ankawa
منتدى الهجرة واللجوء => الهجرة و واللاجئين => الموضوع حرر بواسطة: Haidor في 07:46 13/04/2009
-
جميع المتقدمين الجدد (حتى عل الهجره) نصيحة لوجه الله .... عند ملئ اي استمارة أو فورم أو تقديم جديد، حاولوا كتابة اسمكم الكامل و اللقب و عدم ترك فراغ في مجال الاسم لا تضع فيه احد اسماء اجدادك لان صغر الاسم سيسبب تشابه اسماء لا محال و في حالة التشابه رح تشبع جايات و ترجع ليوره تنتظر الموافقة الامنية ...
اني عود دا افيك شلت اللقب و اختصرت بالاسم و صار بس الثلاثي و النتيجة انتظار موافقة لمدة تزيد عن 8 شهور و اتوقع تطول أكثر... و أعرف صار تشابه اسماء 100% لان بمطار بغداد سويت نفس الشي و هم طلع تشابه اسماء و جيب الليف يلله هددوني...
المهم ... حبيت افيدكم
تحياتي .. حيدور
-
حيدور ربي يبارك بيك على هاي النصيحة وانشاء الله الاخوان الجدد يستفادون منها ...
وانشاء الله اخونا حيدر يتصلون بيك وتكمل كل المقابلات وتنفرج على كل العراقيين ...
والموفقية للجميع...
تحياتي...
-
اللهم ربي تفرج عليك وعلى الجميع ......مشكور اخي على المعلومة الله يبارك بيك .......تحياتي
-
خوش نصحية بس هو المشكلة امو لاسم الثلاثي بس ... هو المشكلة باي اسم بيه احمد محمد عبد العزيز الخ
-
يعني اللي اسمه "محمد علي حسين" لازم يشتري تريله جاي من وره انتظار تشابه الاسماء يخلص
-
مشكور اخي حيدر ربي يبارك بك وانشااللة السفر القريب لك ولكل الاخوة المنتظرين ربي يوفقكم جميعا
-
حجيك مضبوط مشكلتي نفس الشي بمطار بغداد دائما اتاخر بسبب التشابه واتوقع راح اشرب جايات وكهواي الى مالانهاية
-
مشكور حبيبي حيدور .... نصيحه جدا مهمه ....
الله يوفقك لعمل الخير ..... البارحة جنبيا نسولف بيك .... صدك ابن الحلال بذكرة
-
شكرا اخواني و خواتي بارك الله بيكم.
العراقي الغيور ... كول و فعل .. بليه ما شوفك مرتاحلك.
سالي سعد ... الله يفرجه عليج و عل الكل بحق كل الكتب السماويه.
حمودي .. هي اذا تريد تنلاص ميرادلهه حجه ... وحدهه تترتب.
انجي ... الله يبارك بيج و يفتحه بوجهج و يحفظكم من كل مكروه.
ابو لانا ... هي الوكفه بالمطار علمود التجييك مال الاسماء محرجه و مزعجه .. اني شعرت بشعور المجرمين من يستجوبوهم ..الله يحرسنه من التايهات.
شبح بغداد ... حياك الله ... مختار ال SIV ... أكول ليش البارحة أرش بف باف و ميفيد ... الحككه ما هدتني ... خوما كصيتوني؟
بالتوفيق للجميع .. حيدور
-
كلامك صحيح اخ حيدور اكثر شي ياخر الموافقة الامنية هو تشابه الاسماء واحنه تاخرت موافقتنا سبع اشهر بسبب تشابه الاسماء بس الله فرجها وان شاء الله تفرج عليك وعلى كل الاخوة المتاخرين وتفائل بالخير لان هالايام هواية كيسات قديمة دتمشي وهواية مواعيد سفر من بغداد وان شاء الله تكون واحد منهم وكول كالت ام سارة ، تحياتي
اختك ام سارة
-
الاخ حيدور واللة كلامك صحيح وهذا الي صار بية كانت معاملتي اسرع معاملة ونامت عليها طابوفة من الاسم
-
هسا الارهابي اللي نفس اسمي عمره 58 وملازميه ... السؤال: اني شعليه !!!
