منتدى الهجرة واللجوء => الهجرة و واللاجئين => الموضوع حرر بواسطة: ام سما في 17:06 22/04/2009
العنوان: حددوا موعدسفر ودورةتثقيفيةوبعدها رفض
أرسل بواسطة: ام سما في 17:06 22/04/2009
السلام عليكم اخوتى يمكن تكولون اختنا ام سما دتلعب باعصابنا لكن والله هذه حقيقة والكم تفاصيلها النا جار قابل الوفد المريكى يوم 26/1/2009 هو وزوجته واولادة الاربعة الصغار واستلم الظرف يوم 5/4 وكالولة مبروك الموافقة واحنا بعد بيوم استلمنا الموافقة ايضا واجا عدنا هو وزوجتة يتاكد من الموافقة لان من الفرحة كان ممصدك وقريت بعيونى الموافقة وكانت موشرعلى المربع الرابع مثلنا وبعد متاكد وقارن ورقة بجانب ورقة انو نفس الشى ونفس الاشارة فرح لان كان ميعرف يقرا وراح الرجل يحلم بيوم السفر وبعد يومين جانى ابنى وكال ابو فلان اتصلو بيه وحددولة موعد سفر لان مفتر على العراقيين الى بالمنطقةوفرحان ممصدك ويكوللهم ابرونى الذمةمثل اى عراقى قبل ميسافر ويكولة لابنى يمكن باجر يتصلون بيكم لان انتو وراية بيوم وفرحنالة من كل كلبنة ولكن المفاجئة المحزنة انو قبل كم يوم يمر على ابنى ويسب ويلعن انو المنظمة اتصلت بيه وتكلة انت مرفوض وياك عائلتين هم ارفضت وكع كلبنا من الخوف والحزن عليه شنو رايكم اخوانى بهاى السالفة صدكون مصدكون والله صارت كدامى وبكيفكم واكو حالة اخرى حصلت البارحة امام اليوان بالمزة كثير من العوائل كالبة الدنيا محدديلها موعد سفر لاستراليا ومن راحين على الجوازات دا يختمون مغادرة كايليلهم الفيزة انسحبت منكم وانتو مرفوضين شنو رائيكم بهذا الحجى والله مدا ادرى نفرح بالموافقة لو نبقة بالقلق الى ان نحط رجلنا بامريكا وسامحونى على الاطالة
اختكم ام سما
العنوان: رد: حددوا موعدسفر ودورةتثقيفيةوبعدها رفض
أرسل بواسطة: ENG.MEDO في 17:19 22/04/2009
اختي العزيوه ام سما
تحية طيبة هاي الحالات تصير هوايه اكو رفض بعد القبول ةبعد موعد الطيران واكو بنفس يوم الطيران يعني لازم منستغرب من هاي الحالات واسبابه غير معروفه مثلا اكو بتركيا ناس عدهم بصمات بمراكز شرطة اوغير ومكايلين بالمقابلة على هاي البصمات فينرفضون بعد تحديد موعد السفر واكو قسم بالنسبة لتركيا يدفعون رشاوي علمود الاقامة والتواقيع فاكو احتمال يعرفون ويوصل خبر للمنضمات وينرفضون
على العموم اختي العزيز الكاتبه الله انشوفه والله ارحم الراحمين تقبلي مروري
العنوان: رد: حددوا موعدسفر ودورةتثقيفيةوبعدها رفض
أرسل بواسطة: angie-dawood في 17:22 22/04/2009
عادي اختي ام سما اني هم كالوا لاخويه انت متحول للتوطين وراها بشهر راح عليهم حتى يسال عن المقابلة مال توطين رجعوا كالوا لا انت مال متحول للتوطين ولا اي شي روح شوفك حل ---------- يعني هما ما اعرف سوج الموظفين لو سوج الي يحولهم للتوطين ------------ شليلة وضايعه راسها ---------------
العنوان: رد: حددوا موعدسفر ودورةتثقيفيةوبعدها رفض
أرسل بواسطة: ★AbN✰BaGhDaD★ في 17:24 22/04/2009
والله يا اختي ابصراحة فعلا خبر محبط للآمال... بس اللي اريد اعرفة من حضرتج شون يعني حددولة موعد سفر وبعدين اجاه رفض ؟؟؟؟ لان قبل ميحددولة موعد سفر لازم يسوي الدورة التثقيفية وبعدها يذهب الى ال U.N لتسليم الجوازات !!!
