ankawa
منتدى الهجرة واللجوء => الهجرة و واللاجئين => الموضوع حرر بواسطة: Sasy في 23:03 27/04/2009
-
رجاءااااااا احتاج المساعده اتصلت ودزيت ايميل علي شغلتي صار منها حسب متعرفون اني كملت كلشي وجان الجواب التالي :
اخي البصير هذا جوابهم بالتلفون وبالرساله
Thank you for your email dated April 24th, 2009.
Your case has been documentarily completed and is currently under review
for administrative processing. Unfortunately, we do not have a timeframe
for this procedure. As soon as an interview appointment is scheduled
for you, you will be notified, via email.
سؤالي هو اكو احد جاوبوا هيجي وشوكت جان موعد المقابله وراها
اختكم
ساسي
-
انت الان ابحرتي داخل بحر الظلمات وشدي الاشرعة لان العواصف والامواج ستتراطم على المركب وحضري نجادات وزوارق نجاة ولو كنتي ربانة جيدة ستتجاوزين راس العواصف او راس الرجاء الصالح كما فعل احمد بن ماجد الملاح
واكتبي على الاشرعة عبارة طلب النجدة sos
sos sos sos sos sos sos sos sos
اللهم نجنا ونجي المؤمنين من بحر الظلمات
-
أخت ساسي ....أطمئني ...أنت هسه في بحر الظلمات .....
مرحلة بحر الظلمات تأخذ فتره من 60 الى 90 يوم ...هذا الوقت المثالي طبعا.....تعتمد حسب الحسب ....يعني بين قوسين ماكو فد شي ثابت .....
السؤال الي يطرح نفسه ....متى كان تاريخ أرسال أول و ثيقه الى NVC ???
و أنتي تكدرين تحسبين الوقت ....بالنسبه الي كانت فترة NVC هي بالضبط ثلاثة اشهر الا خمسة أيام. و جوابهم هذا هو جواب ثابت لكل من تدخل أو دخلت معاملته بحر الظلمات
....هذي المرحله شويه تحتاج صبر أكثر من بقية المراحل و بالتوفيق ان شاء الله
البصير
-
شكرا الاخوان ماجلان والكابوي العراقي بشركم الله بالخير هسه عرفت بحر الظلمات بس مشكلتي بأيدي اليمنه متشتغل زين بالتجذيف من ورى الاصابه بس نحاول بمساعدتكم خوتي
اخي العزيز البصير اني اول ايميل اجاني منهم يوم ١٢/١٢ يعني صارلي بالضبط اربعة اشهر و١٦ يوم يعني اني متأخره هوايه
بس اكو سؤال اني كملت الفورم ٢٣٠ يوم ٢٢/٤ اتأخروا جانوا يسألون عن عنوان البيت المحله والزقاق هل هذا اله علاقه بالتأخير؟؟؟
مع جزيل الشكر
اختكم
ساسي
-
اختي ساسي ......
انتي رسميا دخلتي لبحر الضلمات في تاريخ ارسال اخر معلومة لل ان في سي .... يعني على كلامج الي كلتي .... انتي احسبي يوم 22-4 هو اول يوم الج بالبحر ......
اختي انتي بنيه ..... ما اعرف اذا متزوجة لو لا ولكن حتى اذا متزوجة ..... بحر الضلمات مالتج مراح يكون مثل بحر الضلمات مال الولد البقية ..... يعني نكول ان شاء الله تطلع ساكيه الضلمات مو بحر ...
تقبلي مروري .....
-
شكرا اخ BaghdadGhost انشاء الله تكون ساكيه لان اني ممزوجه انشاء الله مطول بس هسه احسب ٣ اشهر لو اقل لو ممعروفه ؟؟؟؟
مع شكري
اختكم
ساسي
-
أخت ساسي
صارلج في بحر الظلمات اكثر من أربعة أشهر .....
و أرسال أخر استماره كان في 22 -نيسان ....
أتوقع و أن شاء الله توقعاتي صحيحه....أن يدزوون الك موعد خلال اسبوعين أو ثلاث اسابيع بالكثير ...
عندي ولد صديق ...نفس شغلتج بس كان مداز جواز G ....و دزهه الهم بتاريخ 17 نيسان و دزوله موعد مقابله بنفس اليوم عله 20 أيار
بالنسبه لأستمارة DS230 هي من أهم الأستمارات الي يعتمدوون عليهه و الي يكون القسم عليهه في وقت المقابله...فأتوقع أن يأخذوون المعلومات الناقصه و بعدين يدززون الموعد ....
ان شاء الله خلال الأسبوعين الجايه يدززون الج موعد...و تفائلوا بالخير تجدوه.. و بالتوفيق أختي..