-
حمودي هذا الارهابي ابو ال 58 سنة هسة طلع تقاعد من القاعدة و ديمشي بمعاملة التقاعد
-
الف شكر على هاي المعلومات وبارك الله فيك وان شاء الله يوم الي تجيك الموافقة الامنية وموعد سفر قريب باذنه تعالى
-
السلام عليكم
رحم الله والديك اخويه الغالي على النصيحه .
ابو انس
-
عاشت ايدك حيدوووور الورد
-
خوششششششششش كلام ..الف شكر اخى بارك الله بيح ,,,
تحياتى ايام من مصر
-
شكرا اخي Haidor على النصيحة
الله يباركك
اخوك يوجد امل
-
شكرا اخي حيدوري وبارك الله بيك .....ايات
-
اخي العزيز بارك الله بك و جزاك الله خير
يارب تتيسر أمورك وتحصل موافقة بسرعة و تسافر في وقت قريب
شنو رأيكم نسوي موسوعة مال الأسماء المتشابهة أو المشتبه بها؟؟؟
حتى إذا الواحد إسمه من هالأسماء يحضر الشاي و يكعد و ما يفكر بالسفر قبل السنة !!!
الله يسهل أمور الجميع
-
فعلا معلومة مهمة عاشت ايدك اخوية حيدور ..وانشالله الله يسهل عليك وعلينة وتفرج علجميع
تحياتي
-
مشكور على النصيحه وكلامك صحيح
كان عندي صديق اسمه عباس علي حسين كل ميسافر يروح يسوي تطابق اسماء لا محاله
-
شكلر لك حيدور الورد على هذه النصيحه القيمه
وين وصلت بالجاي ؟ اني حولت على القهوه
بالتوفيق للجميع
-
كلامك صحيح أخ حيدور و تسلم على النصيحه و الله يبارك بيك
أخوك البصير
-
الف الف الف شكر اخوية حيدور على النصيحة وبارك الله بيك ويجعلها فى ميزان حسناتك
-
أخواني و أخواتي الاعزاء
العزيز أبن العراق
البصير
النمر SHOW ... خابروني من سريلانكا شركة مال جاي رح يسجلون نص اسهمهم بأسمي من ورا الارباح
عكعوكي الورد
أبن الحبيبه بغداد
جناحو أو Wingo .... موجوده الموسوعه مال الاسماء المتشابهه ... عد جماعة الموافقة الامنية ... لموهن كبلنه
الأخت آيات
الكريم يوجد أمل
Days أيام
رفيقي أوديسوس
القرش ShARk
أم سارة .. الله يسمع منج
أبو زيد Jordan
حمودي الزيوني .. نفس شعورك
عبسي ... تلكا لهذا الارهابي ابو ال 58 سنه مقدم لجوء بغير اسم و مقبول و احنه واكعين من وره اسمه الاول ...
خلدون
تشرفت بمروركم و استمتعت بقراءة مشاركاتكم الجميلة ... بالتوفيق ... حيدور
-
الف شكر على النصيحة ولو اني اثناء مقابلة المحلفين استغربو الاسم الطويل الي كان اسم ثلاثي ولقب وطلبو اختصارة الى اسم ثلاثي فقط او اسمين ولقب لانه غير شائع عدهم الاسماء الطويلة .
-
اخويه موضوعك جدا صحيح و اني كتبت اسمي و اسم ابويه و اللقب اهمممممممممممم شي اللقب و الحمد لله اجتني الموافقه الامنيه قبل الفحص الطبي بسسسسسسسسسسسس لي هسه دا انتضر ختم الملف صارلي شهر
و الحمد لله على كل شي
اخوكم طيور الجنه
-
شكرا اخوية على هذه النصيحة
-
يرفع
-
الف شكر اخويه العزيز حيدوري
على هاي المعلومات وبارك الله فيك وان شاء الله يوم الي تجيك الموافقة الامنية وموعد سفر
والموفقيه للجميع
نهاد احمد ابو علي
من مصر
-
عاشت ايدك اخويه صدكت بهاي المعلومه