طيب وهل للخبر علاقة بالسفارة الاسترالية ؟؟؟عندما رفضت كثير من الناس ؟؟؟
بس لا جوراينكم مضروب عين انفلاقية :o :o :o ;D ;D ;D ;D
منكول غير بس الله يكون ابعون العراقيين ويسهل امرهم وتفرج عليهم وانشالله مانشوف اي حالة رفض
تنويه:- تعتبر هذه الحالة الثانية من نوعها (الرفض) بعد حالة الاخ ابو صقر ...
تحياتي للجميع ابن بغداد
العنوان: رد: حددوا موعدسفر ودورةتثقيفيةوبعدها رفض
أرسل بواسطة: ARTEEN في 17:32 22/04/2009
اولا مبروك على الموافقة اخت ام سما.وانشاء الرب السفر القريب بالنسبة لجاركم والرفض الغريب ؟؟ بعد تحديد السفر فالمشكلة هو يعرفها ولايريد البوح بها الله يساعدة امريكا لاترفض احد وهو وصل لهذه المرحلة المتفدمة الا؟ كان لديها سبب مقنع ودليل واذا ارادوا الامريكان.يؤجلوه وبعدها يستفسرون منه.يعتي لايوجد رفض مباشرتا بعد ما وصل لهذه المرحلة والامريكان مايخافون من احد اختي.. لاتقلقي وتوكلي على الله.اما الاسترالية انا ليس لدي فكرة عنهم ؟ ابو ستيف
العنوان: رد: حددوا موعدسفر ودورةتثقيفيةوبعدها رفض
أرسل بواسطة: الحبار في 17:56 22/04/2009
هاي الحالة غريبة صدك ومقلقة اخت سما بس نكدر نعرف انتو اب يادولة وهذا الرفض اجا الجاركم والله ايقدم الي بيه الخير
العنوان: رد: حددوا موعدسفر ودورةتثقيفيةوبعدها رفض
أرسل بواسطة: ayadkoo في 17:58 22/04/2009
صدقيني يااختي اكو عين تحرك الاخضر فهاي اكيد 100% ليزر الله يعينه على هذه الامور وانشاء موافقتك اتيه بس لاتقولين لحد انصحك الامن توصلين الى بلد التوطين ومبروك مقدما
العنوان: رد: حددوا موعدسفر ودورةتثقيفيةوبعدها رفض
أرسل بواسطة: القرش في 18:30 22/04/2009
السلام عليكم
اختي ام سما مبروك على الموافقه وان شاء الله قريبآ نسمع موعد سفركم .. اما بالنسبه لاصدقائكم فهذه حاله جدآ غريبه واول مره نسمع بيها ويمكن سببها الخربطه الحاصله بين الموضفين وكل واحد يجر بصفحه .. الله يعينهم ويصبرهم على هاي البلوه .
