ينكرك
أرسل بواسطة: رضوان ღ عذراء في 10:22 27/03/2009
waw

عشت ياورده عالكلام الحلو


واليحبك هو بس هو اليعذرك
واليحبك مثل عطرك يغفة ويموت على صدرك
ومو خسارة لو ردت تنطيه عمرك
اليريدك يصير دم بنص وريدك
اليحبك وين ما ترحل تشوفة
اليحبك وين ما تسكن يشوفك
اليحبك مثل ظلك ما يعوفك
العنوان: رد: اليحبك ما ينكرك
أرسل بواسطة: سوسو الالقوشيه في 22:07 27/03/2009
واليحبك لما تعطش يظل يصب دموع يترسلك جفوفك
واليحبك يفهمك يقهم ظروفك
واليحبك ما يشوف الناس بس انت يشوفك
اليحبك يبيع عمرة ويشتريك
اليحبك لو عبرت بحور يعبرهة ويجيك
يعنتنيك


عاشت ايدك نووس كلمات رووووعه
دوم الابداع

تحيتي

سوسو الالقوشيه
العنوان: رد: اليحبك ما ينكرك
أرسل بواسطة: لؤلؤة السماء في 22:11 27/03/2009
كلمات حلووووة عاشت الايادي ياووووردة  
العنوان: رد: اليحبك ما ينكرك
أرسل بواسطة: ann_alnoury في 22:31 27/03/2009
كلمات رائعة ...سلمت اناملك اخي العزيز لما نقلته لنا ...دمت ودام عطاؤك بالابداع والنجاح المتواصل ..لك تحياتي
العنوان: رد: اليحبك ما ينكرك
أرسل بواسطة: ديراني في 01:52 28/03/2009


حروف وكلمات منسوجة بحب

يسلمو للابداع المنقول الينا
العنوان: رد: اليحبك ما ينكرك
أرسل بواسطة: سيلدا في 09:19 28/03/2009
عشت ياوردة على كلامك روعة ياروعة                                                                                                                                          تحياتي سيلدا