البصير
-
الله يبشرك ويبشر كل العراقيين يا اخي البصير من حلكك الباب السماء لان اعصابي تعبت من الانتظار وخاصه بلد مابي لا شغل ولا عمل والله يكون بعون كل العراقيين الاشراف
اختكم
ساسي
-
أختي العزيزة Sasy
بالنسبة ال شغلتك اني هم نفس الشي مريت بيهه هاي الحالة وكلولي انت مرحلة أنتظار وهذا مايعرف بالمنتدى بأسم بحر الظلمات
أما حالتي فهي كانت سريعة بعد 13 يوم من بحر الظلمات أتاني موعد مقابلة وعلى ضوء أنتي بنيه ومخادمة عسكرية فأتوقع ان شاء الله خير وتكون مقابلتك مقاربة ال فترتي
وهي تتراوح مرحلة الانتظار بين أسبوعين الى شهرين ان شاء الله مو أكثر
تقبلي تحياتي ومروري
حداد السيوف
-
اشكرك حداد السيوف بشرك الله بالخير ياورده انشاء الله ربي يسمع منك ويريح قلب كل العراقيين واني من ضمنهم
اختكم
ساسي
-
اني صارلي 10 ايام ب بحر الظلمات .......وكتبولي تقريبا مثل ما كتبولج ...المهم اعرف ولد صديقي ...وره شهر سباحه ب بحر الظلمات ودزوله ايميل وطلع سلامات يعني حصل فيزه ...واعرف صديق اخر 90 يوم عدا ونقدا دزوووله ايميل ومحد يعرف ...بس اكول حشر مع الناس عيد والله يصبرج ويصبرنا و يوفق الجميع
-
اني صارلي 10 ايام ب بحر الظلمات .......وكتبولي تقريبا مثل ما كتبولج ...المهم اعرف ولد صديقي ...وره شهر سباحه ب بحر الظلمات ودزوله ايميل وطلع سلامات يعني حصل فيزه ...واعرف صديق اخر 90 يوم عدا ونقدا دزوووله ايميل ومحد يعرف ...بس اكول حشر مع الناس عيد والله يصبرج ويصبرنا و يوفق الجميع
-
شكراا انشاء الله منبقى اكثر من شهر يارب الله يبعدنه من ٩٠ يوم
شكرا اخ VIP
اختكم
ساسي
-
الاخت ساسي
اين انت افتقدناك
ان شاء الله نسمع منك اخبار زينة
-
شنو قصتك صديقي كاوبوي تكلب بالدفاتر العتيكه هههههههههه
واني اكول معقولة ساسي خلصت ورجعت للظلمات؟؟؟ شنو رجعت تنقذ غركانين
المهم صديقي اختنا موجودة بس انته اللي جنا مفتقدينك والحمد لله بينت
وكل اللي اتذكره انه صارت عدهه مقابلة محلفين وبنفس اليوم اجاهه ايميل مالة مقابلة السفارة عال SIV
وهسه مدري قابلت مدري بعد
-
اخي العزيز كابوي اني موجوده انت ماكو وفرحت بمقابلتك انشاءالله تقابل وتاخذ الفيزه والله يوفقك ربي انشاءالله تحقيق الاماني.
اني هسه دا انتظر مقابلتي يوم ٢/٧ وانشاءالله الله يسهلها علينه وعليك اتمنى استفاديت من السايت او عناوين الاطباء الدزيتها الك
عيني vincenzo اني بعدني ممقابله بعد يعني معقوله اقابل ومانزل موضوع بهذا الشي مستحيل
تحياتي
اختكم
ساسي
-
شنو الموضوع شنو يوم 2/7
NOOR 2
-
أخ Noor 2
لا تدووخ ....الأخت Sasy عدهه مقابله على التأشيره الخاصه SIV 5000 يوم 2 تموز المقبل
نتمنالهه القبول و الحصول على الفيزا
و بالتوفيق للأخت ساسي و لجميع الأخوان و الأخوات المقدمين عل IOM & SIV
و تقبلوا مروري
-
اخت ساسي
اني صار لي ستة اشهر ابحر الظلمات هذا وكل ما اخابر يدزولي نفس ايميلج مال الانتضار
اخوان اكو هيج شئ كولولي علمود اعرف راسي من رجلي
واتمنى لج الموفقية وللجميع
-
السلام عليكم الصراحه هسه يله عرفت روحي اني في بحر الظلمات من قرايت هل الموضوع بس ال حلو اني ارسلت كل الي رادوهن وجبه واحه ماخليت شئ ما دزيته بس دزولي شئ بي خطاء او صلحهته قبل اربعه ايام بس اول شئ ارسلته قبله عشه ايام شتكولن هسه اشكد اصبر او اشتري حب خاطر اكظي بي الليل لان كل ليله اصرف نص كيلو حب صار اكثر من عشره كيلوات هسه اموصل نصيحتكم اكمل الكونيه لو احول على علج الماي لو اكو غير حل اشو اني متفائل بس ماكو صبر انتظر نصيحتكم اخوا لان الشغله كاليش تحب صبر