ابو انس
العنوان: رد: حددوا موعدسفر ودورةتثقيفيةوبعدها رفض
أرسل بواسطة: فحامي في 19:14 22/04/2009
هاي واحد من العراقيين الي يعرفوهم بالمنظمة حاركهم لاي سبب من الاسباب طبعا فاتن عليهم بشي باطل ماكو غير سبب
العنوان: رد: حددوا موعدسفر ودورةتثقيفيةوبعدها رفض
أرسل بواسطة: احلى بابليه في 19:22 22/04/2009
لا اله الا الله والله الحاله كلش محزنه شلون هيجي يسوون اشو هاي هيته
العنوان: رد: حددوا موعدسفر ودورةتثقيفيةوبعدها رفض
أرسل بواسطة: الاصيل222 في 19:29 22/04/2009
الله يكون بعون الناس اللي تنتظر خبر جدا محزن و اول مرة نسمع بهيج حالة بسوريا ... ------------------------------------------------------------------ تحياتي لكم
العنوان: رد: حددوا موعدسفر ودورةتثقيفيةوبعدها رفض
أرسل بواسطة: عاشق تراب العراق في 23:46 22/04/2009
الله يكون بعونهم والله يستر و فعلا اني هم اكول احتمال اكو ناس فاتنة على شي يعرفو على هذولة الناس اما استراليا فمندري شنو اللي صار
العنوان: رد: حددوا موعدسفر ودورةتثقيفيةوبعدها رفض
أرسل بواسطة: Shebo في 00:12 23/04/2009
شكرا أختي ام سما على نقل هاي لحاله لغريبه زين معرفو لسبب معقوله ميبلغوهم عن لسبب اكو إنه وجوارينكم ميكولها والف مبروك موافقتج تحياتي شيبو
العنوان: رد: حددوا موعدسفر ودورةتثقيفيةوبعدها رفض
أرسل بواسطة: المتمني في 00:14 23/04/2009
والله اختي ام سما انت سويتي الي مو صدمة بس سويتي الي فد شي محبط بدرجة كبيرة وكلت اللهم لانسالك رد القضاء ولكن نسئلك اللطف فيه اللهم ارحمنا يارحم الراحمين . ارجوك رجاء كبير ان تكتبي لنا التفاصيل الكاملة للموضوع ونحن بلانتظار رجاء
ابو ملك
العنوان: رد: حددوا موعدسفر ودورةتثقيفيةوبعدها رفض
أرسل بواسطة: ايات في 00:30 23/04/2009
اختي اولا مبروك على موافقتك وان شاء الله يسرع بسفركم
اختي هذا الموضوع فيه خطاء 100% لان اذا انت تقولين انه استلم الموافقة يوم 5/4 فكيف تم تثبيت موعد السفر بعد يومين متى جاءت الموافقة الامنية ومتى انختم الملف ومتى اكملت كل الاجراءت من الكفيل وتحديد الولاية والدورة التثقيفية اذا اردنا ان نحسب من يوم 8/4 لغاية اليوم لاتكمل كل المعاملة فاكيد يوجد خطا او اشتباه من قبل المنظمة ولكن اذا قدر الله وما شاء فعل ...ان شاء الله يسهل امور كل المنتظرين ويسرع في اوراقهم وسفرهم ...آميين يارب العالمين ....اختكم ايات
العنوان: رد: حددوا موعدسفر ودورةتثقيفيةوبعدها رفض
أرسل بواسطة: عكعك التطوى في 00:36 23/04/2009
والله يوميه فد شي جديد نخلص من شغله نوكع بشغله جديد
بس العجيب هو من حددوله موعد سفر غير يعني الموافقه مالته جايه من امريكا وختموا ملفه ومنتهيه الشغله يعني شنو وره ميوافقون يسون تشييك ثاني شو شغله غريبه ؟
العنوان: رد: حددوا موعدسفر ودورةتثقيفيةوبعدها رفض
أرسل بواسطة: مهاجرين بلا حدود في 05:00 23/04/2009
الله شكد يحبني ...الحمد لله منذ البداية عرفت مصيري
الحمد لله على كل شي
تحياتي اختي ام سما
العنوان: رد: حددوا موعدسفر ودورةتثقيفيةوبعدها رفض
أرسل بواسطة: saleem2009 في 15:24 23/04/2009
حالة غريبة جدا وتخلي الواحد يبقه قلق الى ان يوصل لامريكا ويضرب نفسه راشدي حتى يتاكد هو بحلم لو لا ؟ الله يكون بعونه تحياتي
