ankawa

المنوعات => استراحة المنتديات => استراحة الخواطر => الموضوع حرر بواسطة: نوس الالقوشي في 07:38 15/04/2009

العنوان: التأقلم
أرسل بواسطة: نوس الالقوشي في 07:38 15/04/2009

تأقلم قال لي البطران وتوكل على الله وصفّي النية

عيش لذاتك ويا الناس وانس همومك شوية

مهي الدنيا صارت هيك كل من منزوي له وخاتل بفيه

ولا تذكر فراتك يوم ولا دجلة وشواطيها

بدّّّلهن بنهر الراين المعروف وفروعه ومجاريه

وخلنا من الوطن هسع وقصوره ومحاريه

بدله بوطن نيدر لاند وسوشاله ومصاريه

وخلنا من الطفولة وعمرك التعبان وسنينه ومحاكيه

هي الناس نفس الناس بس تختلف باللهجات والنية

إذا رايد صديق هنا بدل روب بعطية

وإذا رايد تشم نسمة عليله من هوى بغداد هوانا بأند هوفن ينعش الريه

وإذا رايد قهقه وعشرة دفو نسوان بدل مارغريت بجهرة بهية

وإذا حنيت لاغاني داخل حسن والمنكوب ورياض أحمد يغني محمداوي بطور الابوذية

أنا اللي ياويل ياويلاه والهوسات ومحاضن الجوبية

اسمع مايكل شيقول من أوتار صوته تطق تراجيّه

وإذا يردح على المسرح أظن يمرد كلاويّه

عليمن تنقهر عالفات مهيّ الدنيا مقضية

عليمن للصبح سهران قاعد بس تعد نجوم تحسب زحل وثريا

وطننا اللي بنيناه بدمع وضلوع صفى ببطن الحراميه

وعليمن عينك ربيّه قطعنا الياس من عندهم بعد فدنوب لا روحه ولا جيه

أتاقلم وأنا الممنون ياخايب غصباً عليّ

أتاقلم واجيك من الصبح بالشورت حافي بطرق رجليّا

واذب عقالي ذاك الزين واحط براسي طاقيه

وأروح الديسكو كل يوم وأرقص لك رقص مذبوح وأقلك شوفني ايش بيّا

أتأقلم وأصيحن حيل تحيا الديمقراطية                                                                                     منقول

العنوان: رد: التأقلم
أرسل بواسطة: سيلدا في 18:48 15/04/2009

يسلمووووووووووووووو ياوردة

العنوان: رد: التأقلم
أرسل بواسطة: nasir yako في 04:04 16/04/2009

حلوه الكلمات التي اخترتها ونقلتها اناملك الحلوه النا ياورده

العنوان: رد: التأقلم
أرسل بواسطة: amer+ al7ob في 09:13 16/04/2009

عاشت الايادي

العنوان: رد: التأقلم
أرسل بواسطة: نـور في 10:50 16/04/2009

يسلمووووووا عاشت الايادي


تحياتي...

العنوان: رد: التأقلم
أرسل بواسطة: رضوان ღ عذراء في 17:37 16/04/2009

waw

عاشت الانامل اللي نقلت النا هذه الكلمات الحلوه....

(http://www.shattalarab.com/vb/image.php?u=58345&type=sigpic&dateline=1225032624)