العنوان: رد: حددوا موعدسفر ودورةتثقيفيةوبعدها رفض
أرسل بواسطة: المتمني في 17:56 23/04/2009
وينج ام سما اشوف انطيتي الخبر وماانطيتي تفاصيل اكثر
العنوان: رد: حددوا موعدسفر ودورةتثقيفيةوبعدها رفض
أرسل بواسطة: Baghdady73 في 18:56 23/04/2009
اعتقد اكو خطا بالموضوع لان احتمالات الرفض بعد الموافقة الاولى واردة وهو ان يكون رفض من قبل وزارة الامن الداخلي الامريكية "الموافقة الامنية" ولكن شلون حددوله موعد سفر ودورة ماكو يعني الا اذا مشتبهين باسمة مع عائلة اخرى..بالنسبة لسحب الفيزا الاسترالية باعتقادي الامر متعلق بنوع الجواز او ان صاحب الجواز رايح جاي للعراق والامم المتحدة كالت وبصريح العبارة وانتبهوا على هاي الفقرة اخوان جدا مهمة لو الملف ايكون خلصان وما بقى شي غير الفيزا فاذا لاحظوا ان صاحب الجواز رايح للعراق بعد فترة المقابلة فسوف يرفض وهاي كالولياهة بصريح العبارة وظلوا ايكرروهة اكثر من مرة
تحياتي
بغدادي
العنوان: رد: حددوا موعدسفر ودورةتثقيفيةوبعدها رفض
أرسل بواسطة: عكعك التطوى في 19:23 23/04/2009
اليوم بالصدفه شفت حاله
احد الاخوات انرفضت بعد الموافقه الامنيه وحسب مفتهمت انه من قدمت وانقبلت بعده بفتره تراجعت عن قرارها وانسحبت من الملف وبعدين قدمت من جديد وانقبلت واجت الموافقه مالته وبعدين كالولها
العنوان: رد: حددوا موعدسفر ودورةتثقيفيةوبعدها رفض
أرسل بواسطة: Wingo في 20:10 23/04/2009
لا حول و لا قوة إلا بالله الله يستر و الله فعلاً حالة غريبة يجوز الشخص يعرف السبب بس ميحجي ؟؟؟ بس و الله شغلة تخلي الواحد يطير عقلة من القلق
العنوان: رد: حددوا موعدسفر ودورةتثقيفيةوبعدها رفض
أرسل بواسطة: ليث الشمري في 20:39 23/04/2009
الى الاخت العزيزه ام سما الللف مبروك وانشاء الله السفر القريب والله اعين صاحبكم واذا ماكو زحمه ممكن اتشوفين اشمكتوب بل الورقه علامة صح لو x واكو علامه ابوجه الضرف فوك اب اقصى اليمين نقطه صغيرة لو غير شي اذا ماكو زحمه ممكن اتشوفيهن مالتج ومالت هذا جيرانكم وا اعرف حضرتج الي عندج اخو مستلم الموافقه اب شهر ال12 سافر لا
العنوان: رد: حددوا موعدسفر ودورةتثقيفيةوبعدها رفض
أرسل بواسطة: ذاكر ابو فابيان في 22:02 23/04/2009
حسبي الله ونعم الوكيل .... لا تعليق....يارب استر
العنوان: رد: حددوا موعدسفر ودورةتثقيفيةوبعدها رفض
أرسل بواسطة: المهجره في 10:42 24/04/2009
الله يكون بعونهم وبعون كل واحد مثلهم............
العنوان: رد: حددوا موعدسفر ودورةتثقيفيةوبعدها رفض
أرسل بواسطة: AbEr SbiL في 12:20 24/04/2009
والله شي عجيب بس خاف اكو غلط بل الموضوع شي محير فعلا ؟؟؟؟
العنوان: رد: حددوا موعدسفر ودورةتثقيفيةوبعدها رفض
أرسل بواسطة: good sniper في 01:05 25/04/2009
مبروك الموافقة اخت ام سما لكن شغلة جاركم يدوخ ??? ??? ??? ??? ??? ???
عجيب امور غريب قضية
العنوان: رد: حددوا موعدسفر ودورةتثقيفيةوبعدها رفض
أرسل بواسطة: طركاعة في 15:49 27/04/2009
والله ماعرف ذولي شبيهم اني اتصور لو يرحون يطمون نفسهم احسن يعني ناس تسهر ليالي وتصرف فلوس وقت وحرك اعصاب وبالتالي يكولون هشكل .. من الاول يكولوله للشخص تره انت شغلتك واكفه مو يخلوة يعيش الاحلام ويبيع غراضه كلها ويشتري اشياء بسيطة جداً ويجهز روحه ...
بصراحه اني مؤمن انه الامريكان اغبياء وماعدهم اي دراسة والموضوع عباره عن حيا ودرج
والدليل واقعهم بالعراق وشلون ديخوطون ويخربطون ..
والله يوفق الجميع يارب
العنوان: رد: حددوا موعدسفر ودورةتثقيفيةوبعدها رفض
أرسل بواسطة: myiraq في 16:18 15/05/2009
مرحبا" بالجميع.. فعلا هذه الحاله غريبة جدا وكل الاحتمالات قائمة ...اما هو سوء تنظيم من قبل المنظمة نفسها وهذا شي غير مقبول على الاطلاق لان هشكل جاي يلعبون باعصاب الناس...او انه فعلا الشخص عنده شي وميقدر يقوله...الجماعه ما يهمهم بس امن امريكا ...يعني ممكن عنده شي ومذكره بالمقابلات والله مسألة تحير...في كل الحالات الله بساعده ويصبره..اتمنى الموفقية للجميع شكرا
العنوان: رد: حددوا موعدسفر ودورةتثقيفيةوبعدها رفض
أرسل بواسطة: بت بطوطة في 17:52 15/05/2009
مبروك عليج اختي ام سما وانشالله بالتمام ..
وبالنسبة لجيرانكم اعتقد مثل ماكلتي رفضوهم لان عرفو زوجته رجعت للعراق وهذا الشي طبعا مايقبلون بيه الاي او ام لان الانسان المهدد فعلا مستحيييييييل يرجع للعراق ويعرض حياته للخطر وبما انه احد افراد العائلة رجع معاناهة ماكو داعي روحة امريكا مو؟
عالعموم الله يكون بعونهم ويعوضهم خير انشالله
تحياتي اختي الكريمة
العنوان: رد: حددوا موعدسفر ودورةتثقيفيةوبعدها رفض
أرسل بواسطة: عاشق تراب العراق في 18:15 16/05/2009
و الله اختي ام سما ما ادري شكول بس هو زوجتة مرجعت للعراق حتى يرفضو و فعلا خيط و خرابيط الله يكون بعونهم
العنوان: رد: حددوا موعدسفر ودورةتثقيفيةوبعدها رفض
أرسل بواسطة: mohammed2009 في 22:59 29/05/2009
السلام عليكم
طبعا ردا على الموضوع اني بصراحه شايف حالات هوايه ينرفضون لكن لازم ابكل مره اكو سبب للرفض والاغلب هو الرجوع للعراق يكون السبب الاول مثلا : اني لي صديق ذهب للتقديم الى ال يو ان واستلم موعد بعد تقريبا 20 يوم على المقابله الاولى في اليو ان فذهب للعراق علمود ايصفي اموره راح ورجع بعد اسبوع وقابل باليو ان واتحول ملفه للتوطين وقابل محلفين واجه جواب المحلفين الاختار الثالث وهو انك غير معرض للاضدهاد بسبب عوده الى العراق قبل المقابله الاولى في اليو ان وطبعا رجع اعترض وحولوا اوراق الى كندا وقابل المحلفين وهسه دينتظر جواب المحلفين وان شاء الله خير
وان ملخص كلامي انه لكل رفض سبب والسبب المحلف مقتنع بي وعنده دليل عليه مثل ماذكروا الاخوان واذا امريكا رفضته فيحولوا على بلد ثاني لان هو صار ملزم من الاي او ام بتوطينه في بلد ثالث سواء امريكا او غيرها
شكرا
اخوكم محمــــد
العنوان: رد: حددوا موعدسفر ودورةتثقيفيةوبعدها رفض
أرسل بواسطة: العيون السود في 10:36 31/05/2009
مرحبا انا عضو حديد في الموقع احب اشارك في الموضوع احنه صارت ويانه مثل هاي الحاله واحد اقاربنه خلص المعامله كله وسوله كفاله من امريكا جان بس نتظر موعد السفر وبعد كم يوم خابرو انطوله رفض وهسه حوله على غير دوله يعني اصير هاي السالفه لين يرتون احركون اعاصاب الناس وشكرا